1 बिधाता दैआ तिन्‍नां लै बर्गत ज़ुंण तेऊए हुकम मना अर

तेते साबै आपणीं ज़िन्दगी ज़िऊआ।

2 तिन्‍नें खेचै हणीं खास्सी पज़ैआ अर

तिंयां रहणैं राज्ज़ी-मौज़ी अर सफल हंदै।

3 तिन्‍नें आपणीं लाल़ी हणीं तिन्‍नें टबरा लै फल़दी दाखे बेला ज़ेही,

तिन्‍नें शोहरू हणैं तिन्‍नां लै जैतूने बूटा ज़िहै।

4 ज़ुंण बी बिधाते डरा हेठै रहा,

तिन्‍नां लै दैआ सह ज़रूर एही ई बर्गत।

5 बिधाता लोल़ी तिन्‍नां लै सियोन धारा का बर्गत दैनी!

तिन्‍नां का शुझणीं एरुशलेम नगरी सारी अमरा राज्ज़ी-राम्बल़ी।

6 तिन्‍नें अमर हणीं एही लाम्मी कि तिन्‍नां न्हैल़णै आपणैं पोचै-पल़पोचै बी हंदै!

इज़राईली लै लोल़ी मेल़-ज़ोल़ रहअ।