Mal

21 Kätə̂ äwä kä kə əmbrʉ ərə ə ro pâ zə ne, bale ro pâ əmbrʉ ərə nə tə̂ äwä ə̂rɔ̂ ərə.

9 E yïndə azü yï də lɔsu e bishi ne. E wə̈ra tə̂ e tə̂ əmbrʉ ərə də lɔsu e bale; e zä tshelə e nɔ̂ gâ tə̂ kə mbrə ə̂rɔ̂ ərə.

Bale əpʉ nə̂ Palɔ

17 Alaye, mə sə kə mʉ əpʉ kə e ndə kə pa ala e gbɔ tə̂ azü ə̂në əndje na də əpʉ kə sɔ tshelə takpa tə̂ azü ə gi azü gâ tə̂ äwä nyaka kɔ â wəra tə̂ əndje tə̂ əpʉ ə̂në əndje yîsə̂ nə kə e kɔ gâ ye. E gï tə̂ e gashe ngrʉ̂ tə̂ əndje.

5 Ə̂yîəwo nə sə kə tshe lə əbutshe, â əbutshe nə yîndə ye yî ne.

15 E bäta tə̂ e ndə kə pa əzü bale ma ma əmbrʉ ərə kə ə̈bə̈ ngâ nə mandâ əmbrʉ ərə ne. Bale, e prä äwä ə̂rɔ̂ ərə alɔnɔ̂ ndə kə mbrə nə, â sə kəmə lə takpa tə̂ e wala kə azü nɔ̂.

21 e wü tshelə aəpʉ nɔ̂ ə bäta ənə̂ sə̂ ə̂në ə sə tə ə̂rɔ̂nə kɔ; 22 e kpë tə̂ e tə̂ âkâ aəmbrʉ aərə nɔ̂.

13 Kätə̂ ä kä ä te gâ lə afrɔ ərə ne,

bale, djɔ̈ ä lə kəna ətshə ə̂në tshə sə tə əmbrʉ nə kɔ*.

[Mbrə ə̂në ngerə, də awlra gâ ndə kə mbe ətshe sə tə ənə̂ zə də ə̂ngû də ə̂ngû piii! Asərəmə.]*"

15 Mə yu əbə yu ndə kə pa bə ko əndje pâ ashɔ nə ne, bale ndə kə pa bə bata əndje tə̂ Əmbrʉ ətshə nə.

18 Âgbɔ̂ Əyïngerə sə kə djɔ əmə lə əmbrʉ ərə nɔ̂ ə̂në azü sə kə mbrə nə kɔ â tshɔ əmə lə kuzu mbrə Əgɔngerə tshelafɔ nə̂ ye je. A mbë ətshə də ə̂ngû də ə̂ngû piii! Asərəmə!

11 E yï aərə koshe nɔ̂ ə̂në Ndjapä kô kə əzə̂ kɔ gâ tə̂ e, kanika ə ka kpirə̂ ətshi aafrɔ aərə nə̂ djablo.

12 Mbrə ə̂në ə də̂ azü də̂ a də aəndje ə mbrə awlra nə kɔ ne, bale a sə kə mbrə awlra nə də aərə ə̂në ə sə də awlra kɔ, də aərə ə̂në ə sə kə za ama kɔ, də aərə ə̂në ə sə kə mbrə ngerə gâ pâ ashɔ ə̂në ə sə lə əbutshe kɔ gâ ndə aəmbrʉ ayirə̂ tshelə əyi djoko lafɔ kɔ.

26 Kədə e mbrə əkɔ, e mbrə̈ nyaka mbrə̈ ne; alɔ dɨ̈ dɨ̈ tə̂ e də əkɔ nə ne. 27 E kätə̂ äwä kä kə djablo ne.

21 Rəkɔ, e wə̈ra tə̂ e tə̂ ərə nɔ̂ ə̂në ə mbrə əzü tə əmbrʉ nə lə ala Ndjapä kɔ ə wə̈ra tə̂ e tə̂ kə mbrə ərə nɔ̂ tə̂ äwä əmbrʉ lɔsu; e yïndə əpʉ ə̂në Ndjapä lû gâ tə̂ lɔsu e kɔ də zɨtɨ lɔsu, ə̂në ə lï ndə kə pa ə she e lə kuzu kɔ.

9 Kədə a pa ndə anyaka nə̂ əzə̂ gashu kə Ndjapä nə, ətshə ə̂në tshə sə tə awombrə tshelə ndəma ye kɔ â sə tə awombrə ərə də äwänə kɔ, tshə sə kə gba tshelə anyaka lə kumu əzə̂ ə sə kə yutu aəmbrʉ aərə nɔ̂ tə̂ əzə̂.

20 Tshə pâ kwatə̂ye ə pa: «Ərə ə̂në ə wutu lə əzü, tə nə kə sə̂ â mbrə ndə kə pa tshə sə tə əmbrʉ əzü. 21 Mbrə ə̂në lə əzü, tə̂ lɔsu ye, də̂ aəmbrʉ aərə sə kə wutu gashu mata kə ma ə̂trû, kə zɨ angba, kə wo əzü, 22 kə pra əwɔ əzü wala äkɔ̈ əzü, kə ma əgo aərə ro pâ nə, kə sə də əmbrʉ lɔsu, kə frɔ azü, kə mbrə aərə mbrə də äwänə ne, kə ma əgo aərə nə̂ angâ zə, kə pa əmbrʉ əpʉ gâ lə kumu ngâ zə, kə yisə̂ tə̂ əzü gâ ndə kə sə tə əndɨ. 23 Aəmbrʉ aərə səkɔ nɔ̂ wutu tə̂ lɔsu əzü â mbrə ndə kə pa tshə sə tə əmbrʉ əzü lə ala Ndjapä.»