1 N dage, RAMPAUBO, Ih mra gaila; a tsura, acu gidi so.

Nang a sam kelibeu tadi cai, Ih herau ga nghung kelame de nzang dizie.

2 Ih n ngha kie kegai dau a nggia kwa kingnei,

Ih n kemci ni lamge a ba hwa kegaidau!

3 Kesiame de si eh acu teukerei so,

kesia keteime de si eh,

pe kidacaina dage lungciep teu eh resiu la dede lungning kesia penui nlung ga la.

4 Penui batadung ziemne penui ngau kebui peulo nah penui ta kesiadung kie kegai saja de peulo,

penui batadung ziemne penuide saja peulo nah penui ngau kerabe penuide peulo.*

5 Kedanemene kesiame RAMPAUBE batadung de ci melu mede pe ba le tei kegaidung de,

Tinggwang cidungde teurak dizie nah madaude tei hemi daibeu lak.

6 RAMPAUBE de hetwa peulo

kedanemene pa a kengha nggia kwa kingnei kelune!

7 RAMPAUBE a kengkieng nah a hegeu;

a nlung pecu nlumla, nah Ih kengha ngaulu da.

Cine a nlung sui yisütlu,

nah Ih pecu lei tei eh twa zie.

8 RAMPAUBE au pe minadung gu kengkiengbe,

nah pane keniak kelube gu kelibeu kela kemsiube.

9 N minadung de kelibeulo nah n mapwa de samlam beulo.

Penui meurün kekwabe lu nah penuide kelungta ngngwa lalu.