1 Hambangelo kuakele Lizi, kaha Lizi liakele hamo na Njambi, kaha Lizi liapuile vene Njambi.

1 Hambangelo kuakele Lizi, kaha Lizi liakele hamo na Njambi, kaha Lizi liapuile vene Njambi. 2 Lizi liakele hamo na Njambi, hume hambangelo. 3 Muli ikeye Njambi uatangele viuma vioshe, kukuesi cuma civatangele kuakuhona ikeye.

14 Kaha Lizi liahimpukile muntu nakukala hakati ketu, uashulile na kavumbi na vusunga, tunamono vumpau vuendi, vumpau vuje hakupua Muana umolika ua Ishe.

9 Muomu mu muvila uendi mukemo muakala kushula coshe ca vunjambi,

9 Muomu mu muvila uendi mukemo muakala kushula coshe ca vunjambi, 10 kaha neni munapu vakushula na muono muli ikeye, uje ikeye uapua mutue ua lishiko lioshe na nzili yakama.

5 Kaleni na mana aua mukati keni, aje anapu eni muli Kilistu Yesu:

6 Uje cipuevene uakele mu cifua ca Njambi,

vuno honi kayonguele kupua hamo na Njambi.

7 Vuno honi ualipuisile ikeye vavenia uakuhona seho,

ualiambatele ngue ngamba,

kaha uasemukile mucifua ca vuntu.

5 Kaleni na mana aua mukati keni, aje anapu eni muli Kilistu Yesu:

15 Kaha Yesu uahandekele kuli vakevo nguendi, "Vuno honi yeni ngueni Yange iya?"

16 Simoni Petulu uamukumbuluile nguendi, "Yove Kilistu, Muna Njambi uakuyoya."

17 Yesu uamukumbuluile nguendi, "Uakukuisula Simoni muna Yona! Muomu keti vuntu vuasholuele evi kuli yove, vuno honi Tate uje ali muilu.

23 "Taleni, mpuevo uje kanda alimone na yala akemita kaha akasema muana ua yala,

kaha lizina liendi vakamutumbula Manuuele" (kulumbununa Njambi ali netu).

54 Omo uje mukuluntu ua masualale na vaje vakele navo vaje vakele nakuniunga Yesu, vamuene mandunduma na vije vialingiuile, kaha vovuile liova cikuma nakuhandeka nguavo, "Muavusunga vene ou uapuile Muna Njambi!"

61 Vuno honi Yesu uaholokele kuakuhona kuvakumbulula. Kaha naua kasasendote uakama uamuhuile nguendi, "Nkuma yove Kilistu, Muana ua Njambi Uakukuisula ndi?"

62 Yesu uahandekele nguendi, "Yange vene, kaha mukamona Muna Muntu natumama ku livoko liacilio lia Njambi ua Nzili Yoshe, kaha akahuminina muilu mu mashelua."

6 Kaha uahandekele kuli vakevo nguendi, "Keti muli komokele, mulina kutonda Yesu ua Nazaleta, uje ivashukikile. Nasanguka, uahimo mu cihela muva mutsindile.

21 Omo Yiuano uamanusuile kumbuitika vantu voshe, na Yesu naua vamumbuitikile. Ha ntsimbu ijevene Yesu omo uakele na kulombela, lilu liashokolokele. 22 Kaha Cimbembesi Uakulela uashulukile hali ikeye mucifua ca livembe. Kaha muilu mua humine lizi ngualio, "Yove munange injazanga, njivuahelela muomu yove."

58 Yesu uahandekele kuli vakevo nguendi, "Muavusunga vene njimileka nguange, ntsimbu kanda Avilahama a semuke, yange kunjakele."

30 Tate nange tunapu umolika."

17 Vuno honi Yesu uavakumbuluile nguendi, "Tate alinakupanga ntsimbu yoshe, nange naua njilina kupanga."

18 Vihandeka evi vialingisile cikuma vantuama va Vayunda linga vamutsihe, muomu keti lika uapokuele lishiko lia ha litangua lia Sapalalo, vuno honi uahandekele naua nguendi Njambi ikeye Ishe, mu ngila eyi ualipuisile mumo na Njambi.

18 Vihandeka evi vialingisile cikuma vantuama va Vayunda linga vamutsihe, muomu keti lika uapokuele lishiko lia ha litangua lia Sapalalo, vuno honi uahandekele naua nguendi Njambi ikeye Ishe, mu ngila eyi ualipuisile mumo na Njambi.

21 Ngue muje Ishe akasangula vatsi nakuvahana muono, mucifua cimo vene naua Muana akahana muono kuli vaje atonda. 22 Ishe kekusompa muntu uoshe vuno honi nahana cisompelo kuli Muana, 23 linga voshe vasingimike Muana ngue muvakasingimika Ishe. Uoshe uje kasingimika Muana kasingimika Ishe uje uamutumine.

25 "Muavusunga njimileka nguange, ntsimbu ilinakuija, naua inahete laja, omo vatsi vakevua lizi lia Muna Njambi, kaha voshe vaje valivua vakayoya.

6 Yesu uahandekele kuli ikeye nguendi, "Yange ngila, na vusunga, na muono. Naumo uahi eja kuli Tate, kuvanga kuhitila muli yange.

9 Kaha Yesu uahandekele kuli ikeye nguendi, "Filipu, kunjakele nove ntsimbu yalaha, nkuma na ntsimbu ino kanda unjizivuke ndi? Uoshe namono yange namono na Tate naua, nkuma uhandeka vatihoni nguove, ‘Tumuese Tate?’ 10 Nkuma ku uatsilielele nguove njakala muli Tate, na Tate uakala muli yange ndi? Mezi aua njihandeka kuli yeni," kunjesi nakuhandeka mu nzili yange vavenia, vuno honi Tate uakala muli yange ikeye akapanga cipangi cendi.

25 Yesu uahandekele kuli ikeye nguendi, "Yange kusanguka na muono, voshe vaje vatsiliela muli yange, cipue vakatsa, vakayoya naua,

40 Yesu uahandekele kuli ikeye nguendi, "Nkuma kunjakulekele nguange nga uatsiliela ukamona vumpau vua Njambi ndi?"

12 Kutuasa kuuana kuovoka muli ueka naua, muomu kukuesi lizina lieka hano ha mavu lianahana Njambi ku vantu litunapande kuovokelamo."

36 Kaha omo vakele nakuenda mu ngila, vahetele ku mutambela umo kuje kuakele mema, kaha uje Kayunuke uahandekele nguendi, "Tala mema aua! Nkuma vika naua vihonouesa kunjimbuitika?" 37 Filipu uamukumbuluile nguendi, "Citava kukumbuitika nga unatsiliela na mutima uove uoshe." Ikeye uamukumbuluile nguendi, "Muavusunga vene njitsiliela nguange Yesu Kilistu ikeye Muna Njambi."

38 Kaha uje Kayunuke uashikile linga vemike litemba, kaha voshe vavali, Filipu na uje Kayunuke vakovelele mu mema, kaha Filipu uamumbuitikile.

3 Alinakumuesa vumpau vua Njambi na ikeye vene kaha nambata cifua ca Njambi, nakukuata lilu na lizi liendi lia nzili. Hanima yakukusha vipi, kaha uatumamene ku livoko lia cilio lia Mukanzili yoshe.

4 Hakupuako uakama mukuhiana ku tungelo ngue ku lizina liatambuile liapuile liakama cikuma kupulakana avo.

14 Nankuma honi tuli na kasasendote uakama cikuma uje nahiti melu oshe, Yesu, Muna Njambi, tukakateyeni na kulitava cetu. 15 Muomu kutuesi na kasasendote uakama uje kasa kutetela kuzeya cetu, vuno honi tuli na umo uje mu vingila vioshe vamuesekele ngue yetu naua, kuakuhona vupi.

2 oku tutala kuli Yesu ikeye uje muka kututuamenena na kulingisa lutsilielo luetu vusunga, uje omo yanzolela ije ivamuhanene kaha uasimpile ha cilindakano, kovuile shuamua, kaha natumama ku livoko liacilo ku litanda lia Njambi.

17 Nankuma vamupangele mucifua cimo lika na vamunaina mu cifua coshe ngeci apue ua cikeketima na kasasendote uakama ua kulongua mu cipangi ca Njambi, nakupua nkombelo ya fueto yakukonekela vipi via vantu.

15 Uoshe uje ahandeka nguendi Yesu ikeye Muna Njambi, kaha Njambi uakala muli ikeye, kaha na ikeye uakala muli Njambi.

15 Uoshe uje ahandeka nguendi Yesu ikeye Muna Njambi, kaha Njambi uakala muli ikeye, kaha na ikeye uakala muli Njambi.

9 Omu mukemo cizango ca Njambi ua cimuesele hali yetu. Ngeci Njambi uatumine munendi umo lika ha mavu, linga tuyoye kuhitila muli ikeye. 10 Hali eci cikeco cizango, keti ngue nguavo yetu tuazangele Njambi, vuno honi ikeye uatuzangele kaha uatumine Munendi kupua nkombelo ha vipi vietu.

9 Omu mukemo cizango ca Njambi ua cimuesele hali yetu. Ngeci Njambi uatumine munendi umo lika ha mavu, linga tuyoye kuhitila muli ikeye.

8 Uoshe uje alinga vupi uapua ua Liyavolo, muomu Liyavolo uapua muka kulinga vupi hume hambangelo. Muna Njambi uezilile mulonga uakunongesa vipangi via Liyavolo.

5 Nkuma iya uje nahiana mavu? Ikeye muntu uje natsiliela nguendi Yesu ikeye Muna Njambi.

11 Kaha ovu vukevuo vukaleho, ngeci Njambi uatuhanene muono uayaye, kaha ou muono uli muli Munendi. 12 Kaha uoshe uje ali na Muna Njambi ali na muono, kaha naua uoshe uje kesi na Muna Njambi kesi na muono.

9 Nga ulitavela na kanua kove nguove Yesu ikeye Muene nakutsiliela mu mutima uove nguove Njambi uamusanguile ku vatsi, ukovoka.

20 Vanjishukikile hamo na Kilistu, kaha keti yange naua uje ayoya vuno honi Kilistu ikeye uje ayoya muli yange, kaha na muono uje honi njiyoya mu ntsitu njiyoyela ha lutsilielo muli Muna Njambi, uje uanjizangele nakulihana ikeye vavenia hali yange.

19 Kaha Njambi yange akamihana vioshe vije munajena kuya ku vufuko vuendi mu vumpau muli Kilistu Yesu.

15 Kaha eceleni ciyulo ca Kilistu ciyule mu mitima yeni, kuje cilivene vamisanene kupua muvila umolika. Kaha pueni vaka kutsantsela.

10 Yetu tunapu vakutanga kuli Njambi, kaha hakukala hamo na Kilistu Yesu Njambi uatutangelele yetu kulinga vipangi viacili, vije via tuvuaheselele laja ngeci tuyoye mu cifua eci vene.

2 Yoyeni vuyoye vua cizango ngue omo Kilistu ua tuzangele na kulilambuila ikeye vavenia hali yetu ngue nkombelo ya luengo luacili kuli Njambi.

4 Tulina vilio viavingi mu muvila umo, kaha cimo na cimo cili navipangi viaco. 5 Mucifua cimo vene, cipue tunapu tuvavengi, tunapu muvila umolika muli Kilistu kaha yetu voshe vanatunungu ku vilio via muvila umolika.

57 Vuno honi tutsantsela kuli Njambi uje akatuhana kuhiana kuhitila muli Muene uetu Yesu Kilistu.

15 vuno honi mu mitima yeni haneni kalemesa Kilistu kupua Muene. Ntsimbu yoshe livuaheseleni kuliluila kuli uoshe uje a mihula ha kutsiliela muli naco, vuno honi cilingeni na kulikehesa na kasingimiko,

5 Muomu kuli Njambi umo lika, kaha kuli umo uje nemana mukati ka Njambi na vantu, ikeye yala Kilistu Yesu,

11 Ambahoni njamuene lilu lia shokoloka, kaha taleni hajevene halutue luange kuakele kavalu uakutoka, kaha uje ualondeleho vamutumbuile nguavo Uakulongua na Vusunga, kusompa cendi na kulua cendi ca ciyulo. 12 Mesho endi apua ngue mulengi uatuhia, kaha ha mutue uendi nazala vilongo viavingi, kaha ali lizina lia kusoneka lije kuvazivuka voshe kuvanga lika ikeye vavenia. 13 Nazala vuzalo via kumbuitika mu maninga, kaha na lizina livamusana nalio linapu Lizi lia Njambi. 14 Masualale va muilu vaje valondele ha tuvalu vakutoka, vazalele mu liniu lia kutoka too vamukavele. 15 Mukanua kendi kuahumine mukuale ua kuvambuka ukeuo uakanongesa nauo mafuti. Kaha aka vayula na mbueti ya cikuvo, akakamuna viniu mu cikamuino ca viniu ca kuniengua ca vutenu vua Njambi muka Nzili yoshe. 16 Ha cizalo cendi na ha ntumba yendi hakala lizina ngualio, "Shukulu ua vashukulu na Muene ua vimiene."

21 Kavumbi ka Muene Yesu kakale neni voshe vantu vakulela va Njambi. Ameni.

27 Ambahoni uahandekele kuli Tomasi nguendi, "Kuata munie uove mu livoko liange, tala mavoko ange kaha humisa livoko liove nakulihaka ku vimpati viange linga keti ukale navimpata vuno honi utsiliele."

28 Tomasi uamukumbuluile nguendi, "Muene uange, na Njambi yange!"

30 Kaha Yesu ualingile vimueso viavingi ha mesho a vandongisi vendi, vije kuvasonekele mu livulu eli. 31 Vuno honi evi vanavisoneka linga mutsiliele ngeci Yesu ikeye Kilistu, Muna Njambi, kaha mukutsiliela mukakala na muono kuhitila mu lizina liendi.

12 Eli likelio lishiko liange, lizangeni umo na mukuavo ngue munja mizangela.

20 Cilivene muavusunga njimileka nguange, uoshe uje atambula uje injituma natambula yange, kaha uoshe anjitambula atambula uje uanjitumine."

28 Njikavahana muono uayaye, naua kuvakanongo. Naumo uahi akavahumisa mu livoko liange. 29 Vije viananjihana Tate vinapu viakama kupulakana vioshe, kaha naumo uahi asa kuvihumisa mu livoko lia Tate. 30 Tate nange tunapu umolika."

16 Muomu Njambi uazangele vaka mavu cikuma ngeci uahanene Munendi umolika, linga uoshe atsiliela muli ikeye keti akanonge vuno honi akale na muono uayaye. 17 Muomu Njambi katumine Munendi hano ha mavu mukuhisa vaka mavu, vuno honi linga mavu ovoke kuhitila muli ikeye.

18 Uje natsiliela muli ikeye kuvakamuhisa, vuno honi uje katsiliela vanamuhisa laja, muomu katsilielele mu lizina lia Muna Njambi umolika.

38 kaha uoshe uje kambata cilindakano cendi nakuhona kunjikava kaha kanjipandele.

20 Muomu kuje kunakungulukila vavali cipue vatatu mu lizina liange, kuje vene nange naua njili hakati kavo."

27 Yesu uavatalele kaha uahandekele kuli vakevo nguendi, "Ku vantu cacikalu, vuno honi keti kuli Njambi, muomu viuma vioshe viaviasi kuli Njambi."

27 Vuno honi Yesu uavakumbuluile nguendi, "Cije cacikalu ku vantu capua cacasi kuli Njambi."

25 Kavumbi ka Muene Yesu Kilistu kakale na cimbembesi ceni.