1 "Magade RAMPAUBE anui lam sap melie cai,"

peu Israel de cu rang lo,

2 "Magade anui ngauraume anuide renia cuh kecudau

RAMPAUBE anui lam kesapbe bam melie cai,

3 penui anuide rata gade reniacuh kecudau

penui anuide nring mnwa luzie dege.

4 Dui ne anuide pung tet di zie dege;

duidiet ne anuide gumpung dizie dege.

5 Pecai duicui kengkieng ne anuide hegak dizie dege."

6 RAMPAUBE de peu samlam pung kelube teilo,

peu ngauraume de anuide ngkapdi meda.

7 Anui au nruine ge teihgwame taq gade mbai kelu nzwa da;

hetak sia dida, nah anui pak luda.

8 Anui gu kengha au RAMPAUBE da bam,

tinggim nah kideu tei kegaibe da.