1 Ih a lung pelane teu ncu twazie;

Ih rabedung dwa gade ncu ketwalei tei zie.

2 Ih n kemci kerecaki dwaga keumie zie

nah n zi de hetwa peu zie n samkakkelu samsang de ziemne nah ncu nlumlu kebui ziemne.

Nang n sam* nah n zi ma keheibe reu kemdu tei kedi ne.

3 Ih ncu qu kegai benai, nang a sam keli beu;

nang acu tei ngkuu beu nah a rabe tei ngkieng beu.

4 Kideu ga hegwangmedung pelane ncu hetwa peuzie, RAMPAUBO,

kedanemene penui n mui gade samdung de siuzie.

5 Kesang lei, heta tei kegaidung ziemne penui lei tei zie RAMPAUBO,

kedanemene RAMPAUBE kemdu au di lu.

6 RAMPAUBE au hu süt bam, ciuliede pa kehename ma pie la,

dede pa ngang kelame de kemdei gade ci lu la.

7 Ih kengyi sum ga tetla de, nang a teilung gum beu la;

nang n badung pet cangzie a ngauraume ratadung ga,

nah n ba zetle le acu keli beuzie.

8 RAMPAUBE au a da la penli ga kecang;

n samkak de samsang, RAMPAUBE, kelungta la mui zie.

Nang n badung le tei kelume ge de pütdi helo.