8 Mageniinbaa shiqqe; isinna ha’noobaa shiqaani; ha’noo cubbaalleeye anga ha’nooxxa luqqi assedhe; ha’noo lame yaadinni daaqinaak qalbe ha’nooxxa ca’a assedhe.

1 «Ha’no dhebotineeki duuchchi amme;

ha’no maallaqa afinebaak

Wodi’uwwiba’a amme

daginne hidhdhe; ha’we;

Dagineexxi maallaqi belonna hiri belo

woyinetixxa booka hidhdhe.✝

2 La’o affebaaxxe ita’a maallaqa ha’nooka mayee fulchitina?

Goddissabaaxxe ita’a maallaqa ha’nooka mayee fulchitina?

Ta’anna hiyyanexxa xexxe’atine laqqine eloxxa ita itte;

eloxxe itanni ifi gammachchiise.

3 Manshatenaa’ni qonta hoyyexxine laqqine, aniba’a amme;

hedhoti hexxino’a anka hiyyichcho caqasse;

Daawwiti’a aagennexxe anxe jaalalanni

ha’noonni welti duuchchi woddixxa kako ha’no’a aaggannon.✝

4 Daawwiti gosa gosake ardi’a anxe dhugaa kadaashsha

insa’neeke sooressanna akekisanjo assennen.

5 Kunnise egendeboxxoxxa mootumuwwa yexxatton;

atee egendebaaxxi mootumuwwanna rakke atibaa daggaan;

Tinni kaddaachchinna Duuchchi Woddiki Gootti atik Mageni

Isira’eelik Woyyichchi

atee ulfeesse lummise’een.»

6 Duuchchi Woddiki Gootti afemaa wodda halse;

shiqaa woddanna ye’edhdhe.

24 Insa’ne anee soodaantebaa edi darre insa’ne’a hiissannon:

haasonne birrebaangi laqannon.

3 ‹Anee ye’edhi, aninna ati’a heeyyannon; ati egendebexxoxxa lumoxxanna hunnameete yaane ate’n leellishshannon›

11 Ha’no’a afeenneka yaada anende age’nenen; kunni yaadinna hegere ha’no’a eldaashsha addachisaake yaada malee’e ha’no’o midhakebaan;

1 Gadansii muummeti wode’e ha’wo’a halchammashsha

Ee, Magenoo lubbo anxinna atee iittanni halchitaan.

2 Lubbo anxinna Mageno, hedhaaka Mageno dhebo’wite;

alba atika uudonna’a atibaa dagannok haanotetaa?

1 Ee, Magenoo! Ati anke Magenon;

ani atee mitte godobinni halcheennen; xeena gopheexxi

Lameba wa’aa hiyyeemmake buttinishsha

lubbo anxi atee dheeboteen;

Aninna atee yora’eennen.

2 Atixxe woyyitte bakka’n atee afenne;

hunna atixxanna ulfinna atika uudenne.

3 Duuchchi woddixxi atixxi jaalala hedhotenaa’n midde

caaldeexxe kaddeemmaxxee’e afo’i ank atee saada’neen.

4 Hedhenneke baro duuchcha’n atee saadannon;

anga anxa atibaa ke’isee summa atika ye’edhannon.

5 Manji eloxxa ita iteexxi godde gammadammashsha

lubbo anxi ate’n gammaddaan;

afo’i ankinna gammada’n faaroti atee saadaan. 6 Ma’nanni hedhe’e atende qalli hiyyannon; hashsha duuchchanna atee hedannon.

7 Ati anke gargaarsanjo kaddeettaxxee boba atixxi hunda hedhee’e gammadiinxe faaronni atee faarsaannen.

8 Lubbo anxi ate’ni maxxande’een; atixxi middixxi anganna anee’e kiphphee abidde’een.

9 Anee shiyatee hasaak duuchchi hirreessa hundike’n sa’aan.

10 Insa’nenna bagedoke’n rennaan; jeedaluwwiinxe itanna kandaan.

11 Moyanji kinni Magenoke’n gammadaan; Mageniinke summinni kakataak duuchchinna Mageno saadaan; dhariyye kinni afo’o duuddaan.✝

22 No’o mitteke kandeenneshshanni insa’nenna mitteke kandaashsha ati Ani’a uutettaka ulfinna insa’ne’a uwwe’eennen. 23 Tinninna Ani insa’ne’ni, atinna Ane’ni hedhaten. Ati Anee ergitettexxanna anee eetettexxe qixxe’ni insa’neenna ati eete’eettexxa kaba butta duuchchiki manni ege’naashsha, mittoomi insa’neki haranga gargar higebaake kadowwaal.

17 Duuchchi Woddiki Gootti atiki Mageni oddo atixxe’ni hedheen;

isi jabake anjirallon.

Isi ate’ni yo’oshsha gammadaan;

jaalala ifixxenn atee foorfachchiisaan;

faarotinna ate’ni ulfaate’e gammadaan.»

9 Cubbo no’oxxa faaci’winonnole cubbo no’oxxa gattowwaal hiyyaashsha, xaqaro no’oxxe duuchchanaa’ninna no’oo ca’a asso’a isi xuurameesakenna qullichchaken.