Jesus Cristo
Jesus Cristo é o centro de toda a Escritura — Deus encarnado, Salvador do mundo, Senhor dos senhores. Nele habita corporalmente toda a plenitude da divindade.
A divindade de Cristo
No princípio era o Verbo, e o Verbo estava com Deus, e o Verbo era Deus. Jesus é Deus revelado em carne humana.
Butu a pari kelima e ma, kelima ni e ma nja Mirikisi, kelima ni ma Mirikisi.
Butu a pari kelima e ma, kelima ni e ma nja Mirikisi, kelima ni ma Mirikisi. Kelima ni e ma nja Mirikisi tun mpari. Te anya kelima ni Mirikisi yi mbo guru; ba mbodaa su yi a siki durinya mu de ma nshina ni Yesu ba.
Kelima mu ma nki nsebeki, e zunwa yi a siki amu. Mu geni yiri dereja de e manshi, dereja ni Yaa ndandaa de zo dege anya Adaa, e sika ni aniyeri nja gaskye.
Sobon a siki Kiristi la zunwa guru kamani ni Mirikisi a siki nki nsebeki.
Sobon a siki Kiristi la zunwa guru kamani ni Mirikisi a siki nki nsebeki. Yomuna a siki Mirikisi kuma sisika a siki Yesu. E shiya ma totolo a siki kowoni solota nja yiko.
Tunani ku e ma yiri ni Kiristi Yesu:
Waana, kode nkye Yesu e ma kamani Mirikisi,
e taba tunani de gonta kiya yi nja Mirikisi ba.
Momoko yomuna: e la kiya yi e ma mbodaa ba,
E la kiya yi ma kankye bunwa ,
E la kiya yi ma kankye nsebeki, de e butu a siki kamani ni nsebeki.
Tunani ku e ma yiri ni Kiristi Yesu:
Jesus, o Filho de Deus
Tu és o Cristo, o Filho do Deus vivo! Jesus revelou o Pai e demonstrou sua autoridade divina por palavras e obras.
Yesu minya nkye, <<Sede oku paa,>> ku nkye Ni ma waa?>>
Sima Biturusu keleba nkye, <<Ki ma Kiristi Yaa Mirikisi nsu leyi.>>
Yesu keleba, <<Anabirika ma nja ke, Sima yaa ni Yunusa, Gaskye mu butu anya nsebeki naba, sede anya Adaa na ni siki bisi.
<<Yaa mase de puari nse minzi ba yaa man siki yaa yapu Yaa, sua sa yi seni nkye Imanuwe.>> Maana yi ema, <Mirikisi ma nja mu.>>
a kwanki de tolense shoja ni Roma nja worosu de sua kone Yesu su geni kisi e yi mosi nja guru mbo de e paru, su zi womba, su nkye, <<Gaskye nse mu e ma Yaa ni Mirikisi na!>>
Sede Yesu ma meyi shuru e keleba su ba.
Se tolense ni pirisi minya Yesu jaja nkye, E ke na ki ma Kiristi, Yaa ni Mirikisi nsu anabirika
Se Yesu nkye. <<E ni na,>> <<Kwa geni Yaa Nsebeki zunwa a nani dama ni Nsude Pi girima de yaa zo a gidagida ni bisi.>>
E pala nkye. <<Kede ku yi womba,>> <<Kwa bila Yesu ni Nazere la, nsude su gidiri. E dege wo! E ma anya mu kuma ba. ku kone anya de su leyi sa a siki e yi.
De guru ntani su yi tunkwasa, Yesu e shi ma yi tunkwasa du. De yaa yi lepa, se bisi bure Aworo nsuseki sonka a kiya e yi ni nki kankye nkurisha. Anya ni su zi murinya butu dege A bisi nkye, <<Ki ma Yaa na la, de E ni ma so; nja e ke na yi peri siki soseyi.>>
Eu Sou
Jesus disse: antes que Abraão existisse, Eu Sou. Ele se identificou com o nome divino revelado a Moisés na sarça ardente.
Yesu keleba nkye, <<Mma gye ku gaskye, tun kapi de su yapu Abireyi, Ni rigye ma!>>
E ni nja Adaa na mu ma daa la.>>
Yesu gye su nkye, <<Adaa na e mayi ANKI ari kuzukam, E ni ma du mma yi ANKI.>> Sobon delili mu, Yawudawa su bila guru turiki de su kisa Yesu; ba sobon e ki biya nana asibi kin naba, sede yaa sukwa Mirikisi Adaa yi, e la kiya yi e ma kyakya nja Mirikisi.
Sobon delili mu, Yawudawa su bila guru turiki de su kisa Yesu; ba sobon e ki biya nana asibi kin naba, sede yaa sukwa Mirikisi Adaa yi, e la kiya yi e ma kyakya nja Mirikisi.
Yiride Adaa ema dege worede su muntu de su ma leyi, yomu na du Yaa yaa ba worede yaa so leyi. Adaa yaa yi nseda shiriya ba, sede e ba Yaa guru sori de e yi shiriya, sobon de guru ntani su ba Yaa girima yiride sua ba Adaa. Nsude ba Yaa girima ba, e ba Adaa de sakye yi girima ba.
Na gye ku gaskye, kwanki mma zo ari ma e rigye zowo de worede su muntu sua zi murinya Yaa Mirikisi nja worede su zi yi sua man leyi.
O Salvador e Senhor
Jesus é o caminho, a verdade e a vida. Não há outro nome dado entre os homens pelo qual devamos ser salvos.
Yesu keleba nkye, <<E ni na ni ma turiki nja gaskye nja leyi. Ba nsude yaa te anya ni Adaa sede e biya anya na.
Yesu keleba nkye, <<Ni la kwanki nyowa ni ma nja ku, Pilibu ari yawu ki shina ni bo? Du nsude geni e geni Adaa. Mina sa ki ma pala nkye, nana mu Adaa>? Ki beigaskye nkye ni ma a siki ni Adaa, nja Adaa ma a siki na bo? Beta de Ni ma gye ku mu e ma ni kiya na aba. Sede Adaa de zunwa a siki na, E shiya meyi ankiyi.
Yesu gye yi nkye, <<Eni la ni ma dege kumsha nja leyi. Guru nsude beigaskye nja ni, ko e muntu yaa kwa dege nleyi
Anya ni Yesu gye Mata nkye, <<Ba ni rigye gye ke nkye nde ki beigaskye, ka geni girima Mirikisi bo?>>
Te anya Yesu na kede mwa samu sila, ba seni daa a kisi bisi de Mirikisi beyi de mwa samu sila se anya Yesu.>>
De su ma a kiya turiki su ma yi tepiya, de su zo anya riki, se totolo nseminji mu nkye, <<Kone riki naka anya mu. Mina nana de su yi Ni tunkwasa?>>
Pilibu nkye, <<Nde ki yeda ni dishiya daa, sua yi ke nshi.>>
Se totolo nseminji memeleta mu nkye, <<Ni yeda, Yesu Kiristi e ma Yaa Mirikisi na.>>
Anya ni totolo nseminji memeleta gye su nkye su sakisi ni doki, Se e shi nja Pilibu su sonka yuru a siki ni riki se Pilibu yi tunkwasa.
A supremacia de Cristo
Ele é o resplendor da glória de Deus e a expressão exata do seu ser. Toda a plenitude habita nele e por Ele tudo subsiste.
Yesu e shiya ma asikye ni dereja Mirikisi nja kyakya yiri ni kamani yi, e shiya yaa keyi guru ntani durinya ni yiko kelima yi. A beyi de e wonkye lepi ni nsebeki guru, e zunwa a bisi a nani dama ni Mirikisi, nsu yiko.
Yomuna Yaa Man Girima pi meleku, yiride Mirikisi beyi seni de e pi na su sori.
Nkayomu, tunde mu mani totolo pirisi de e nyunwa te a bisi a geba Mirikisi, e shiya ma Yesu Yaa ni Mirikisi, se mu sakisi nsori a siki beigaskye de mu yeda nshi. Totolo Pirisi amu e ma nsude shina rishi sori amu la. E shiya su gwade yi a turiki mbombom, kankye yiride su gwada mu, nzun yomu e yi lepi ba.
Bila de mu nya ndani mu anya Yesu, e shi de beigaskye mu ma dege pari ta karishe. E yi takuwa ni Genbeki ni muntu a gidiri! sobon peri siki de yaa pekye nyi e damu ni kumnya ni muntu a gidiri ba, nja sede kuzukam e zunwa a nani dama kingbolo solota Mirikisi.
Sobon yomu, e yi kyawu de e ma kankye yayuwa yi a kowon turiki, de e ma pirisi nsu toseyi nja aminshi a siki anki Mirikisi, de e munka sedeka de yaa la lepi ntani.
Confessar a Cristo
Todo aquele que confessa que Jesus é o Filho de Deus, Deus permanece nele e ele em Deus. A fé em Cristo é a vitória.
Du nsude yeda nkye Yesu ma Yaa Mirikisi la, Mirikisi yaa zunwa a siki dishiyeyi e shi ma du e ma a siki Mirikisi.
Du nsude yeda nkye Yesu ma Yaa Mirikisi la, Mirikisi yaa zunwa a siki dishiyeyi e shi ma du e ma a siki Mirikisi.
Yomu na Mirikisi nana so e yi a sisika amu: E saka Yaa yi ndandaa zo a siki durinya de mu samu leyi anya e yi. Yomu na so ni gaskye ma: ba omu na mu so Mirikisi ba, sede Mirikisi la so mu e saka Yaa e yi zo ma sedeka ni yape lepi mu.
Yomu na Mirikisi nana so e yi a sisika amu: E saka Yaa yi ndandaa zo a siki durinya de mu samu leyi anya e yi.
Du nsude sigeba ni yi lepi e ma ni obiri la, sobon obiri e ma nsu yi lepi na tun dege pari. Delili de Yaa ni Mirikisi zo e shiya ma de e zo juru ANKI ni obiri.
Waa ma nsude yaa shakiya durinya mu? sede nsude beigaskye nkye Yesu nama Yaa ni Mirikisi.
Osu na e ma sheeda nkye: Mirikisi ba mu leyi ni gbogbo, leyi mu e ma a siki Yaa e yi na. Du nsude man Yaa e man leyi; du nsu de man Yaa ni Mirikisi ba e man leyi ba.
Nde ki pala mbaki ke nkye, Yesu e ma Obagizi la, ki kwa beigaskye a siki dishiya ke nkye Mirikisi dege yi a kumsha, Mirikisi yaa sila nke.
Viver em Cristo
Já não sou eu quem vive, mas Cristo vive em mim. Ele supre toda necessidade, dá paz e reina como Senhor.
Su gidiri Ni nja Kiristi kuzukam ba E ni na Ni man la yi gagaba, Sede Kiristi de ma zunwa a siki Na. La yi de Ni man shi a siki nki na, E ni mayi zunwa beigaskye a siki Yaa ni Mirikisi, de so ni nja beyi kiya e yi ba ni.
Mirikisi na yaa ba ku guru mbode kwa bila a siki girima ni mbo nani yi a siki Kiristi Yesu.
Bila de selema Kiristi yi solota a siki dishiya ku, tunde kuma nki daa na Mirikisi sukwa ku de ku yi zunwa selema. Ku ma nsu gbede Mirikisi kowoni nana.
Omu muma keikei ANKI ni Mirikisi la, de Mirikisi yi mu a siki Yesu Kiristi de mu yi ANKI de ma kyakyawu, de Mirikisi shiriya mu de mu yi, dege pari.
Ku yi zunwa ni so nja nkiaku yiride kiristi so mu, e beyi kiya yi ba mu kankye sedeka kyakyawu nsu kemeshi nja sedeka anya Mirikisi.
Mu mani ganga nki nyowa a siki nki daakaka, guru ganga nki mu mani ankisu mbombom de su meyi, yomuna kode mu man nyowa a siki Kiristi sede mu ma nki ndandaa la, kowoni daa mu muma ganga nki yayiwa mu la.
Sede mu gbede Mirikisi! De e ba mu shakiya te anya Obagizi amu Yesu Kiristi.
Sede a siki dishiya ku ku sa Kiristi de ema Obagizi aku, ku zunwa nshiri kowon nana de ku keleba du nsude minya ku delili sa dishiya ku de ku ma nshi anya Mirikisi. Sede ku yi guru mbo worosu mu ni bwala kiya nja beyi girima.
Sobon Mirikisi ma daa nja nsude ma sisika Mirikisi nja nsebeki e shiya ma nsebeki Kiristi Yesu,
O Rei eterno
O Rei dos reis voltará em glória e majestade. Todo joelho se dobrará e toda língua confessará que Jesus Cristo é o Senhor.
Ni geni bisi bure, ayan ni geni peri doki. Nsu nunwa yi su ma sukwa yi nsu aminshi nja nsu gaskye; e mayi shiriya gangasi nja yanki yi. Ndani yi ema kankye arishiya wuta de ma si, e yi lende nyowa a kiya yi. De su rubuta seni asiki yi de nseda shina ba sede e shi dandaa na shina. Riga de e sa juku ni zini. Seni yi ma <<kelima ni Mirikisi.>> Shoja yanki bisi su ma biya e yi, su ma a kiya doki peri nja su sa keikei lilin peri sere. A baki yi obalaba de ma yi sisi butu, de yaa yi ampani nshi e juru kesa durinya. Yaa yi solota a kiya su ni gwala keripi, yaa tataka yaya inebi anya de su ma tapi inebi ni anwashi Mirikisi nsu girima. A siki keyi nja shiriya yi su rubuta seni mu: <<Seleki ni nsu seleki nja Obagizi ni nsu obagizi.>>
Bila de Aniyeri ni Obagizi amu Yesu ema nja ku guru. Ema Yomu.
Yesu gye Tomasi nkye,<<Sa nani ke anya mu; kone nani na. munka nani ke de ki bwasa a kekeri na. Bila yi shaka de ki beigaskye.>>
Tomasi gye Yesu nkye, <<Obagizi na nja Mirikisi na!>>
Yesu yi mbo mamanki nyowa a ndani yayagizi yi, worede su rubuta su a siki takada mu ba. Sede mbo woromu su rubuta su na de ku beigaskye nkye Yesu e shiya ma Kiristi, Yaa ni Mirikisi, te anya beigaskye kwa mani leyi a siki seni yi.
Doka na e shina ma; Ku so kiya ku yiri de ni so ku.
Mma gye ku gaskye, Du nsude keleba nsude ni saka yi E ni la e keleba; nja du nsude keleba ni e keleba nsude saka ni naka.>>
Mma ba su leyi ni gbogbo, sua taba muntu ba. Nseda yaa taba la su bila nani na ba. Adaa na, de ba ni su, e pi konwawa girima; Nseda yaa taba keleba su bila nani Adaa na ba. E ni nja Adaa na mu ma daa la.>>
<<Sobon so de Mirikisi yi ntani durinya mu ari e beyi Yaa yi ndandaa, sobon guru nsude yeda nja shi yaa muntu ba sede yaa mani leyi ni gbogbo. Mirikisi saka Yaa yi a durinya ba de e yi ntani durinya shiriya naba, sede e sila ntani durinya. Guru nsude yeda Yaa sua yi shiriya ba, sede nsude yeda ni nshi ba su e rigye yi shiriya wo, sobon e yeda ni seni Yaa Mirikisi ba.
Guru nsude la gidiri yi de e biya ni ba e deta de yaa ma nna ba.
Guru anya de ntani bi ko wuku ma a siki e yi de su tala a siki seni na, Ni ma anya ni nja su.>>
Yesu kone su nkye, <<Anya nsebeki yaa yiwu, sede anya Mirikisi yaa yiwu ba; sobon guru mbo yaa yiwu anya Mirikisi.>>
Yesu keleba, <<Mbode e yi wuya anya nsebeki yaa yi wuya anya Mirikisi ba.>>
Bila de aniyeri ni Obagizi Yesu Kiristi ema nja ku guru.