1 RAMPAUBE de twalu.

Pecu twalu, nnui RAMPAUBE kilamedung;

RAMPAUBE zi twalu.

2 RAMPAUBE zi de peu samlam punglu,

cude nah kelungta.

3 Naimiak kepet gade kenlüt kecang,

RAMPAUBE zi twa kerabe.

4 RAMPAUBE heleuh pelane reu di,

nah pe kemdu au tingkam reu ga la.

5 Cau anui Tinggwang RAMPAUBE nzwa no,

cau kecehu ga bam no,

6 cau ting nah kideu pie kera

keukei mie la no?

7 Pa kegame de rebui gade kwakcu lula

nah kehereikelame de mimüt gade teucuh beula,

8 iciude peu pecu kedime na zangnamedung tei beula,

pe minadung kedime nadung.✝

9 Pa pekilung ga suiyi peula,

pa pecu henamedung pwa peu eh pecu peu pe suiyi la.

RAMPAUBE de twalu.