O juízo final

Uwamuio wa kisiikizi

11 Naho nikaona kigoda cha useuta kikuu king’aacho na kimuona yuda ekwekaaye uwanga yakwe. Inusi na uko uwanga vikaga hemeso yakwe na khavikuonekana vituhu. 12 Nee nawaona wantu wada wekuuyao na nyuma wakuu kwa wadodo wagooka hemeso ya kigoda cha useuta. Vitabu vikagubulwa nee kitabu kituhu kikagubulwa yaani kitabu cha ugima. Wantu wada wakaamuiiwa kuigana na ntendwa zawo wekugosoazo inga zekuandikwavyo mwe viya vitabu. 13 Mazimshindo nee yawalavya wada wekuuyao na nyuma ndani mwakwe. Ufe na si ya wantu wekuuyao na nyuma zikawalavya wantu wekuuyao na nyuma ndani mwakwe. Kia yumwe akaamuiwa kuigana na ekugosoavyo mwe inusi. 14 Yekwembokaho ayo, ufe na si ya wekuuyao na nyuma vaaswa ndani mwe tumbwi da moto. Tumbwi ido da moto nee ufe wa kaidi. 15 Mntu yoyose yuda ambae zina dakwe khadikuoneka diandikwa mwe kitabu cha ugima, aaswa mwe ntondoo da moto.

12 Yesu akanigombeka, "Tegeeza! Neza kinyio na funge nendadonimwekhe kia yumwe kuigana na mbui zakwe.

12 Yesu akanigombeka, "Tegeeza! Neza kinyio na funge nendadonimwekhe kia yumwe kuigana na mbui zakwe. 13 Miye ni Alufa na Omega, ni wa bosi na wa kisikizi, nee nivokae mbui zose na kuzibuza kisiikizi."

31 Kwaviya kabinda kae kuuika msi ambaho endaaiyamwiie inusi kwa kiukwei, kwembokea mntu yumwe mwekusagulwaye ni Muungu, kawaonyesha wantu wose mbui inu kwa kumyuyusa mntu uyo!"

36 "Iya nawamba, mwe msi wakuamuiwa wantu wenda wakundigwe kutambaisa kuusu kia mbui wekugombekayo. 37 Kwaviya kwayada ugombekayo wendautaaziwe kuwa uyedi hemeso ya Muungu na kwa kugombeka wendauamuiwe."

Kuamwiiwa kwa kisikiizi

31 "Mwana wa Mntu endahoeze na ukuu wakwe na wandima wa Muungu wakawa hamwe nae, aho endaekae mwe kigoda chakwe cha Useuta na ukuu. 32 Wantu wa si zose wendawakintane hemeso yakwe, nae enda awaike wantu inga via mwiisi awaikavyo ngoto hantu hakwe na mbuzi hantu hakwe. 33 Aho endaawaiike ngoto phande ya kuume na mbuzi phande ya kumoso.

Kuamwiiwa kwa kisikiizi

31 "Mwana wa Mntu endahoeze na ukuu wakwe na wandima wa Muungu wakawa hamwe nae, aho endaekae mwe kigoda chakwe cha Useuta na ukuu. 32 Wantu wa si zose wendawakintane hemeso yakwe, nae enda awaike wantu inga via mwiisi awaikavyo ngoto hantu hakwe na mbuzi hantu hakwe. 33 Aho endaawaiike ngoto phande ya kuume na mbuzi phande ya kumoso. 34 Naho Seuta endaawambe wada wa phande ya kuume, ‘Sooni nywie mwekujaiwao na Tate yangu, hokeani Useuta mwekuikiwao kae kuvokea kugosolwa kwa inusi. 35 Kwaviya nekhiwa na saa, mkanekha khande, na nekhiwa na khiu mkanidomeza na nekhiwa mgeni mkanihokea, 36 nekhiwa mwazi mkanivika magwanda na nekhiwa mtamu mkeza kunikauwa na nekhiwa mwe kifungoni mkeza kunivuiiya.’ 37 Aho awo wantu wedi wenda wamtambaise na kumwamba, ‘Zumbe ni ini, tekukuonaho una saa tikakwekha khande hambu ukawa na khiu tikakudomeza mazi? 38 Ni ini tekukuonaho umgeni na swie tikakuhokea na tekukuonaho umwazi tikakuvika magwanda? 39 Na ni ini tikuona ukawa mtamu tikeza kukukauwa hambu wekuwaho mwe kifungo tikeza kukuvuiiya.’ 40 Nae Seuta endaawatambaise, ‘Kwei nawamba, chochose mwekuwagosweado wamwe wa awa wandugu zangu mnigosweeya miye!’

41 "Ahoaho endaawambe wada wekuwao phande yakwe ya kumoso, haukeni aha hangu, nywie mwe kubadiwao lazi, hitani mwe moto wa misi zose kwesaho kukomeka na wekuikwao kae kwaajii ya ibiisi na wandima wakwe! 42 Kwaviya nekhiwa na saa khamwekunekha khande na nekhiwa na khiu khamwekunidomeza mazi; 43 Nekhiwa mgeni nywie khamwekunihokea, na nekhiwa mwazi khamwekunivika magwanda na nekhiwa mtamu khamwekweza kunikauwa, na nekhiwa mwe khiwa mwe kifungo khamwekweza kunivuiiya." 44 Wowo wenda wamtambaise, "Zumbe, ni ini, tekukuonaho una saa na khiu, hambu ukawa mgeni na umwazi, na ukawa mtamu, na ukawa mwe kifungo, khatikweza kukuambiza?" 45 Nae endaawatambaise, "Nawamba kwei kiya mwekuemeavyo kumwambiiza yumwe wa wadodo awa mwemea kuniambiiza miye." 46 "Awa wendawaite kwe usuumizi wa misi zose zesazo kuwa na kisiikizi, na wada wantu wedi wenda waite kwe ugima wa misi zose zesazo kuwa na kisiikizi."

16 Kwaviya Muungu kaikundisa inusi ata akamlavya mwanawe wa ikedu, ili kia mntu endae amzumiiye asekwaga, iya awe na ugima wa misi yose kwesiho kisiikizi.

16 Kwaviya Muungu kaikundisa inusi ata akamlavya mwanawe wa ikedu, ili kia mntu endae amzumiiye asekwaga, iya awe na ugima wa misi yose kwesiho kisiikizi. 17 Kwaviya Muungu khekumwaagiiya Mwanawe mwe inusi ili awaamuiye wantu, iya wantu waoholwe kwembokea yee.

18 Wantu wose wamzumiiao Mwana khawana waamuiiwe, akini wose wesao kumzumiia Mwana, waamuiwa kae, kwaajii khawekumzumiiya Mwana wa ikedu wa Muungu. 19 Na uwamuiyo wenye ni unu, ung’azi weza mwe inusi, akini wantu wakakunda kiza kwesima ung’azi, kwaajii ya ntendwa zao ni za ufyaimi.

7 Akini nawamba ukwei, ni vyedi kwenu miye nihauke, kwaviya nikesekuita mwambizi khanaeze kwenu, akini nikaita uko nendanimwaagiiye kwenu. 8 Nae endahoeze endaawaonyeshe wantu wa mwe inusi mbui ya mavigaviga, na kwa mbui ziya zimtamiazo Muungu na kwa mbui ya uwamuiiyo wa Muungu. 9 Waga kwa mbui za mavigaviga kwaajii khawanizumiiya miye, 10 Mwe mbui ya kumtamiza Muungu, miye khigosoa yamtamizayo Muungu nee mana naita kwa Tate, nanywi khamna mnione vituhu. 11 Aonyesha pwii kuwa Muungu endaawaamuiye kwaajii kamuamuiya kae Shetani ambae ni muongoezi wa inusi.

16 Aho, swie tamanya na tazumiiya kuwa Muungu atikundisa.

Muungu ni ukundiso, na kiya mntu ekaae mwe ukundiso ekaa mwe uhamwe na Muungu, na Muungu ekaa mwe uhamwe na mntu uyo. 17 Kwa sia iyo, Muungu aiganiza ukundiso wakwe kwetu, ili tiwe watintimavu mwe msi uda wa kuamuiiwa. Kwaviya wekazi wetu mwe inusi inu, waigana na ambavyo Yesu ekuwavyo akekaa. 18 Mwe ukundiso khahana kuogoha, ukundiso wa kwei wausa kuogoha kose, mntu yoyose aogohaye, ukundiso wa Muungu khaumo umo mwakwe, kwaviya mntu aogohaye endaamuiwe.

10 Kwaviya swie tose takundigwa kugooka hemeso ya Klistu, tihokee uwamuiyo kulawa kwakwe. Kia yumwe endaahokee kulawana na yada ekugosoayo kisingi ekuwaho mwe inusi, yawe yedi hambu mafyaimi.

16 Nee yendavyoiwe msi wa kuamuiiwa, Muungu endaawaamuiiye wantu wa sia ya Yesu Klistu hata kwa mamakhanyi zao za sii na inu nee Mbui Yedi niibikiayo.

27 Inga viya wantu wekuikiwavyo kuuya na nyuma kamwe du, na wekubindaho kuuya na nyuma ni uamuiiyo. 28 Viyaviya Klistu kaavigwa maa mwenga du na kuwa ntambiko ili ayadoe mavigaviga ya wantu watuhu nae endaeze maa ya kaidi na khio kwakudoa mavigaviga iya kuwaetea uohozi wada wamkauwiiyao kwa hovu muno.

37 Inga yagombekavyo Maandiko,

"Kusigaa kisingi kidodo du

Na yuda ezae endaeze,

Wala khanaacheewe.

38 Iya mntu yangu mgosoa yada nikundayo endaekaise kwa kunizumiia mie,

Nae ati akawa na khanga nikude na khanga nikueke,

Khina niwe na nyemi nae."

39 Akini swie khatimo inga wantu wabadao kumbasa Muungu na kwaga, iya tihamwe na wantu wamzumiao Muungu na kuoholwa.

6 Iya tisekugona usisiza inga watuhu, takundigwa kucheeza na kuwa tayali na kuidaha mioyo yetu. 7 Wantu wagonao wagona na kio na wakolwao, wakolwa na kio. 8 Akini swie ni wantu wa musi takundigwa kweika tayali kwa kuvaa uzumizi na ukundiso inga vazi da chuma da khondo da kwekinga kifua na kauwio detu da uohozi dituinde inga khofia da chuma da khondo. 9 Kwaviya Muungu khekutisagua ili kudagamizwe kwa maya yakwe iya tiupate uohozi kwembokea kwa Zumbe yetu Yesu Klistu,