O juízo final

Reyemmake Manna’ni Murte Murende

11 Ookkoneechchi udum lumoxxa golalooxxa mootenna ise hananna ofo’leeka afenne; iimatinna butta hedhatixxi bakka gophendaa qico’ni isi edii’ni baajje. 12 Reyemmaka manna shiixarammakanna lumollama eettene moote edo uurrineena’a afenne; maxaafuwwikinna banemme; weli maxaafinna kuninna hedhotik maxaafinna baneme; reyeek manninna ookkone maxaafuwwa’ni borreessememma qicishsha ifi ifixxe hujeshsha insa’ne’n murende. 13 Abbaayyatinna ise giddo hedhemmaka reyemmaka manna uute; reyotinna reyemmak manni hedhemak buttik wiidi ifi ifi giddo hedhemaka reye manna uune; mitti mittingi ifi ifixxe hujeshsha murte adhdhe.

14 Ookoneechchi uduma reyotinna reyemaki manni hedhaammaki buttinnii hundik wiiddi giiratixxe abbaayya giddo hunemme; Tinni abbaayyatixxi giiranna langaxxe reyon. 15 Summi isik hedhotike maxaafa’ni borreessemexxi afemebaak duuchchi giiratixxe abbaayay’ni huneme.

12 Kunnise ani rake dagannon; mitti mittingee isixxe hujeshshanni uwwannok hiri anxe anga’n hedheen.

12 Kunnise ani rake dagannon; mitti mittingee isixxe hujeshshanni uwwannok hiri anxe anga’n hedheen. 13 Alfanna Omeega, edikinna udumik, siretikinna muuxamiink anten.

9 «Aninna uudanege’ni,

«Mootuwwa bakkate’n uggendee’naa

iikki olmikinna iso’ni ofo’le;

Seemma isixxinna kaadetishsha golaloxxemman;

isike umixxi ordanna footinsha golaloxxemman;

Moote isixxinna giirati bubeno,

isixxe mootexxi moluwwanna ha’ita’neexxe giiramman.✝

9 «Aninna uudanege’ni,

«Mootuwwa bakkate’n uggendee’naa

iikki olmikinna iso’ni ofo’le;

Seemma isixxinna kaadetishsha golaloxxemman;

isike umixxi ordanna footinsha golaloxxemman;

Moote isixxinna giirati bubeno,

isixxe mootexxi moluwwanna ha’ita’neexxe giiramman.✝ 10 Giiratik wodi’inna isi edii’n burqeexxi

ya’a’nemma’a;

Heddo kuma’n laakko’emaak erganjiwwi isi’a ergatema’emman;

laakkossi iimi darre hedheeke kumuwwiirinna isi edo uurre’eemman;

Murte safende;

maxaafuwwikinna baneme.✝

2 Reyeexxi buttinake kade’emmaki manni duuchchinaa’ni heddi ke’aani; weli duuchchi woddixxe hedho’n e’yaa wodda wel kinni shookokeenna duuchchi woddike salphini’a ke’aan.✝ 3 Beekkoletinna iimike ifishsha, heddo mannanna qullummatike ora’n hiisaakiir iimixxe urjeshsha duuchchi woddi’a ifaan.

31 Isi fileeke manji darree’n buttike manjo duuchcha’ni dhugaatixxa murte muraaxxa barra mudhe’een; isoonna reyotenaa’n ke’issat manjo duuchcha’n tenne kokeesse’een» hine.

36 Dhugaate ha’no’n haaso’annen murittetixxa barra mann duuchchi afeeshshanni haaso’eeke haaso’i duuchchixxee qoremaan. 37 Haaso’a atikenaa’n kexxeexxa ati qulloondatton; iittanna haaso’a atikenaa’n kexxeexxa ate’n murendaan.»

Bariinke Muuxama’n Murendaaxxa Murte

31 «Manjink Belti eettene erganna duuchchinni ifike ulfinninni dagaa wodda ifike ulfinnixxe moote hana ofo’laan.✝ 32 Gosa gosaki ardi duuchchinna isi edo bukki hiyyaan; allalisanji gedhebo re’etenaa’n gargar foyammashsha isinna arda mitte mittekenaa’n gargar foyaan. 33 Gedhebo ifike midda’n re’etanna ifike bita’a’n uurrisaan.

Bariinke Muuxama’n Murendaaxxa Murte

31 «Manjink Belti eettene erganna duuchchinni ifike ulfinninni dagaa wodda ifike ulfinnixxe moote hana ofo’laan.✝ 32 Gosa gosaki ardi duuchchinna isi edo bukki hiyyaan; allalisanji gedhebo re’etenaa’n gargar foyammashsha isinna arda mitte mittekenaa’n gargar foyaan. 33 Gedhebo ifike midda’n re’etanna ifike bita’a’n uurrisaan.

34 «Ookonee wodda Moyanji ifike midda’n hedhemmakaara hiyyaa qici, ‹Ha’no anni ank eebbiseek manni, amme butta dadendeexxe barranaa’n ha’no’aa qixxeessendeexxa mootumma dhaalle. 35 Solo’we’naa anee itissinne’een, dhebowe’naa anee ha’wisine’een, keessummumma dage’naa anee keessunsitine’een; 36 daaree’naa anee oddessitine’een, elagophe’naa anee laqqine’een; usureme’naanna daginee anee uudine’een.›

37 «Ookkonee wodda qulliyye iittinna iso’n hissite hita’n haasottaa qici, ‹Goottaa haano solo’wite’naa anfee atee itinsenne? Dheebottenaa haano anfee atee ha’winsenne? 38 Keesummumma haano dagge’naa anfee atee keensunsiinnenne? Daarte’naa haano anfee atee oddeessinnenne? 39 Elagophee’naa yookaan usurendee’naa haano anfee dange atee uundenne?›

40 «Moyanjikinna insa’ne’n, ‹Dhugaate ha’no’ni haaso’aannen, konne anke dayyuwwinaa’n ookkone shiixxedhaake mitti’a assitineexxi ani’a assitineeshshaten› hiyye hiisse haaso’e.

41 «Ookkoneechchi uduma moyanji ifke bita’a’n hedheekaara hiyyaa qici, ‹Ha’no badinendineek manni seexanakeenna isixxe erganna’a qixxeessendeexxe duuchchi woddixxe giiraba’a anenaa’n bayyatine me’we. 42 Solo’wee’naa anee itisineba’a, dheebo’we’naa anee ha’wissineba’a. 43 Keessummumma dagee’naa anee keesunsitineba’a, daaree’naa anee oddeessitineba’a, elagophee’naa, usureme’naanna daggine anee uddineba’a.›

44 «Insa’nenna, ‹Goottaa, solo’wite’naa yookaan dhebo’witee’naa yookaan keesummumma dagge’naa yookaan daartee’naa yookaan, elagophee’naa yookaan usurendee’naa haano anfe atee gargaara gonphenne?› hine hiissine haassonna.

45 «Moyanjikinna insa’ne’n, ‹Dhugaate ha’no’n haaso’aannen, konne shiixxedheeke anke dayyuwwinaa’n mittekee ha’no assa gopha ani’a assa gophineeshshaten› hiyye hiisse haaso’e.

46 «Tennexxee insa’ne duuchchii woddixxe mura woxxaba’a, qulliyye kinni duuchchii woddixxe hedhobaa me’ita.»✝

14 Eloxxe kaddo’o fuggoxxa

sho’ondeexxe yaane duuchcha, mittetinna gattebaangi

huje manjiinxa duuchcha Mageni murtetibaa iyyedagaan.

17 Aninna godobi giddo,

«Assendaaxxe yaane duuchchi’a,

hujendaaxxe yaane duuchchi’a yanna hexxemmaxxee,

Mageni qullumma hujaake’ninna fuggoxxa assaake’n mura muraan»

hiyye hedennen.

30 «Tennexxe’e koo Isira’eelike arda ha’noxxe huje hujeshshanni mitte mitte ha’no’nge’n murannon; hiyya’neen Lumok Duuchchi Wodik Gootti. Yoona aade aagge; cubbo ha’noxxi ha’noo balleessitabaashsha cubbotenaa’n illeema higge hiyya’neen Lumok Duuchchi Woddik Gootti. 31 Balleessitineexxa balleessa duuchcha ifinaa’n fuggusse; haaroka hedumanna haaroxxa qalbe horatte; koo Isira’eelike arda mayee rertattota? 32 Ani ayyixxe reyo’ninna gammada gophannaxxe’e aadde aagineexxi hedhoti hedhdhe hiyyanneen Lumok Duuchchi Woddik Gootti.

16 «Iitanni iso’ni amanaaki duuchchi, duuchchi woddixxa hedho afaashshate malee ba’abaashsha Mageni mitte Belto ifika sa’isse uwwaa qico’ni butta duuchcha hara eeyyeen.

16 «Iitanni iso’ni amanaaki duuchchi, duuchchi woddixxa hedho afaashshate malee ba’abaashsha Mageni mitte Belto ifika sa’isse uwwaa qico’ni butta duuchcha hara eeyyeen. 17 Mageni Belto ifika kaba butta duuchcha’ni ergeechchi kaba buttike manna’ni muro’aate kaddebaak butta duuchcha isi darree’n anjiro’aaten. 18 Iso’ni amanaake duuchcha’ni murte murendabaan; iso’n amanabaak kinn mitte Mageniinke Beltike summa’n amana gophemmaxxee qaranni iso’ni murende’een. 19 Murtetinna tenneten: iikki ifi kaba butta duuchcha’ni dageeni; manni kinni huje insa’nexxi elobaaxxe kaddemmaxxee ifiin irra dukkana eeyye.

7 Yaane kinni Ani dhugaate ha’no’a hiyyaannen: me’a Anxi ha’no’a eloxxen. Ani me’a gophonnole dayyeessalli ha’nobaa dagabaan; Ani me’onnole kinni isoo ha’nobaa ergannon: 8 Isi dagaa wodda butta duuchcha cubbotixxee, qullumatixxeenna murtetixxee kokeessaan. 9 Cubbotixxee hiyyaa manni Ane’ni amana gophammaxxeeten: 10 Qullumatixxe’e ani Aabibaa me’annaxxeenna ha’no ta’anni edi’a Anee uuda gophphinammaxxeeten: 11 murtetixxeenna, kaba butta duuchchike galchallo’ni murte murendemmaxxeeten.

16 Tennexxee Mageni no’aa afeexxa jaalala egennannon; isixxa jaalala’ninna amannanonni. Mageni jaalalaten; jaalalate’ni hedhaak Magnoke’n hedhaan; Mageninna iso’ni hedhaan. 17 Tenne butta duuchcha’n no’oo he’naanek Kiristoosii’i hedhamashshate kaddeemmaxxe’e jaalala no’oxxi wo’matenna kaddoole murtetixxe barra’ni soda’a belo isi edo shiqiyotee’e wo’ma adde anfeenenni. 18 Jaalalate’ni soda’aa hexxebaan; wo’ma jaalala soda’aa fulchite hundaan; soda’aa mura woxxati welti abidendeexxee yaanen. Sodaataak manjixxi jaalala wo’matebaan.

10 Mitti mitti no’onigi buttate’ni hunjennexxe hujenxe eloxxeenna kaddo elobaaxxe hunjenaxxe hujeka hira alfaatee Kiristoosixxe murtetixxe moote edo shinqaanoni.

16 Tinninna kaddaak ani wengeeleti birachchiisenneshsha Magen manjinxe qalbe’n sho’ondeexxa yaane Yessuusi Kiristoosi darree’n muraaxxe barra’niten.

27 Manji mittele reyo’a ookkoneechchi uduma murte adhdho’a murende’een. 28 Kiristoosi heddi mannixxa cubbo fuggusatee iittanni mittele tolchemeedheen; isinna langaxxa leellaanni; tinninna isoo heqedhaakeeri’a anjirensha iyyedagateete malee cubbo ba’edhateetebaan.

37 Tinninna kaddaachchi heenoxxe yanna uduma

«Isi iikki dagaak dagaan;

hekkinna hiyyabaan.

38 Qullichchi kinni amanati hedhaan;

udumaa shishiqqeexxe kaddoole

Ani iso’n gammadabeno.»

39 No’o kinni ookkone amaneexxi anjiremeeke mannike manna malee’e udumi’a shishiqqeexxi ba’eemmake mannike mannabaan.

6 Yoona dammanqo; no’oo umo ifika hirro malee’e mugaammake wele mannishsha kandonnoqqe’e. 7 Mugaaki hashsha mugammashsha; machcho’akirinna hashsha machcho’aan. 8 No’o kinni barrike manna kandeennaxxe’ee jaalalatanna amana qoma golle’namaake bagediink mi’yishsha oddo’wino; anjirematixxa adde ifi faachcheffantammaxxe bagediinxe gulleshsha umoke’ni uggudhdhino. 9 Mageni no’oo ye’eechchi anjirensha Gootta no’oke Yessuusi Kiristoosi darree’n alfinannoshshate malee mufe ifixxa no’o’ni dirriso’atebaan.

13 Isi buttate’n muro’a dagaan; isi buttate’n qullumati, arduwwa duuchcha’ninna dhugaati muraan.