Filhos
Os filhos são herança do Senhor — bênção e responsabilidade sagrada. A Bíblia orienta sobre a criação dos filhos com amor, disciplina e instrução nos caminhos de Deus.
Herança do Senhor
Os filhos são herança do Senhor e o fruto do ventre é seu galardão. Bem-aventurado o homem que enche deles a sua aljava.
असली बर्गत हआ लान्हैं सुन्हैं हणैं,
तिंयां हआ बिधाता हाम्हां लै
आप्पू बाखा दैनी दी भैंट।
खारकी पलका खास्सै शोहरू-माठै हआ
शूरबीरा का खास्सै कतीरा ज़िहै
सोभी का खुशी हआ तेऊ मर्धा लै ज़सरी किर्ली इना इहै कतीरा करै भरी हआ,
तेऊए दुशमण निं तेऊ झ़गल़ै लै फेरा-फेर गोट दैई बी
नसाफ करने ज़ैगा पांच़ी लै हारी सकदै।
बिधाता दैआ तिन्नां लै बर्गत ज़ुंण तेऊए हुकम मना अर
तेते साबै आपणीं ज़िन्दगी ज़िऊआ।
तिन्नें खेचै हणीं खास्सी पज़ैआ अर
तिंयां रहणैं राज्ज़ी-मौज़ी अर सफल हंदै।
तिन्नें आपणीं लाल़ी हणीं तिन्नें टबरा लै फल़दी दाखे बेला ज़ेही,
तिन्नें शोहरू हणैं तिन्नां लै जैतूने बूटा ज़िहै।
ज़ुंण बी बिधाते डरा हेठै रहा,
तिन्नां लै दैआ सह ज़रूर एही ई बर्गत।
बिधाता दैआ तिन्नां लै बर्गत ज़ुंण तेऊए हुकम मना अर
तेते साबै आपणीं ज़िन्दगी ज़िऊआ।
तिन्नें खेचै हणीं खास्सी पज़ैआ अर
तिंयां रहणैं राज्ज़ी-मौज़ी अर सफल हंदै।
तिन्नें आपणीं लाल़ी हणीं तिन्नें टबरा लै फल़दी दाखे बेला ज़ेही,
तिन्नें शोहरू हणैं तिन्नां लै जैतूने बूटा ज़िहै।
म्हारै शोहरू लोल़ी तै खारकी अमरा
हरी-भरी बुटी ज़िहै बझ़ै।
म्हारी शोहरी लोल़ी ती तिन्नां पाक्कै थाम्हा ज़ेही हुई
ज़ुंण राज़े मैहलै कणोडै दी लागणै।
तेऊए आद-लुआद हणीं देशै बलबान अर
तेऊ भेटणीं परमेशरा का खास्सी बर्गत।
बिधाता दैनी तिन्नां लै बर्गत, संघा बोलअ तिन्नां लै इहअ, "फल़ा-फूला संघा भर्हिया सारी पृथूई दी अर समुंदरे म्हाछ़ली, सरगे च़ेल्लू-पखीरू, ज़ुंण ज़ीब धरती दी हांढा-फिरा तिन्नां करा आपणैं काबू तेथ दी आसा थारअ हक।"
"बिधाता दैणीं तम्हां लै एही बर्गत कि थारी हणीं खास्सी लुआद, खेचै हणीं खास्सी पज़ैआ अर थारै हणीं खास्सी डागै-चैणें हेल़्ही।
बिधाता दैणीं तम्हां लै होरी देशे लोगा का खास्सी बर्गत। तेखअ नां तम्हां मांझ़ै कसरी अत्री हणीं अर नां थारै डागै-चैणैं बांढै हणैं।
Instruir e disciplinar
Instrui a criança no caminho em que deve andar, e quando envelhecer não se desviará dele. Disciplina é amor em ação.
आपणैं लान्हैं लै डाहणीं होछ़ी उझै बुध खोज़ी कि तिन्नां केही ज़िन्दगी लोल़ी ज़िऊई,
सह रहणीं तिन्नां सारी अमरा आद।
लान्हैं हआ सोभै ऐडै ई,
पर नैरी-समझ़ाऊई करै जाआ तिंयां समझ़ी कि किहअ बभार लागा करनअ।
ज़ुंण आपणैं शोहरू-माठै लै झ़ूरा, सह डाहा तिन्नां नैरी बी,
पर ज़ुंण नांईं झ़ूरदअ, सह दैआ तिन्नां कज़ेही करनै।
ज़ै लान्हैं नैरै समझ़ाऊऐ, तेता करै हआ तिन्नों भलअ,
पर ज़ै शोहरू नैरनै बाझ़ी एही छ़ुटअ, बादा का लागा तेखअ तेऊए ईजा शर्मिंदै हणअ।
लान्हैं नैरना लै निं कसर छ़ाडी।
तिंयां निं नैरी-समझ़ाऊई करै मरी च़ाल्लै,
लान्हैंओ, ज़िहअ हुंह बोला तिहअ शूणां
धैन दैआ, तै एछणी तम्हां समझ़।
सुलैमानै आसा एही सैणीं गल्ला किई दी:
ज़ै शोहरू अक्ली आल़ै हुऐ, तेता करै हआ ईजा-बाबा बी खुशी,
पर ऐडी लुआद चोल़ा तिन्नों दिल।
बिधाते बधान अर बिधी ज़ुंण मंऐं आझ़ खोज़ी लाऐ, तिंयां लोल़ी तम्हैं आपणैं दिलै सदा आद डाहै। इना डाहै तम्हैं आपणैं शोहरू-माठै का भिई-भिई बोली खोज़ी। हर बगत करनी तिन्नां संघै एते ई बारै गल्ला, घअरै-बणैं, हांढदी-फिरदी, बैल़ी सुत्तदी अर दोत्ती उझ़दी करै तम्हैं एते ई बारै गल्ला।
O amor de Deus por crianças
Deixai vir a mim as crianças. Jesus acolheu, abençoou e honrou as crianças como modelo de fé e humildade.
इहअ भाल़ी आई ईशू तिन्नां च़ेल्लै लै रोश्शै संघा बोलअ तिन्नां लै, "इना लान्हैं दैआ मुंह सेटा लै एछणैं इना निं रोक्का! किल्हैकि परमेशरो राज़ आसा इना लान्हैं ज़िहै मणछो ई।
"ज़ै तम्हैं बूरै हई बी आपणैं शोहरू लै राम्बल़ी च़िज़ा दैई सका, तै थारअ स्वर्गे रहणैं आल़अ बाब परमेशर आपणैं मांगणै आल़ै लै राम्बल़ी च़िज़ा किल्है निं दैई सकदअ?लूक. 11:13
इहअ करै लागअ ईशू अक्ल, कद-काठी, परमेशरे अर मणछे शोभा दी बढदअ।
ज़िहअ बाब आपणैं शोहरू लै झणैल़ू हअ,
तिहअ झणैल़ू आसा बिधाता तिन्नां लै ज़ुंण तेऊओ अदर करा।
सोठा, बाब परमेशरै हाम्हां संघै केही झ़ूरी किई, कि हाम्हैं तेऊए लुआद हई सके। हाम्हैं तेऊए लुआद आसा बी, तैही निं संसार हाम्हां बछ़ैणदअ, किल्हैकि तिन्नैं निं प्रभू, म्हारअ बाब परमेशर बी बछ़ैणअ।
Bênção e promessa
O Senhor te abençoe e te guarde. Os filhos dos justos serão abençoados e suas gerações caminharão na retidão.
‘हुंह करा बिधाता का एही अरज़ कि
सह दैए ताल्है बर्गत अर
तेऊ लोल़ी सदा तेरी फाज़त किई,
बिधाता लोल़ी ताल्है आपणीं झींण
अर जश रहैऊअ।
ताह लोल़ी सुख-शांती भेटी अर
मेरी आसा बिधाता का एही अरज़ कि तेऊ निं लोल़ी
ताह बाखा कधि पिठ फरेऊई।’
मेरै शोहरूआ,
बिधाता लोल़ी ताल्है बर्गत दैनी,
सरगा का लोल़ी ओश पल़ी,
ज़िम्मीं लोल़ी तेरी रज़दी-पज़दी हुई
नाज़ अर दाखा करै भर्हुई दी,
देशा-देशे लोगा प्रैंदै
लोल़ी तेरअ राज़ हुअ
अर तिन्नैं सोभी लोल़ी
ताह सेटा माथअ टेक्कअ,
आपणैं होरी भाईओ बी लोल़ी
तूह मालक हुअ अर
तिन्नां बी टेक्कणअ ताह सेटा माथअ।
ज़ुंण ताल्है फिटक दैए,
तिन्नां लै बी भेटणअ फिटक,
ज़ुंण ताल्है बर्गत दैए,
तिन्नां लै बी भेटणीं बर्गत।"
किल्हैकि मुंह बरशाऊंणअ रुखी ज़ैगा लै पाणीं अर
शुक्की ज़ैगा काढणीं मुंह पाणींए गाडा।
थारै लान्हैं लै पाणीं मुंह आपणीं आत्मां अर
थारी आद-लुआदा लै दैणीं मुंह खास्सी बर्गत।
तिंयां बझ़णै पणैल्ही ज़ैगे अर
गाडे बाढै लागै दै घाहा मांझ़ै मधनूंए बूटा ज़िहै।
मुंह बिधाता दैणीं तेरी लुआदा लै आप्पै शिक्षा
संघा दैणीं मुंह तिन्नां लै बर्गत अर शांती।
"तूह आसा मंऐं तेरी माए ओदरा का छ़ांटअ द,
तूह आसा मंऐं तेरै ज़ल्म हणैं का आजी छ़ांटी हेरअ द कि
तूह देशा-देशा लै मेरअ गूर होए।"
तेखअ हणीं तिंयां मेरी परज़ा अर हुंह हणअ तिन्नों परमेशर। तिन्नें दिले पाणीं मुंह ज़िऊंणें एक्कै ई गल्ल कि तिंयां सदा मेरी डरा हेठे रहे अर तिन्नों आपणअ बी भलअ होए अर आजू तिन्नें आद-लुआदो बी भलअ होए।
तंऐं आसा मेरी देही भितरे सोभै गल्ला बणाईं दी,
मेरी आसा आपणैं हाथै मेरी माए ओदरै हुंह बूणअ द।
हुंह करा तेरअ शूकर किल्हैकि ताखा लागा डरनअ ई,
ज़ेऊ साबै तंऐं हुंह बणाअं सह आसा बडअ ज़बर अर नोखअ!
ऐहा गल्ला समझ़ा हुंह ज़ाथी राम्बल़ै करै।
मेरी माए ओदरै ज़ोल़ै तंऐं
मेरै हाडकै-हाडकै बडै राम्बल़ै करै,
हुंह त गुप्त बझ़दअ लागअ द
पर ताखा निं मेरी किछ़ै च़ीज़ गुप्त आथी ती,
तूह त मेरै ज़ल्म हणैं का आजी मुंह बझ़दै भाल़अ लागअ द।
मेरै ज़ल्म हणैं का आजी थिऐ तंऐं
मेरी ज़िन्दगीए हर धैल़ै
आपणीं कताबा दी लिखी हेरै दै डाही।
ज़धू हुंह हुअ, तधा ओर्ही आसा हुंह तेरै ई आसरै अर
मेरी माए ओदरा ओर्ही आसा तूह मेरअ परमेशर।
हुंह हुअ ऐबै प्रोढअ अर मंऐं ज़िऊई खास्सी अमर,
पर मंऐं निं इहअ कधि भाल़अ कि धर्मीं मणछ डाहै बिधाता कल्ही शोटी,
नां इहअ भाल़अ कि तिन्नें लान्हैं लागै किधी टुकरी मांगी करै खांदै!
तिंयां धर्मीं दैआ होरी लै पै दिल खोल्ही ऋण अर
तिन्नें हआ आजू आद-लुआदा लै बी खास्सी बर्गत।
हाम्हां निं ईंयां गल्ला आपणैं लान्हैं सुन्हैं का च़ोरी डाहणीं,
हाम्हां खोज़णअ आगली पोस्ती का
बिधातो बल अर तेऊए महान कामें बारै कि
तेऊ किहै-किहै नुआहरै काम आसा किऐ दै।
प्रोढे शोभा हआ तिन्नें पोचै,
अर लान्हें शोभा हआ तिन्नें ईज-बाब।
तिंयां लान्हैं आसा भागा आल़ै,
ज़सरै ईज-बाब मानदार आसा अर ज़ुंण भलअ करा।
Criação e obediência
Pais, criai vossos filhos na disciplina e instrução do Senhor. Filhos, obedecei a vossos pais — isto é justo e agradável a Deus.
ए लान्हैंओ, पबित्र शास्त्र बोला इहअ, "आपणैं ईज-बाबो करा अदर इहअ करै हणीं तम्हां लै सोभै गल्ला भली अर थारी हणीं पृथूई दी लाम्मी अमर।" अह आसा पैहलअ हुकम ज़ुंण परमेशरै करारा संघै आसा दैनअ द। तम्हैं लान्हैं ज़ुंण प्रभू दी विश्वास करा तम्हां लै आसा इहअ ई ठीक कि तम्हैं हआ आपणैं ईज-बाबे हर गल्ला शुणनै मनणै आल़ै।
ओ शोहरू-माठै आल़ैओ, आपणैं शोहरू लै निं धैल़ रोश्श काढा, पर तिन्नां धाचा-पाल़ा प्रभूए शिक्षा अर चतैनगी दैई करै।
ओ शोहरूओ, सोभी गल्ला दी हआ आपणैं ईजा-बाबे शुणनै मनणै आल़ै ज़िहै तिंयां तम्हां लै बोला किल्हैकि प्रभू हआ तेता करै खुश।
ओ लान्हैं आल़ैओ, आपणैं शोहरू-माठै निं हर गल्ला पिछ़ू कबल्लै च़िक्कदै-मारदै निं लागा, इहअ निं हआ कि तिंयां हिम्मत हारी तिन्नों दिल चुटे।
"आपणैं ईजा-बाबो करै अदर, तेता करै हणीं थारी तैहा ज़ैगा खास्सी अमर ज़ुंण ज़ैगा मुंह बिधाता तम्हां लै दैणीं।
तम्हैं ज़िरा दुख सबक समझ़ी, परमेशर करा तम्हां संघै शोहरू समझ़ी बर्ताअ, इहअ कुंण शोहरू आसा, ज़हा तेऊओ बाब नैरदअ निं आथी?
ज़ै तम्हां बाब तिहअ नांईं नैरा ज़िहअ सह आपणैं होरी शोहरू नैरा, एतो मतलब आसा इहअ कि तम्हैं निं तेऊए असली शोहरू आथी तै आसा तम्हैं कहा होरीए लुआद।
ज़ै कहा बिधबा बेटल़ीए शोहरू-माठै या पोचै आसा होए, तिंयां करे पैहलै आपणैं ई टबरा संघै तिहअ बर्ताअ ज़िहअ मसीहे विश्वासी करनअ लागा। तिन्नां लागा आपणैं ईज-बाब अर दादू-दादीए हेर-सभाल़ करी तिन्नों हक पूरअ करनअ किल्हैकि तिन्नैं आसा तिंयां धाची-पाल़ी बडै किऐ दै। परमेशर बी हआ एता लै खुश।
ज़ांऊं बेटल़ी सूंणें दाह लागा, तेभै पल़ा तैहा लै दुख-सांगट, किल्हैकि तेभै हआ तैहा लै दुखा तकलिफे घल़ी आई दी। पर ज़ांऊं सह बच्च़ै लै ज़ल्म दैई हेरा, ऐहा गल्ले खुशी कि एकी मणछ लअ संसारै ज़ल्म, तैहा दुखा सांगटे घल़ी निं सह आद करदी।ईशा. 26:17; मिक. 4:9
"तेखअ बोलअ बिधाता तम्हां लै इहअ, ‘इज़राईलीओ, तम्हैं बोला इहअ कि थारै लान्हैं सुन्हैं डेऊणैं तेऊ देशा लै जुधा करदी गलामी दी! पर एक धैल़ी एछणी एही कि मुंह दैणअ सह देश तिन्नां लै अर तिंयां हणैं तेऊ देशे मालक।