1 A kekie kingnei lulo, RAMPAUBO; a nggia kingnei gailo.

N lungsang nah n samsang de ziemne, a sam keli gailo!

2 N kilabe de ngngwalwe tutiak kera lüt diso,

kedanemene n miakngau gade mi gede ma kesangme ga.*

3 A ngauraume ne a rabe de gwacang luda;

pa a cu hangdeu gage hedeu dida;

pa a cu kemui ga lung kera tei dida

ndaa tsai kedimedung nzwa.

4 A lung ga a rabe puipung bam;

a nlung ngkung dida.

5 Ih tingba gwang kedidung de nsung gai;

Ih n tadung pelane cetncok gai;

Nang teicang keludung de Ih piecaili gai.

6 Ih n dage kekie gade a ba hwa gaila;

kideu kecang ga n ziemne a rabe hereu bam dida. Selah

7 Sam keli zette gailo, RAMPAUBO, kedanemene a rabe mnei dida.

A dade nzu Kebai diso,

mecai hekwaki ga nghung kedime ge nzwadi zielu.

8 N samkakkelu samsang de peu acu tingcang dau siu lulo,

kedanemene Ih ncu nlum lalu.

Ih tet mai kesia lampui de acu saulia lo,

kedanemene Ih ndage a rabe teu ncuh gai la.

9 A ngauraume dade acu kelibeu, RAMPAUBO;

Ih n dage mbai kera pakgai lalu.

10 N lungning tei kera acu ledeu beulo,

kedanemene nang au a Tinggwang.

Peu n rabe keyi de

acu petau ketei be deu gage sau gai beulo.

11 RAMPAUBO, N zi de ziemne, acu peu ring bam lo;

n kesamsang le a rabe keherei kecu gade teumpet beula.

12 Ngu samkakkelu samsang le a ngauraume de tei nggahdi

nah a teilung ga ngauraume pelane de tei ngkapdi lo,

kedanemene Ih au n kilabe lu.