1 RAMPAUBO, cau gu paiki ga bamlu buino?*

Cau n kemci kideutu ga lungh lubui no?

2 Kemau gah zing kecume, petau tei kelame

nah pe nlung gade ma kesangbe rang kelame.

3 Pa pe mleu le rangmsia la ma,

pa mi kedame de tei rejam lama,

nah pa pe kidame de kii lama.

4 Pe miakngau gade pa mina mta mrwa kelame de gi dila,

dede pa RAMPAUBE mie hing kelame de herüt peula.

Pa ziuyi bam melie de sampet beula delwe pa pe sampetdung teicang lula.

5 Pa pekai tei mene rangkang hepwak peula.

Pa mau kemakme de kemmau zierang tei kera hetau luu lamah.

Aidungde tei kegaibe madauge de deu mlai gailak.