Juízo

14 Kedanemene bata tei kegai pelane ziemne Tinggwang ne tutiak teugwang zie,

ma ngkim kembai leune de si eh,

keyibe de kesiabe de. *

21 Kedanemene Peibe ketsaime de kwakcuh nah penuide kering peu kela nzwa, cinzwa eh Nabe de kering pwa pa peu keneube de pwa peula. 22 Kedanemene Peibe de migede de tiak lamah, dede tiak kera pelane pa Nabe de pwapeu dida 23 iciu eh mileune de Nabe de rütlu kerane penui Peibe de rüt kela nzwa eh. Mige Nabe de rütla kemakme pecu lang kegaibe Peibe de de rütla ma. 24 Ih nnui dage rangsiakte liazie, keheibe de a sam siulu eh acu lang kegaibe de nlumlu cai pa kelungta kering ngaulu da nah tutiak bam ga gwang dilak, dede pa ketsai gade kaa pet kering ga bam dida. 25 Ih nnui dage rangsiakte liazie, ketsaimedung Tinggwang Nabe kwa siu kera ting gwangla dida nah cude gwangbam dida, nah siu kelume ring luzie. 26 Kedanemene Peibe peda kering kebam kesiakge pa Nabe dede peda kering bam kera pwapeu dida, 27 nah pa Nabe de tutiak tei kera kengkieng pwapeu dida, kedanemene pa au Mina Nabe kecune. 28 Aide ziemne nnui swa gah diso, kedanemene heraudung ga kebamme leune de pe kwa siu kera peting ge gwang zeu delu 29 nah mpet zie. Keyi keteime kering gage ringcuh gaizie, nah kesia keteime tutiak gage ringcuh gaizie.✝

30 Ih akatei magede tei gailak. Ih siukelu nzwa, Ih tiak la, nah Ih tiak kelade masang kedanemene Ih au akatei asuibe tei lamah dede acu lang kegaibe suibe teila.

Jisu pe ha rangkegai

31 Ih magade akatei a ha zierang teizie cai, a zierang cide kesangbe melubui.

7 Dede kesangbe Ih nnui dage rangla, Ih tetkedi au nnui ziemne yiki. Kedanemene Ih tet kemakcai, Helungtaukemlabe nnuida gwanglak kecune, dede Ih tet dicai, Ih pecu nnui dage langgai beuzie. 8 Pa gwang sangne, Helungtaukemlabe ne kideu be kemau ha, nah makesang ha, nah tutiak ha maula kedi rangmci liazie, 9 kemau ha, kedanemene penui acu nlum kemakne;

30 Jisu keligai nah rangdi, "Makwa aide a ziemne ma, dede nnui ziemne gwang lei. 31 Cu au kideu aide tutiak zieda: Cu au kideu aika kengkieng keteube de* kelien gidi zieda. 32 Kideu aika de acu teucuh keludau, mina pelane de ada teugwang dizie."

38 Ge minabe rang eh, "Rampaubo, Ih nlum lie" nah pa pecu reca di. 39 Jisu rang eh, "Tutiak tei kera ziemne Ih kideu aide ga gwang iciu eh ngau mene kelame ngaulu kerane nah ngau kebamme miakcietdi kerane."

Kemneime nah kengkiengme

1 Dede kenlum gade nnei kelame keheibe de ngngwalu, kesamlim kecuga rang reniadi mene. 2 Mige pe kenlum gade keheibe tyei lubui, dede nnei kebam mi kedage au ginei rünne tyeila. 3 Peu maleune tyei kelabe de tyei la kemakbe de ngkau diso; nah peu ma keheibe tyei la kemakbe de maleune tyei kelabe de mmau diso. Kedanemene Tinggwang pecu ngngwalu delu. 4 Nang cauno, mi kedame ge kila ha tiak kera? Pa sap mede kaukecu pekatei pe mpaube dwa gade tiak zie. Dede pecu peu sap luzie, kedanemene Rampaube pecu teucuh saplu builu.

12 Cine, anui hangge gede pekatei pe ha Tinggwang dage pwapeu zie.

13 Ciziemne, anui hangge ge ha tiak tadi go, ciu meliene migede pe sinabe ziemne puikam ge mede hetak ge teigai melu kerane tiak lugo. 14 Ih cibam nah Rampaube Jisu gade, magede pekatei au hera dila kemak Ih cimci luda. Mige pekatei cetpwa ma keheibe de mci melie lacai, pe ziemne cide mci meda.

17 Tinggwang name dade hetutiak ndeu di kera ting nna zeuda. Magade cide anui dade teicuh dicai, Tinggwang samliakeyi de nlum kemakmedung dainzwa dilai?✝

5 Ciziemne peting cangkemak ne Rampaube cailikegwang dwa, magede tiak so. Pa kemui ga kebai teukeladung de kebaa gage kaizie nah mina lungningdung liagai zie. Iciude keheibede Tinggwang dade hetwa ngau luzie.

2 Kedanemene nnui mide kemmau kenzwa, nnuide de mmau zie, nah nnui mide mdet pwapeu kela mdetde le, nnuide de mdet beuzie. 3 Daitei eh n sinabe miak ga kehera keceuna ge kebam de pie lano, dede nkatei n miak ga tsinglwa kebam de be ngau lama no? 4 Mede dainzwa n sinabe dage, ‘N miak gade kehera de peu acu keu mpetlu,’ de eh nang ranglu laino, ainie, nkatei n miak ga tsinglwabe bam mene?

6 Ciziemne, Israelme dage rang beulo, ‘Ih au RAMPAUBE. Ih nnuide Egyptme kangga de kilabaang tei kebam gade ngngwa mpet beuzie, nah Ih nnuide penui kengking gade lungmpet beuzie. Ih a kengking keulia nah tutiak kengking bata le nnuide keli luzie.✝

12 RAMPAUBE aide rangla: Ih Egyptme deu cipau ziu tet kahgwang zie nah Ih mina nah makaune neraibe leune de teitset zie Egyptme deu ga. Ih Egyptme rabedung leune da saja teugwang beuzie.* Ih au RAMPAUBE.

4 Ncu renya, ncu rünne, Ih kemau teidi

nah n miakngau gade kesia teidi;

nang kerang dau nang au petau;

nang hetutiak kecudau nang au mzeu.*

8 Zion ga siu lu eh pesui yi lu,

nah Judah namdidung renga lu

n masang zaidung ziemne, RAMPAUBO.

6 Bung kenzeudung pelane penuine teipang nah tei kecai dida;

penui cidung de nreu nah hegeuteisang le dappop dida.

7 Penui n kerecaki gage mi kai dida;

nang kelung bam de tei hera dida, hangdeu gage teumie dida.

Hallelujah

1 Aipaudung de cai tinggim gade mina maadi *kwage kenzwa ge sahbak eh kerang Ih siu,

"Hallelujah.

Kelikelu, kendu, nah kengkieng au anui Tinggwang gulie.

2 Pe tutiakdung au kesang nah nzeu,

kedanemene pa helipui

pe kemmha le kideu de teihera kedipui de mmau dida.

Pa pe kilame de teitset kedine

Tinggwang pecu saja peu dida."✝

3 Pecai pia pekenabe penui sahgai:

"Hallelujah!

Pe pum ru kebam gade mika kelungta kah bam dida."✝