Legalidades

A Bíblia reconhece a necessidade de leis e governo civil. Os cristãos são chamados a obedecer às autoridades estabelecidas por Deus, enquanto mantêm a lealdade suprema a Cristo.

Submissão às autoridades

Toda autoridade é instituída por Deus. O cristão é chamado a respeitar as leis, pagar tributos e honrar quem governa.

Kusingimika vaka nzili yakama

1 Muntu uoshe napande kuononoka kuli vaka nzili yakama, muomu naumo uahi asa kushika kuvanga Njambi namuhangula, kaha vaka nzili yakama vaje valiko Njambi ikeye navahakaho. 2 Nankuma, uoshe uje aluisa vaka nzili yakama kaha naluisa na vije via nashiki Njambi, kaha uoshe alinga evi alinehela kusompa ikeye vavenia. 3 Muomu vaka kulinga muacili kuvasa kuvuila liova vaka kuyula, vuno honi kuvanga vaje valinga mua mupi. Nkuma yove kuvuila liova muntu uje alina nzili yakama ndi? Nankuma linga muacili kaha na ikeye akakushangazala, 4 muomu vanapu vangamba va Njambi valina kumipangela viacili. Vuno honi nga ulinga mua mupi, kaha vovuile liova, muomu nzili yavo yaku kuzangamesa inapu ya vusunga. Vakevo vanapu vangamba va Njambi, kaha valina kuneha kuzangamesa ca Njambi kuli vaje valinga mua mupi. 5 Nankuma ha cuma eci munapande kuononoka ku vaka nzili yakama, keti ngue hakuzangamesa ca Njambi lika houe, vuno honi naua muomu ha visinganieka viacili.

6 Eci cikeco naua mulina kufuetela lisimu, muomu vaka nzili yakama vali nakupangela Njambi nga vashulisisa vipangi viavo. 7 Nankuma fueteni vije vinapu viavo, vafueteni lisimu lieni neli lia ku vufuko vueni, kaha mueseni kasingimiko kuli ava voshe.

Romanos 13:1-7

Kulizanga umo na mukuavo

8 Keti mukale nalikongo kuli umo na mukuavo, likongo munapande kukala nalio linapande kulizanga umo namukuavo. Uoshe uje azanga mukuavo kaha nononoka lishiko.

Romanos 13:8

12 Kuateleleni kulinga vilinga viacili kuli vaje keti Vayunda, ngeci hamo vahandeka nguavo muvaka kulinga via vipi, vanapande kumona vilinga vieni viacili na kuhana Njambi vumpau ha litangua lije akeja.

13 Likeheseni kuli vaka nzili yakama voshe muomu ya Muene, cipue kuli nguvulu uje ali nanzili yakama, 14 cipue kuli vanguvulu vaje ikeye natumu linga vahane kashitiko vaje valinga vupi na kushangazala vaje valinga viacili.

1 Pedro 2:12-14

17 Tuleke vika usinganieka? Nkuma cinapu lishiko kufueta lisimu kuli Sezale, indi houe?"

18 Vuno honi Yesu uazivukile laja vupi vuavo kaha uahandekele nguendi, "Yeni vaka civembulu, vika honi munjesekela? 19 Njimueseni vimbongo via lisimu."

Kaha vamunehelele mbongo ya muuaya uaya. 20 Kaha Yesu uahandekele kuli vakevo nguendi,

"Cihanga ceya eci?"

"Kaha lizina lieya vanasonekaho?" 21 Vahandekele nguavo, "Via Sezale." Ambahoni uahandekekele kuli vakevo nguendi, "Haneni viuma via Sezale kuli Sezale, kaha haneni viuma via Njambi kuli Njambi."

Mateus 22:17-21

Obrigações legais

Jesus cumpriu obrigações legais, pagou impostos e orientou seus seguidores a obedecer à lei sem comprometer a fé.

Kufueta lisimu lia mu Njivo ya Njambi

24 Omo Yesu na vandongisi vendi vezile ku Kapenauma, kaha vaka kutambula lisimu lia mu njivo ya Njambi vayile kuli Petulu nakuhandeka nguavo, "Nkuma mulongisi ueni kekufueta lisimu ndi?"

25 Kaha Petulu uavakumbuluile nguendi, "Eyo."

Kaha omo Petulu uakovelele mu njivo, Yesu uahandekele kuli ikeye ha kulivanga nguendi, "Simoni vika usinganieka? Nkuma kuli veya vimiene va hano ha mavu vakatambula lisimu? Kuli vana vavo indi kuveka?"

26 Kaha omo Petulu uakumbuluile nguendi, "Kuveka," kaha Yesu uahandekele kuli ikeye nguendi, "Nankuma vana kuvakafuete. 27 Nankuma keti tuvapihisile, ya lika ku cisali ukalovele, kaha ukambate intsi uje uamaputukilo kaha omo ukafukula mu kanua kendi ukauanamo mbongo ya muuaya uaya, kaha yakayambate nakuvahanayo, linga ikapue lisimu liange nove."

Mateus 17:24-27

25 "Likonekeleni vuasi vuasi nauje unapihisila oku muli nakuya hamo ku nzango, kuteua yunapihisila akakutuala kuli lihako, kaha lihako akakuhana kuli lisualale, kaha lisualale akakuhaka mu kamenga." 26 Muavusunga njikuleka nguange, ku ukahumumo kuvanga noho ukamanusula kufueta kambongo ka mamanusuilo ku mulonga uove.

Mateus 5:25,26

18 Kaha vakamituala ku vanguvulu na kuli vimiene muomu yange, linga cikapue vukaleho kuli vakevo na kuli vaje keti Vayunda. 19 Omo vamituala, keti mulishoshomuene mumuka handekela cipue vimukahandeka, muomu vije vimukahandeka vakamihanavio ha ntsimbu ije.

Mateus 10:18,19

Kusemuka ca Yesu

1 Capuile ngacije ha ntsimbu ije, kuli Sezale Angushitu kua humine lizi lia kushika, linga vasonekese vantu voshe mu vumuene vua Loma. 2 Eci cikeco kusoneka cije ca kulivanga civa lingile omo Kiliniu uapuile nguvulu ua Siliya. 3 Kaha voshe vayile ku membo avo, linga va kavasonekeleko.

4 Yosefa uahumine ku nganda ya Nazaleta mu Ngalileya, uayile ku nganda ya Mbetelehema mu Yundeya ku limbo lia semukilile Muene Ndaviti, muomu uapuile muka muyati ua Ndaviti. 5 Uayile nakumusoneka hamo na Maliya uje ya lamene, uje uemitile.

Lucas 2:1-5

Perspectiva divina

As nações são como uma gota no balde diante de Deus. Ele abre portas que nenhuma lei pode fechar.

9 Muomu Njambi nanjishokuelela cikolo cakama cakupanga vipangi viacili, kaha vavengi valina kunjiluisa.

1 Coríntios 16:9

10 Nankuma Pilato uahandekele kuli ikeye nguendi, "Nkuma uviana kuhandeka nange ndi? Nkuma kuuazivukile nguove yange njilina nzili yaku kuhumisa, cipue kukushukika ndi?"

11 Yesu uamukumbuluile nguendi, "Kuuesi na nzili hali yange kuvanga vanakuhanayo kuhuminina kuli Njambi, nankuma uje uanjinehele kuli yove ali na mulonga ua vupi uakama."