1 RAMPAUBE hegwang teila; pa au kendu gade bah luda;

RAMPAUBE pekatei kengkieng pai nah paikang teu lu.

Kideube au tei ntiprip pwa bam, cide mlai gai lak.

2 Oh RAMPAUBO, n hegwangbam ndaa gade tei pwala dida;

nang au ndaa gade lamui dida.

3 Jaaididung cuh dida, RAMPAUBO;

penui penui kwa sah cuh;

jaadi cuidung rediang nah mrung.

4 Kecehu ga kebam RAMPAUBE au,

dui kekiee kwadung swade diki,

yeo, jaadi cuidung kedi swade.

5 N kemci sampet de au nlumlu kebui ge;

kemci le n ki tei hezuyi lu,

RAMPAUBO, nang lungh kelatane.