1 Kemneime ma pie kelamedung ne samlam pungtu;

keherei kecu benai, RAMPAUBE pecu kelibeu zielu.

2 RAMPAUBE pecu gum beuzie nah pecu peu lunghbam luzie,

nah pecu kideube gade samlam beuzie;

RAMPAUBE pecu pe ngauraume kengkieng gage kai dilak.

3 Pe mateei zeulie gade pecu RAMPAUBE ngha beuzie;

pe mateei zeulie de teikehemi zeulie teibeu zie.

4 Ih kiegai, "RAMPAUBO, acu ngaunggia gailo!

Acu tei ngkei beulo, kedanemene Ih n dage kemau teigai dide kecune."

5 A ngauraume acu ngau kerau sam rangla, penui rangla,

‘Pa daidau tsai la nah pe zi nsungta dila?’

6 Magagede a ngauraume acu pie kera gwang cai, pa sam kemtabe rangla;

penui acu tei ngkap kera hekwa lala;

pa atai gade tet kedidau, pa cide kedame de ranglia la.

7 Acu ngaurau kelame pelane a ha hangge ge dage rang lala;

acu rezam di kera regui lala.

8 Penui rangla, "Ketsai mateei peda la dida;

pa cu au zeu bamdi delu, pa au cuh daigai lakta."

9 Ih nlum kela a zangnabe kecang de,

a taktyei tyei kelabe de,

acu ngkau dida.*

10 Dede nang, RAMPAUBO, acu ngaunggia gailo nah acu teu ncuh beulo

iciu eh Ih penuide penui zie teidai beulu kerane.

11 Aide gade nang acu nsuila kecu Ih cibam,

kedanemene a ngauraume a reu ngkinglu mekecune.

12 A ziemne au, Ih keyi tei kela ga nang acu ngha la

nah nang kelungta n taiga acu gum beuzie.

13 Peu RAMPAUBE, Israel Tinggwang de hetwa punglu

kelungta nah kelungta.

Amen nah Amen.*