1 Acu gum beulo, Tinggwang, kedanemene Ih n dage nsiu kegaine.

2 Ih RAMPAUBE dage rangla, "Nang au a RAMPAUBE; ncu si meliecai a keyidung au mage dema.

3 Mina kemcimedung kideu ga kebammedung, penui au mina keyime; a suiyi pelane penui da bam.

4 Penui kehereidung au kieesi dizie, hera kedadung de peei kelame. Ih hejai ratak penui rabedung dage ruigai beulak

mede a mleu le cipau rabe zidung teuncuh beulak.

5 RAMPAUBO, nang au a kedet kelu lie zi ge nah a piak. Nang a mabam gum beula.

6 Heni keyidung gage a ziemne heraidung tei gai beu da; mapwa keyi ge agu kesangda.

7 RAMPAUBE a lampui saubeu kelabe de samlam beuzie; tingmui de a lung acu ledeu beula.

8 Ih RAMPAUBE de a dwa gage kai muila, iciu eh acu deu mlai di gailak!

9 Ci ziemne a nlung sui yibam; a kemdu herwa eh bam. Ih magede hing mene lung kesang luzie.

10 Kedanemene nang a rabe de ketsaime deu gage püt dilak. Nang hung kelamedung depeu kengkap ngau dilak.

11 Nang acu kering lampuibe ledeu beu da; nang kela ga au misui keyi le pui; n ba zetle ga kelungta misui keyi bam!"*