1 बिधाते करा ज़ै-ज़ैकार।

बिधाता हआ तेऊ मणछा लै खुश ज़ुंण तेऊओ अदर करा अर

ज़ुंण तेऊए हुकम मना।

2 तेऊए आद-लुआद हणीं देशै बलबान अर

तेऊ भेटणीं परमेशरा का खास्सी बर्गत।

3 तेऊओ घअर रहणअ सदा भरी अर

सह करनअ तेऊए भलाई लै लोगा सदा आद।

4 भलै मणछा लै हआ न्हैरै दी बी प्रैश्शअ,

ज़ुंण झणैल़ू, झ़ूरनै आल़ै अर धर्मीं हआ।

5 तेऊ मणछा लै हआ बर्गत ज़ुंण होरी लै बी ऋण दैआ अर

ज़ुंण बपार करना लै मानदार हआ।

6 सह भलअ मणछ हआ सदा सफल,

तेऊ डाहा लोग बी सदा आद।

7 ज़ै तेऊ बेघै बूरअ समाद बी भेटे, सह निं तैबी बी डरदअ,

तेऊओ विश्वास हआ पाक्‍कअ अर सह रहा बिधाते आसरै।

8 तेऊ निं किछ़ै हैल़अ-फिकर हंदअ,

तेऊ हआ निहंचअ कि तिन्‍नें दुशमण जाणैं हारी।

9 सह दैआ रैनै-गरीबा लै खुल्है हाथै,

तेऊए धर्मीं काम डाहणैं सदा आद।

सह हणअ बलबान अर तेऊओ करनअ सोभी अदर।

10 कदुष्टे दिलै लागा एता भाल़ी आग,

तिंयां रहा ज़िदै दांदा-कटिल्‍लदै लागी अर तिहअ ई करै हणैं तिंयां खतम,

तिन्‍नें आशा हणीं सदा लै खतम।