1 RAMPAUBO, makesia gade acu kelibeu lo;

mina kesiame dade acu gum beulo.

2 Penui penui nlungdung ga makesiabe riem la;

penui tingba ramsang hereu dung teu gwang la.

3 Penui mleudung au heneidung rezam nzwa;

henei gu ncaidung penui mui lim ga bamla.* Selah

4 Makesiame badung gade acu kainzeu beu, RAMPAUBO;

regie kecume dade acu gum beulo

acu tei nkau di kera riem kelame dade.

5 Ngang kelame a ziemne baih teu pwabam;

penui aziemne hebai ge tei pwabam;

penui a ziemne hebaidung kai pwabam. Selah

6 Ih ncu rang RAMPAUBO, "Nang au a Tinggwang;

ngaunggia eh Ih hap kegai de kingnei gai lo,"

7 RAMPAUBO, a Tinggwang, nang au ngkingsüt eh acu kelilu bui;

nang hereu benai apeu gumbeu da.

8 RAMPAUBE, makesiabe de pe luneudung peu so;

penui nkim ciemdung de peu teicanglu so.

9 Acu twagwa kebam ngauraume depeu penui peudung cuhlu;

peu penui muileudung de penui katei penuide gumcim dilu.

10 Peu miceu ru kebam de penui reuga cakmie lu;

penui de mi ga heling gai dilu,

pesing kegah koikidung gage, madaude peu cuhdai lak kerane.

11 Peu mina mleudung de kideu ga kwak kera tei diso;

peu makesiabe de pezai kesiame peidung de gi ngkaudi lu.

12 Ih ci RAMPAUBE tutiak kecudau kehename lam pwa kera,

nah kegahme de kemzeube ha beu kera.

13 Kesangmedung n zi de hetwa pwapeu bi zie;

kemzuimedung nang kebam ga lungh zie.