Filho de Deus
Jesus é o Filho de Deus — a revelação suprema do Pai. Nele habita toda a plenitude da divindade e por Ele temos acesso ao Pai, à salvação e à vida eterna.
A revelação do Filho
O Filho é o resplendor da glória de Deus. Quem vê o Filho vê o Pai. Jesus é a imagem perfeita do Deus invisível.
Uwu gba akwu ɛbɛ iyi inzumbɛku iyi Ukpo le. A ri kyakya mbala Ukpo, ekpasu iyi iso wu gba i ra la kwudu kwɔlɛ le lɛɛbi. Mizhikembo iyi umɛ wu a gba la ingbomo iyi enzu a kpamba akwɛyi a ŋɔma moshi mu kwuwo ungwungyi ungwu Ukpo Edego-ala.
Umɛ ele Ukpo e wo wu a ka alɔgbulɔ umba Ukpo ma kyamate bɔkɔ ɛnyi iyi bɔkɔ Ukpo e shi wu i ka iyamba ma awu.
Iso ɛlɛ i vindɔ onzu uwu bɔkɔ esheshi mbala ongbulolo i nyɔlɔ wu ma duduu akwɛyi a ŋɔ mbala nzu. Kinzu ki ma inzumbɛku wu, inzumbɛku iyi bɔkɔ a na kwuwongu akwu Umɛ Uwɛnyi uwu Ada.
Onzu uwunawuna a da ma Ukpo dɛ mo; Umɛ Ukpɛnyi uwu Ukpo, uwu bɔkɔ e yi mbala Ukpo, uwu bɔkɔ akwu Ukpo awu gba a zɔ nzu Ukpo le.
Ɔzhizɔsi a za mba te, <<Adami e yi mu ɛduma iwomo nzhii ba kwɔfyi ungwu ɔnɛ, Imi tete, mi wo ɛduma mɛga.>> Kwuwo kwɔlɛ wa to keyi umba Azhu o yirimo mu ɔgwuzɛ igagyima kaa lɔ ngbɛ wu ma; akwu kwuwongu bɔkɔ e fo ɛrama iyi Kwɔfyi ungwu ɛnwu igbomo mo kɛɛkyi le mo, ikyo a zɔ te Ukpo akwu Ete wu, iyi bɔkɔ i zɔ te e fulo ɛnwu wu kyakya mbala Ukpo.
Confissão e fé
Tu és o Cristo, o Filho do Deus vivo! Quem confessa que Jesus é o Filho de Deus, Deus permanece nele.
Kwuye ungwu Ɔzhizɔsi e bo mu ɛzhi iyi Oseseriya Ofilipi, e yo Wavɔngɔkiya wu tee, <<Enzu ɔ zɔ tee Umɛ uwu Onzu akwu uwe?>>
O gba opwu, o zɔ tee, <<Umbafo mbo o zɔ tee akwu Ɔzhɔnu u wo obatisima, umbafo o zɔ tee akwu Elazha, umbafo ba o zɔ tee akwu Ozheremaya nana anukenzu uwu Ukpo uwufo.>>
Akwɛyi e yo mbo tee <<Lunyi kɔ?>> <<Lunyi ba lu zɔ te mi kwu uwe?>>
Akwɛyi Ɔsamɔ Opita a gba wu opwu tee, <<Uŋɔ gba ŋɔ kwu Okrasi le, Umɛ uwu Ukpo ureyi.>>
Tabɔkɔ o mbwa Ɔzhizɔsi obatisima iwomo, akwɛyi a wɔma mu embyi. Akwɛyi oshi u wuma gboo, akwɛyi a ma Kwundu uwu Ukpo a wɔ moshi mate ogarikwokwo tayi akwɛyi e kwu mawu. Akwɛyi opwu u wɔ moshi u zɔ tee, <<Ele akwu umɛ mi uwu idɛnyi mi, mi mwɔnyɛ mbala wu gyɔɔ.>>
Akwiyi gba onzu a nyama te Ɔzhizɔsi akwu Umɛ uwu Ukpo, onzu awu e kyo mbala Ukpo, Ukpo tete e kyo mbala wu.
Ɔlɛ gba akwu ɔgwuzɛ uwu u zɔ te Ukpo e pwu idɛnyi nzu le: A lɔ Umɛ wu ɛnyi te le bo mu kwudu kwɔlɛ, kaa la ki fya kwunyɔ ungwɔkpɔ munyi wu. Ɛlɛ gba akwu idɛnyi ireyi le tee: akwu te kinzu gba ki pwu idɛnyi iyi Ukpo le mo, akwu Ukpo gba e pwu idɛnyi nzu le akwɛyi a lɔ umɛ wu kaa le kpomo kwuwongu ingbomo nzu.
Onzu uwu bɔkɔ a ŋɔ mu ingbomo, akwu uwu iyo uwoyi, moo iyo uwoyi e gwola ingbomo ngbaa mu iyemo. Umɛ uwu Ukpo ba e bo te kaa le tutu ɛduma iyi iyo uwoyi awu ma.
Onzu uwu bɔkɔ a na Umɛ awu, de ba e yi kwunyɔ ungwɔkpɔ; onzu uwu bɔkɔ a na Umɛ uwu Ukpo awu mo ba e yi kwunyɔ ungwɔkpɔ mo.
Vida no Filho
Deus enviou seu Filho ao mundo para que vivêssemos por Ele. O Filho dá vida, julga e reconcilia os pecadores com o Pai.
Moo Ukpo e pwu idɛnyi iyi kwudu kwɔlɛ gyɔɔ akwɛyi e shi Umɛ wu ɛnyi te kaa onzu uwunawuna uwu akwu idu wu e fulo ma wu e kpɛdɔma mo, uwu ba aa fya kwunyɔ ungwu ɔkpɔɔ.
Kyamate bɔkɔ Ada ee yi enzu umba o kpomo mu kwuvɔ akwɛyi ee shi mbo kwunyɔ awu, tatayi gba Umɛ ee shi onzu uwu bɔkɔ uwu a gyi, kwunyɔ le. Ada ee to onzu ukpukpɛnyi te ombu mafyi wu mo. E shi Umɛ wu ekpasu lɛɛbi kaa le to ombu, kaa uwewe le lo Umɛ ma kyamate o lo Ada ma tayi. Onzu uwu bɔkɔ e lo Umɛ ma mo, e lo Ada uwu bɔkɔ a lɔ wu ma mo.
Mi so yi ongbulolo mɛɛ, kwuye kwu yi mu inyɔma, ungwu lakwu bo-o, bɔkɔ ɛkpɛzhi umba enzu ɔɔ pwa opwu uwu Umɛ uwu Ukpo akwɛyi umba bɔkɔ o pwa wu o gba lakwunyɔ. Moo kyamate bɔkɔ Ada mafyi wu gba akwu undu uwu kwunyɔ le awu, tatayi e shi Umɛ kaa lakwu undu uwu kwunyɔ.
Tetete, enzu lɛɛbi umba bɔkɔ na wu akwɛyi o mbwalu wu e shi mbo ekpasu kaa lɔ kwu ɛmɛ umba Ukpo. Umba o kwu ɛmɛ umba Ukpo mu ɔgwuzɛ uwu inɔma iyi ɔnu mbala oko mo. Akwu onzu gba akwu ete mbo le mo. Ukpo mafyiwu gba akwu Ete mbo le.
Mi kpomo mbala Okrasi mu kwuwɛyi ungwu lukwu oo, akwu Imi gba mi yi lareyi le fo Okrasi gba e yi lareyi ma mi le ŋa. I yi lareyi mi, mi kwu idu mi fulo mu umɛ uwu Ukpo uwu bɔkɔ e pwu idɛnyi mi akwɛyi e kpomo kwuwo mi awu.
Tabɔkɔ kwuyengwu Ukpo kwu kpo kya akwɛyi Ukpo a lɔ umɛ wu, okokpayi gba a mba wu le, umɛ awu o mba wu kwuyengwu ɛrama iyi Omosisi, kaa la wala enzu umba bɔkɔ o yi mu ɛrama ma, kwuwongu kaa la ki kwu ɛmɛ umba Ukpo. Kwuwongwu bɔkɔ lunyi lu kwu ɛmɛ wu, akwɛyi Ukpo a lɔ kwundu ungwu umɛ wu kaa lakwu ŋɔ mu egbo nzu, Kwundu uwu umɛ wu uwu e koko a yama te, <<Ada, Ada.>>
Kinzu ki kwu agewa umba Ukpo mekyi, tetete e wo nzu ki kwu enzu ɛmɛza wu kwuwongu lukwu undu Umɛ wu. Kekelele bɔkɔ ki kwu ɛmɛza umba Ukpo ŋa le, uwu a sa nzu ma mu Okrasi!