Filhos
Os filhos são herança do Senhor — bênção e responsabilidade sagrada. A Bíblia orienta sobre a criação dos filhos com amor, disciplina e instrução nos caminhos de Deus.
Herança do Senhor
Os filhos são herança do Senhor e o fruto do ventre é seu galardão. Bem-aventurado o homem que enche deles a sua aljava.
हेरा, बच्चे यहोवारे तरफां दित्तोरो हिस्सोए,
गर्भेरो फल तैसेरे तरफां फले।
ज़ेन्च़रे बहादरेरे हथ्थे मां तीर,
तेन्च़रे जुवैनरां मट्ठां भोतन।
केत्रो धने तै मैन्हु ज़ैने अपनो तरकश तीरन सेइं भरोरो भोए!
तै नगरेरे फाटके कां अपने दुश्मन्न सेइं गल्लां केरतां शरमिन्दा न भोल्हो।
केत्रो धने तै मैन्हु ज़ै यहोवारो डर मन्ते,
ते तैसेरे बत्तन पुड़ च़लते!
तू अपनि कमाई पक्की खेइ बटेलो;
तू धन भोल्हो, ते तेरू भलू भोल्हु।
तेरे घरे मां तेरी कौन्श फलदार दाछ़रे बड़हेरी ज़ेरि भोल्ही,
तेरी रोट्टरे मेज़ेरे च़ेवरे पासन तेरे बच्चे ज़ैतूनेरे बुट्टां केरे ज़ेरे भोल्हे।
शुन, ज़ै मैन्हु यहोवारो डर मन्तो भोए,
तैस एरी ज़ेरी बरकत मैल्हेली।
केत्रो धने तै मैन्हु ज़ै यहोवारो डर मन्ते,
ते तैसेरे बत्तन पुड़ च़लते!
तू अपनि कमाई पक्की खेइ बटेलो;
तू धन भोल्हो, ते तेरू भलू भोल्हु।
तेरे घरे मां तेरी कौन्श फलदार दाछ़रे बड़हेरी ज़ेरि भोल्ही,
तेरी रोट्टरे मेज़ेरे च़ेवरे पासन तेरे बच्चे ज़ैतूनेरे बुट्टां केरे ज़ेरे भोल्हे।
इश्शां मट्ठां जुवैनरे वक्ते पौदां केरां ज़ेरां बेडोतन,
त इश्शी कुइयां तैन कूनेरे खम्भां केरि ज़ेरिन, ज़ैना मेहलेरे लेई बनाए जे;
तैसेरी औलाद मुल्खे मां ताकतबर भोल्ही,
ते सच़्च़े लोकां केरि औलादी बरकत मैल्हेली।
ते परमेशरे तैन्न बरकत दित्ती; ते तैन सेइं ज़ोवं, "फुल्ला-फल्ला, ते धेरती पुड़ भेरोई गाथ, ते तैस अपने कैबू मां केरा; ते समुन्दरेरी मेछ़लन, ते कने अम्बरेरां च़ुड़ोलन, ते धेरती पुड़ रेंगनेबाले सब जीप जन्तून पुड़ अधिकार रखा।"
धन भोन तेरे बच्चे, ते तेरे ऊडारां केरि फसल, ते बछ़ी ते भैड्डां-छ़ेल्ली ते जानबरां केरे बच्चे।
तू सब मुल्खां केरे लोकन करां जादे धन भोल्हो; तेरे दरमियाने मां न मड़द न कौन्शां बेऔलाद भोल्ही, ते तेरे जानबरन मां भी एरहो कोई न भोल्हो।
Instruir e disciplinar
Instrui a criança no caminho em que deve andar, e quando envelhecer não se desviará dele. Disciplina é amor em ação.
बच्चे तैस्से बत्तरी शिक्षा दे ज़ैस मां तैस च़लोरू लोड़े,
ते तै बुढे बारे मां भी तैस करां दूर न भोल्हो।
मट्ठेरे मने मां बेवकूफेरो ड्लन्ठ बंधोरो रहते,
पन अनुशासनेरी सोटी सेइं तै खोलतां तैस करां दूर की गाचे।
ज़ै मट्ठे सज़ाह देनेरे लेई लैट्ठी सेइं न बाए, तै तैसेरो बैरी आहे,
पन ज़ै तैस सेइं प्यार रखते, तै कोशिश केरतां तैस शिक्षा देते।
सोटी ते डांटी सेइं अक्ल हासिल भोतीए,
पन ज़ैन मट्ठू एन्च़रे शारू गाते तैन अपनि अम्मरी शरमरू कम भोते।
मट्ठे झ़िड़क देनी नईं शारनी;
किजोकि अगर तू तैस सोटी सेइं बास, त तै न मरेलो।
हे मेरे मट्ठव, बाजी केरि शिक्षा शुना,
ते समझ़ हासिल केरने मां मन लाथ।
सुलैमानेरी कहावतां।
अक्लमन्द औलादी सेइं बाजी खुश भोते,
पन बेवकूफ औलादरे वजाई सेइं अम्मा दुखी भोतीए।
ते इना हुक्म ज़ैना अवं अज़ तीं शुनाताईं तैना तेरे मने मां बनोरे रान ते तू इन्न अपने बाल-बच्चन समझ़ेइतां शिखैलां, ते घरे मां बिश्शोरे, बत्तां च़लते, लेटते, उठते, इन केरि गलबात केरां।
O amor de Deus por crianças
Deixai vir a mim as crianças. Jesus acolheu, abençoou e honrou as crianças como modelo de fé e humildade.
यीशुए एन हेरतां सेरकोइतां अपने चेलन सेइं ज़ोवं, "निक्के बच्चन मीं कां एजने देथ, तैन्न न ठाका, किजोकि परमेशरेरू राज़ एरे ज़ेरे लोकां केरे लेई आहे।
ते तुस बुरे भोनेरे बावजूद भी अपने मट्ठन रोड़ी चीज़ां देनी ज़ानतथ, त तुश्शो सुर्गेरो बाजी तुसन रोड़ी चीज़ां कि न देलो, ज़ैना तैस करां मगतन?
यीशु अक्ली मां भी ते कदे मां भी बेडोतो जेव ते परमेशरेरी ते इन्सानेरी कृपाई मां बद्धतो जेव।
ज़ेन्च़रे बाजी अपने बच्चन पुड़ तरस खाते,
तेन्च़रे यहोवा तैन पुड़ तरस खाते, ज़ैना तैसेरो डर मनतन।
हेरा बाजे परमेशरे असन सेइं केरो प्यार कियो, कि असन जो परमेशरेरे बच्चे ज़ोन, ते अस अहम भी, एल्हेरेलेइ दुनियारे लोकेईं अस न पिशाने कि अस परमेशरेरे बच्चेम, किजोकि तैनेईं बाजी परमेशर भी न पिशानो।
Bênção e promessa
O Senhor te abençoe e te guarde. Os filhos dos justos serão abençoados e suas gerações caminharão na retidão.
यहोवा तीं आशिर्वाद दे, ते तेरी हिफाज़त केरे;
यहोवा तीं पुड़ अपने तुत्तरेरी लौ चमकाए,
ते तीं पुड़ अनुग्रह केरे।
यहोवा अपनु तुत्तर तेरे पासे फिराए, ते तीं शान्ति दे।
परमेशर तीं अम्बरे मरां ओश
ते ज़मीनरे अन्नेरी पैदावार,
ते बड़ू अन्न ते नंव्वो दाछ़रो रस दे।
सैरी कौमां तेरी सेवा केरेली,
ते मुल्खां-मुल्खां केरे लोक तीं कां झुकन।
ते तू अपने ढ्लां केरो मालिक भोस,
ते तेरी अम्मरां मट्ठां तीं कां झुकन,
ते ज़ैना तीं लानत देन, तैना एप्पु लानती भोन,
ते ज़ैना तीं बरकत देन तैन बरकत मैल्हे।"
किजोकि अवं खुशक धेरती पुड़ पानी ते शुकोरी ज़मीनी मां पैनेरी गड्डां बगेइलो; अवं तेरे खानदाने पुड़ ते तेरी औलादी पुड़ बरकत देलो। तैना मजनू बुट्टेरे ज़ेरे बेडोले ज़ैना पैनेरे बन्ने घासे मां भोतन।
अवं यहोवा एप्पु तेरे लोकन शिक्षा देलो ते तैन बड़ी शान्ति मैल्हेली।
"गर्भे मां रच़ने करां पेइले अवं तीं ज़ानताईं, ते पैदा भोने करां पेइले मीं तू च़ुनो; मीं तू कौमां केरो नबी ठहराव।"
ते तैना मेरे लोक भोल्हे, ते अवं तैन केरो परमेशर भोल्हो। अवं तैन अक मन ते अक चाल केरेलो कि तैना हमेशा मेरो डर मन्ते रान, ज़ैस सेइं तैन केरू ते तैन केरे बाद तैन केरे खानदानेरू भी भलू भोए।
किजोकि तीं मेरे एंत्रीं अंग बनेवरेन;
तीं अवं अम्मरे पेटे मां बनाव।
अवं तेरू शुक्र केरेलो, एल्हेरेलेइ कि अवं भयानक ते अद्भुत तरीके सेइं बनाव जेवरोईं,
तेरां कम्मां त हैरान केरनेबालन,
ते अवं एन रोड़ेच़ारे ज़ानताईं।
मेरो ढांचो तीं करां छ़पोरो न थियो,
ज़ैखन अवं खुफिया ठैरी बनेवरो थियो,
तैखन मेरी हेड्डी तीं करां छ़ेपोरी न थी।
तेरी एछ़्छ़ेईं अवं तैखने लाहोरो थियो,
ते मेरे सब अंग ज़ैना रोज़ बनते गाते थिये तैना बन्ने करां पेइले
तेरी किताबी मां लिखोरे थिये।
ज़ेरो अवं पैदा भोव; अवं तेरे भरोसे पुड़ छ़ेडी दित्तो;
अम्मरे पेटे करां देंतो तू मेरो परमेशर राहोरोस।
अवं जुवान थियो, हुनी बुढो आईं,
अवं हेरतो एवरोईं;
पन न त मीं कधी धर्मी शारोरो,
ते न तैसेरू खानदान टुक्ड़े मगते लावं।
भक्त मैन्हु त सदा दया केरतां कर्ज़ो देते,
ते तैसेरे खानदाने पुड़ बरकत मैलती रहतीए।
तैन अस अपने खानदाने करां छ़ुपेइतां न रखमेले,
पन एजने बैली पीढ़रे लोकन करां,
यहोवारी तारीफ़ ते तैसेरी शक्ति
ते चमत्कारां केरे बारे मां ज़ोमेले।
बुढां केरि शोभा तैन केरे दिहोड़ां पोट्लड़न;
ते बाल-बच्चां केरि शोभा तैन केरे अम्मा-बाजीन।
तै मैन्हु ज़ै अपने ईमानदैरी पुड़ च़लते,
तैसेरां मट्ठा ज़ैना तैस पत्ती च़लतन, तैना धन भोतन।
Criação e obediência
Pais, criai vossos filhos na disciplina e instrução do Senhor. Filhos, obedecei a vossos pais — isto é justo e agradável a Deus.
पवित्रशास्त्र ज़ोते, "अपने अम्मा ते बाजी केरि आदर केरा, तैखन तुश्शू भलू भोल्हु ते दुनियाई मां तुश्शी लम्मी उमर भोल्ही।" ई पेइलो हुक्मे ज़ैस सेइं परमेशरे वाधो कियोरोए, त बच्चव इन तुश्शे लेई रोड़ूए, तुस ज़ैना प्रभु यीशु पुड़ विश्वास केरतथ, अपने अम्मा बाजी केरू ज़ोनू मन्ना।
ते हे बच्चन बालव, अपने बच्चन न सरकाथ, पन प्रभुएरी शिक्षा ते खबरदारी देइतां, तैन केरि हेरगेश केरा।
हे बच़ाव, सेब्भी गल्लन मां अपने-अपने अम्मा बाजी केरो हुक्म मन्ना, किजोकि प्रभु इस सेइं खुश भोते।
हे बच्चन बालव, अपने बच्चन तंग न केरा, एरू न भोए कि तैन केरि हिम्मत न ट्लुटे।
"तू अपने अम्मा-बाजी केरि आदर केरां, ज़ैस सेइं ज़ै मुल्ख तेरो परमेशर यहोवा तीं देते तैस मां तू बड़े दिहाड़न तगर ज़ींतो रालो।
ऐह हदैइत तुश्शे समझ़नेरे लेइए, एस बल्हे सेइं बरदाशत केरा, परमेशर तुसन अपना मट्ठां सेमझ़तां बर्ताव केरते, किजोकि तैन कौन ज़ेरू मट्ठूए ज़ैस तैसेरो बाजी समझ़ाए नन्ना? पन अगर तुसन सुधारे न गाथ ज़ेसेरे हिस्सेदार सब भोतन त तुस न गैर औलाद भोनेथ न की अपना मट्ठां।
ते अगर कोन्ची विधवारां मट्ठां या पोट्लड़ां या धियोड़ां भोन, ते तैनेईं पेइले अपने घरेरे लोकां केरू ध्यान रेखतां परमेशरेरी भक्ति केरनि शिखोरी लोड़े। ते तैना एन केरतां अपने अम्मा-बाजी ते दादा देदी केरू हक देन, किजोकि इन परमेशरे पसंद एइते।
ज़ैखन कुआन्श बच्चो ज़ातीए त तैस बड़ी तकलीफ भोतीए, किजोकि तैसेरे दुखेरी घड़ी नेड़े पुज़ोरीए, पन ज़ैखन बच्चो ज़र्मते त एस खुशी मां कि दुनियाई मां अक मैन्हु पैदा भोवरोए अपनि तकलीफ बिस्सरी गाचे।
फिरी तुश्शां मट्ठां कुइयां ज़ैन केरे बारे मां तुस ज़ोतथ कि इना लूटी मां च़ेलि गालां, ते तुश्शे बच्चे ज़ैना हुन्ना खरे-बुरेरो भेद न ज़ानन, तैना तैड़ी दाखल भोल्हां, ते तैन्न अवं तैस मुल्खे देइलो, ते तैना तैसेरे अधिकारी भोल्हे।