Milagres de Jesus

ebre nileεmi g biytSeyda

22 ewDen ibiytSeyda, eγeδnes lebHaD nleεbaδ ileεmi mellegnes bac e θilemmes. 23 igewwet yeffeγ essis elberre ntemuwreθ, yeskuwfes g tiTTewines, iHuT ifesnes felles yenceδt: «endre tzerreδ g Haje?» 24 yerqeb yen: «zerre g leεbaδ, emme emeccejer egguwren.» 25 iHuT yesuwε ifesnes tikkelt xlaf f TiTTawin nweryaz, yeδwel izer belgde yeδwel δuSHiH izer kul cey. 26 yezent yelHuces yennes: «eθerjεec ytemuwreθ.»

ebre nileĎrec

31 yeffeγ yesuwε seg Suwr, yeθεedde f Seyda g webriδes yiylel neljliyl, s etwali elqeεεeθ ntimuwre elεecre. 32 eγeδnes iyjen δileĎrec wilses yemmeqqen, mellegnes bac e yHuT efuses f elles. 33 yebεeδ essis yesuwε f leεbaδ, iHuT iDuDenes g timedjiyn nweryaz yeskuwfes ilemses ilses. 34 yqam tiTTewines lennej yeθnehheδ yennes yweryaz: «iffaθa!» (meεnahe miyr) 35 g elweqtdiyn emmiyrneθ timedjiyn nweryaz yemseyyeb ilses, yuθley δimserreH. 36 iweSSaθen yesuwε bac e lleqqaren yHette Hed. yemenni ykan kul max enniweSSe ernin eseHke. 37 ukanen eqqaren unihnin δimeθεejben: «mesmeH elεmayel elkul elli yθeg δiysneθ! yerre ileĎrec isel webekkuwc iδukke.» *iyehuwdiyyen etxememen elli nihnin xiyr nleεbaδ iddiyn. ettesemman imenensen idrari uleεbaδ iddiyn eyDan. uyesuwε yennayes siyn bac e ttijerreb muc bac e ttisub.

esebri nbertiymawus ileεmi

46 ewDen yeriyHa. unette δeyeffeγ seg eriyHa wiyδes etlemδas dleεbaδ egget, bertiymawus, memmis ntiymawus, eĎellab δileεmi, ykan ygeεmez f eccafeθ nwebriδ. 47 max i yesle elli δeyeθεedde esyiyn nette δyesuwε ennaSriy, yebδe yetzeεweg: «yesuwε, emmiys ndawud, ereHmiyδ!» 48 enzren felles leεbaδ bac e yesger, yaxi yerni izeεweg exθer: «emmiys ndawud, ereHmiyδ!» 49 ibed yesuwε yen: «nebameθ!» naben ileεmi ennanes: «eθcejjeε tekreδ, tay yetnabe δiyx.» 50 ylewweH ebernuwses yekker yexDem yyesuwε. 51 yennes yesuwε: «δmette iθexseδ exege?» yennes: «exse ezre, ya siydiy!» 52 yennes yesuwε: «berre! elimenex yeSSebrayex.» elweqθes yeδwel izer yeθbeε yesuwε uggebriδes.

yesuwε eysebre ileεmi

35 umax i yeqreb yesuwε seg eriyHa, w ykan yelle eryaz δileεmi ygeεmez f eccafeθ nwebriδ iĎelleb. 36 max i yHus s uθεeddi nleεbaδ yenceδ: «δmette wahen?» 37 ennanes: «yesuwε ennaSri δeyeθεedde esyah.» 38 izeεweg ileεmi: «yesuwε, eyemmiys ndawud elmlek, ereHmiyδ!» 39 enzren felles elli s ezzaθ bac e yesger, yaxi yeqqiym yetzeεweg exθer: «eyemmiys ndawud, ereHmiyδ!» 40 ibed yesuwε yennasen eθseqerben etweliys. max i yeqreb yenceδt: 41 «δmette iθexseδ exege?» yennes: «exse ezre, ya siydiy!» 42 yennes yesuwε: «erqeb, elimenex ymenεex.» 43 yeδwel izer g elweqθes yeθbeε yesuwε unette iHemmeδ g rebbi. max i zriyn leεbaδdiyn elli ySar mejδen rebbi elkulhum.

30 tewessarθ nsemεan tkan tenεes s esxaneθ, elweqθes ennanes felles. 31 yeqreb yetweliys yeTTeft seg wefuses yessikkert. texDem felles esxaneθ tekker txeddem δiysen.

ebre nunebraS

40 yesδes iyjen γer-s eTTen δemeqqar g eljildes* yetmelges, yesjeδ yennes: «kan texseδ, eθgeddeδ eyeθneĎfeδ.» 41 yesxef felles yesuwε yezzel efuses ilemmesθ yennes: «exse, endaf!» 42 liyhliyh yebre ebreSes yendaf.

3 eseδnes erbεe δiryazen qamen iyjen δelεayeb. 4 max elgeddenc eθewDen essis εlexaTer leεbaδ egget, snuqben esqef elli δenni yesuwε essugzen esyiyn elεayebdiyn g eθjerreyθes. 5 max i yezre yesuwε elimenensen yennayes yelεayebdiyn: «emmi, leδnubex elkul emmeγferneθ!» 6 uggemmes nleεbaδdiyn kanen ellan imuεelmen necceriyεeθ, ennen g ulewnensen: 7 «ecbiyh eryaze iδukke sahen? wahen δelkeffer! δ wiyn iged eyeγfer leδnuwb bexlaf rebbi weHδes?» 8 elweqθes yexez yesuwε g ules elli etxememen δiys, yennasen: «ecbiykum etxememem f elHajaθe g ulewnennum? 9 esyemmen yelεayebe <leδnubex emmeγferneθ.> eshel nelli esyemmen <ekker qam tejerreyθex tuyuwreδ.>. 10 tay δexennessexne elli neč bnaδem* γeri elquδreθ bac e γefre leδnuwb g elqeεεeθ.» yennes yelεayeb: 11 «enniyγex ekker tqameδ tejerreyθex trewHeδ yelHucex!» 12 yekker yqam tejerreyθes liyhliyh yeffeγ ezzaθ nleεbaδ elkul. esθeγerben usiyn mejδen rebbi ennen: «elεemrenne wennezri elHajeθ emtah!»

esebri g essebθ

1 yeδwel yesuwε yelmejmeε, yaf diyn eryaz efuses yeqquwr. 2 ebδen leεbaδ elli diyn etεusnas kan δeθysebre g essebθ δeθettehmen. 3 yennes yweryaz elli efuses yeqquwr: «bed uggemmes!» 4 yennasen: «mat iθenne ecceriyεeθ? as nessebθ eneg elxiyr ziyγ δeccer? enmenneε ennefs ziyγ etnehlex?» yemenni esegren. 5 yerqbasen δimeθγeccec Hziyn seg elqSaHeθ nulewnensen, yennes yweryazdiyn: «ezzel efusex!» yezzelt yebre emwissen.

yesuwε eysebre enebraS

12 tikkelt yemreq yesuwε ytemuwreθ ykan δiys iyjen δmaDun s elbreS. eddebelli yezre yesuwε yuDe f uδmes yebδe yetmelges unette yeqqeres: «cex eθgeddeδ eyeSSebriδ iδekan texseδ.» 13 yezzel yesuwε efuses yeg sah, ylemmesθi yennes: «wa, exse. ekker cex tebriδ.» g elweqθes yemreq felles elbreS.

18 unihnin siyn usiynd leεbaδ qamen iyjen δemecluwl g eθmelHefθ. exsen eδaδfen essis usinc eθHuTTen ezzeθes. 19 elqulli elgeddenc eδaδfen lexaTer leεbaδ egget uliyen essis yesqef welbeεδ sugzenti s timelHefθes seg jar iγeryan yekker ezzaθ nyesuwε. 20 max i ntyuwxez yesuwε elli nihnin essenen rebbi yenne yumecluwldiyn: «neč sameHγex.» 21 elweqθes ebδen imuεelmen delHezb nifarisiyyen etxememen unihnin eqqaren: «δ wiyn wahen elli ykeffer? yendre yelle δ wiyn yetged yetsameH emrebbi?» 22 yemenni yesuwε yuxez f mat itxememen. elweqθes yenneyasen: «imat etxememem sahen? 23 δmanten eshel? enneγ <neč sameHγex.> uneγ enneγ <ekker uyuwr!> 24 yemenni enniyγ sah bac e θesnem bnaδem (elli neč yexθari rebbi) γers elquδreθ f elqeεεeθ wetgedde eqame f ellawem eδnubeθewwem.» welbeεδ yenne yumecluwldiyn: «ekker, qam timelHefθex temerqeδ yelHucex.» 25 eddebelli yesle edwiys, yekker s ezzeθensen yqam emeTreHes yrewweH yelHuces unette yetsebbeH yrebbi.

yesuwε eysebre g essebθ

6 essebθ xlaf yuwδef seyyedne yesuwε eljameε nuδayen yebδe yetseqre. ykan diyn eryaz efuses nelymiyn teqquwr litgeddec ettiHerrex. 7 ebδen imufesren necceriyεeθ delHezb nifarisiyyen etεussen f yesuwε maδebiyhum eysebre eryazdiyn as nessebθ bac e Tfen felles elHajeθ. 8 yemenni seyyedne yesuwε yefhemten f mat etxememen. elweqθes yennayes yweryazdiyn, «ekker eθbeddeδ g wemmes.» yemreq ibed diyn. 9 yenneyasen yesuwε: «neč δexennencδe, emexiyr eneg elxiyr as nessebθ uneγ eneg δeccer? enmenneε leεbaδ uneγ entnenγ?» 10 beεδ iyenzi yleεbaδdiyn elkul yennayes yweryazdiyn, «ezzel efusex!» yezzel efuses yerjεes iδammen yebδe yetHerrex δiys.

ebre nuxeddam niyjen seg eDDubbaT

1 max i yeHke yesuwε yleεbaδ, yuwδef g temuwreθ nkefernaHuwm. 2 w ykan iyjen seg eDDubbaT neljiyc nerruwman γers exeddam yuDen εuddi δeyjaf, w ykan yexsi egget. 3 max i yesle s yesuwε yuzenes elmcayex nuδayen etnaben δiys bac e sysebre exeddemes. 4 esδen yyesuwε, mellegnes ennanes: «eryaze yettesθahel etεawneδ, 5 εlexaTer yexs leεbeδenne, wennette elli yebneyane elmejmeε.» 6 yexDem yesuwε iyδsen. max i yeqreb yetwali elHuwc yuzenes eDDabeT eSSuHHebes bac e syen: «ya siydiy, eθqelqec imenex, neč ettesθehilac eθeδfeδ seddu esqef nelHuciyw, 7 wettesθehilac exeddase. emme en tuθleyθ teSSebriδ exeddemiyw. 8 neč zade δeryaz Hekmen δiyye uγeri elεesker s eddwiyw, enne ywahen <berre!> eyexDem, uwissen esenne <est!> eyeddes, uyuxeddemiyw <eg wahen!> eyeg.» 9 max i yesle yesuwε edwiye, yesθeγreb yebren yelli θebεen δiys yennasen: «exennenne: ellufixc eliman emwah Hette g ebni israYiyl!» 10 eδwlen imersal neDDabeT yelHuwc, efen exeddam yebre.

11 weθkan telle temeTTuwθ ettemeryaHeθ seg θmenTac nesne, yeδwel exrumes δimqewwes eltgeddec eθbed. 12 max i tyezre yesuwε ynebat yennes: «etemeTTuwθ, cem tebriδ seg weTTenem!» 13 iHuT efuses f elles, tekker eθbed g elweqθes eθmejjeδ rebbi.

yesuwε eysebre emaDun

1 yaδef as nessebθ elHuwc niyjen seg imeqqaren nifarisiyyen bac e yeč, ukanen etreqaben δiys. 2 yaf ezzeθes eryaz δmaDun s usθesqi, ikreεnes entefxen. 3 yenceδ yesuwε imuεelmen necceriyεeθ delHezb nifarisiyyen: «γenne elHeq ensebre g essebθ ziyγ la?» 4 esegren, yeTTef yesuwε eryazdiyn seg efuses yeSSebraθ yezent yrewweH.

esebri nεecre δimuwDan

11 uggebriδes yuwrceliym yeθεedde f essamreθ deljliyl. 12 max i yuwδef icθ seg timuwre eεerDent εecre δinebraS, bedden ebεeδen felles. 13 zeεwgen: «yesuwε eyimuεellem, ereHmane!» 14 yerqebθen yennasen: «berreθ yelkuhhan bac e xennenzin tebram ziyγ la.» unihnin macyiyn ebran. 15 max i yezre iyjen essisen imenes yebre, yeδwel unette yetmejjeδ g rebbi eSbiyH, 16 yemmeHδef f uδmes ezzaθ nikraεen nyesuwε yecxerθ, w ykan δsamriy (meεnahe muc δyehuwdi δuSHiH). 17 yen yesuwε: «muc εecre elli bran? mani tesεe iddiynni? 18 eddisenc δ wiyn eyeδwel imejjeδ rebbi kan δeberraniye wahen?» 19 usiyn yennes: «ekker texDmeδ, elimenex ymenεax.»

25 weθkan telle temeTTuwθ γer-s enziyf niδammen* seg eθnac nesne, 26 εedden felles iĎbiyben egget, teδfeε elli γer-s elkul, welterbiyH Hette cey, teqqiym diyme ettexyab. 27 max i θesle s elxber nyesuwε, taδef uggemmes nleεbaδ s δeffer tlemmes edbeces, 28 εlexaTer tenne g ules: «max elemse edbeces yezziyiyδ bac e briγ.» 29 yuqe enziyf niδammen g elweqθes, eθHus g elbeδnes elli netteθ tebre.

43 weθkan diyn temeTTuwθ γers enziyf seg eθnac nesne, teSref elli γers elkul f iĎbiyben weliged Hette iyjen etysebre, 44 teqreb yyesuwε s δeffer tlemmes eTTerf nedbeces, bedden iδammen g elweqθes. 45 yen yesuwε: «δ wiyn eyyilemmes?» enkren elkul, yen buTrus: «eyimuεellem, leεbaδ elkul etγeSaren δiyx uθeqqareδ δ wiyn eyyilemmes?» 46 yen yesuwε: «elziwiyn eyyilemmes εlexaTer Husse s elquwweθ teffeγ essi.» 47 max i θezre temeTTuwtdiyn elli yesuwε ifaq essis, tuseδes treggel temmeHδef f ikreεnes tennes ezzaθ nleεbaδ elkul imat itlemmes umax i θebre g elweqθes. 48 yennes: «eyelli, elimenem ymenεam, berre g eslam.»

22 yeseδ eryaz seg imeqqaren nelmejmeε ellesmes yayrus, max i yezre yesuwε yuDe f ikreεn-es, 23 imelges eSbiyH yennes: «yelli temezyent εuddi eθjaf, est HuT felles efusex, bac e θebre tekker!» 24 yexDem iyδes eθbεent leεbaδ egget ukanen etzeHamen δiys.

38 max i θiwDen yelHuwc numeqqar nelmejmeε, yesle yesuwε elHes d εeyyeĎ nleεbaδ duzeεwgensen. 39 yaδef yennasen: «ecbiykum etzeεwgem wetεeyĎem? tefruwxθe eltjafc, emme tenεes!» 40 eSSen felles. yemenni nette yessufeγθen elkul, yaδef nette ddaddes ntefruwxθ dyemmes delli iyδes yetwali tefruwxθ. 41 yeTTeft seg wefuses yennes: «Teliyθa quwmiy!» meεnahe: «eθefruwxθ, enniyγem ekker!» 42 tekker g elweqθes tebδe tegguwr, weθkan δyelliys neθnac nesne, esθeγerben egget elkulhum.

31 yen erreb yesuwε: «s wiyn δecebhe idrari neljiyle? ywiyn icebhen? 32 cebhen yidrari geεmzen g essaHeθ, etzeεwgen ibeεDhum: enγeyĎawem welterqisemc, unendbawem weltεeyĎemc. 33 yuseδ yuwHenna elmeεmdan eliθeč eγrum welisessec ecrab tennem: δiys ecciyĎan! 34 yeseδ bnaδem (neč, yexθari rebbi) iθet wises tennem: wahen δeryaz iθet wisexxer egget uδemedduwkel nelli etleyamen g lefluws delli muc δeSSaleH. 35 welHekmeθ temmesxen s idreriys elkul.»

yesuwε eysameH temeTTuwθ ettelγalet

36 yelle iyjen seg elHezb nifarisiyyen ellesmes semεan inebaθ bac e yeč γers, yaδef elHuwc nufariysi ygeεmez f eTTawleθ. 37 g temuwretdiyn eθkan telle temeTTuwθ muc etteSSaleHθ, tesl s yesuwε iθet g elHuwc nufariysi. teseδ taγeδ iyδes teδebbuzeθ nerriyHeθ teγle.

41 nette siyn yesδes eryaz ellesmes yayrus, emeqqar nelmejmeε, yemmeHδef f ikraεen nyesuwε imelges bac e yaδef elHuces, 42 εlexaTer γers tefruwxθ icθ elεemres eθnac nesne, εuddi eθjaf. unette maci γaSrent leεbaδ.

49 unette iδukke, yuseδ emersal seg emeqqar nelmejmeε yen: «yelliyx eθjaf muc lazem eθqelqeδ imuεellem.» 50 yesl yesuwε, yennes yyayrus: «eθukδec! emmen berk uture eθemneε yelliyx.» 51 max i yiweD yelHuwc, elyedjiyc leεbaδ eθeδfen, kan δbuTrus dyuwHenna dyeεquwb ddaddes ntefruwxθ dyemmes. 52 leεbaδ elkul kanen tεeyĎen unedben f tefruwxθ. yennasen: «eθεeyĎemc, tefruwxθ eltjafc, emme tenεes.» 53 eSSen f elles, εlexaTer kanen essenen elli netteθ eθjaf. 54 yeTTef tefruwxtdiyn seg wefuses izeεweg felles: «ekker eθefruwxθ!» 55 teδwles erruHes tekker g elweqθes, yennasen ettessečen. 56 esθeγerben midnes, iweSSaθen bac e lHekken yHette Hed elli ySar.

37 yekker aDu yeqwe egget yebδe elmuwj yettewweθ g elfluwkeθ εuddi δettiεebbe. 38 yesuwε ykan yenεes s δeffer wixfes f elmxeddeθ. sikrent ennanes: «eyimuεellem, mayhemmekc elli δenjaf?» 39 yekker yenzer f waDu yennes yiylel: «erkeH! eqqiym rayeD!» yenεes aDu tehδe eddunyeθ. 40 yen yesuwε yetlemδas: «ecbiykum ettekkaδem? eltuciym ettemnemc?» 41 emme nihnin kanen merεubiyn egget, ennen ibeεDhum: «δ wiyn wahen? Hette δaDu diylel sellen g edwiys!»

35 max i yeδwel meεεač bekri, useδnes etlemδas ennanes: «wahen δemxan δelxali, w elweqθ meεεač bekri. 36 ezenten erewHen yeswani ettimuwre bac e sγen δme δečen.» 37 yer fellasen yesuwε: «ucmasen δxenyum δme δečen.» ennanes: «s meniys? yelzemne tmaliθ* bac e nged essenneγ mat δečen?» 38 yennasen yesuwε: «menyeθ iγerwem ettineεne? berreθ erqbeθ.» max i reqben elli γer-sen, ennanes: «xemse ettineεne dsent ettiHwiyθin.» 39 yennasen esgeεmzen leεbaδ δeljmaεeθ δeljmaεeθ f elHec eziyzew. 40 eqqiymen δleSfuwf δleSfuwf, δiysen egli nmiyye uδiysen egli exxemsiyn. 41 ubeεδ yawi yesuwε xemsediyn ettineεne dsentediyn ntiHwiyθin yqam tiTTewines yesme, ybarex, ykesser tineεne yezlasen yetlemδas bac e ferqen f leεbaδ, yzuwn sentadiyn ntiHwiyθin fellasen elkul. 42 ečen elkulhum elδecebεen. 43 usiyn qamen eθnac ettisiyfes εebbaneθ δeleεqab nweγrum etteHwiyθin. 44 ukanen elli ečiyn seg tineεne εuddi xemse laf rajel.

48 yezer yesuwε elli etlemδas etεanen g ujeddef εlexaTer aDu ykan yεerreD δiysen. yesδasen qebl elfjer yegguwr f iylel, ykan εuddi δenyesbeq. 49 max i θezriyn yegguwr f iylel etteεlakent δelxyal zeεwgen, 50 εlexaTer zrint elkul emmerεben. yemenni elweqθes yuθleyasen yennasen: «etemmerεbemc, eθhenneθ enneč!» 51 yelyasen g elfluwkeθ, yehδe aDu. eqqiymen Heyriyn egget,

yesuwε eyceč erbεe laf rajel

1 g liyyametdiyn, max i mlaymen leεbaδ egget elmerreθ xlaf, welγer-senc δme δečen, inabe yesuwε etlemδas yennasen: 2 «ecfeqe f leεbaδe, εlexaTer γer-sen iyδi tlaθe eyyam wellečiyn Hette cey. 3 ukan uznaθen yleHwecensen unihnin zuwmen, δeεyan uggebriδ, uδiysen leεbaδ useδen seg lebεiyδ.» 4 erren f elles etlemδas: «max eyged iyjen eyeccecbeε leεbaδe elkul eseγrum dahen g elxle?» 5 yenceδten: «menyeθ iγerwem ettineεne?» ennen: «sebεe.» 6 yennasen yleεbaδ egeεmzen f elqeεεeθ, yeTTef sebεediyn ntineεne yecxer ykesserθent yuciyneθ yetlemδas bac e ntferqen fellasen, ferqentent. 7 ukanen γer-sen zade lewse ntiHwiyθin ettimezyanin, ibarex δiysneθ yesuwε yennasen yetlemδas entferqen Hette ennihenti. 8 ečen leεbaδ elδecebεen, laymen seg elli yefDel eyεebbe sebεe ettisiyfes. 9 kanen εuddi erbεe laf rajel, yezenten rewHen.

yesuwε eyelεen temečiyθ

12 umax i fγen elweječe seg biytεenya yHus s elez. 13 yezer seg lebεiyδ temečiyθ δiys tifray, yexDmes balek ayef δiys Haje. max i tyiweD elyuwfi δiys kan ettifray, εlexaTer elyuwc muc δelweqθ nimečan. 14 yennes: «meεεač eyeč Hette Hed imečan essim.» eslen etlemδas elli yenni.

edders ntemečiyθ

20 max i θεedden esyiyn g talji, zriyn temečiyθ teqquwr seg leεruwqes. 21 yesfekker buTrus edwi nyesuwε yennes: «erqeb, ya siydiy! temečiyθ elli telεnetteθ teqquwr.» 22 yennasen yesuwε: «emneθ s rebbi. 23 exennenne elHeq, elli esyen yeddehreθe, <ekker temmeĎrHeδ g iylel.> unette g ules yečukkec uyettemmen elli yeqqar δiys δeySar, eyeδwel siyn ynette. 24 utay δexennenne: elli etteDelbem g eθzalliθennum, emneθ elli tiwyemt uture eyeδwel yxenyum. 25 umax eθekrem yeθzalliθ samHeθ elli γerwem felles Haje, bac e xenysameH daddeθwem elli lennej zade g elli θegiymt.

yesuwε yetnabe g etlamδe iglewlen

1 max i mlemδen felles leεbaδ elkul exsen eslen tufleyθ nrebbi, ykan yesuwε ibed g ecceT niylel njenniysaret. 2 unette siyn, yezre sent ettiflak bedneθ g eccafeθ niylel wiSeyyaδen elberre esseraδen g elmeεεuwn nuSθaδi. 3 yerkeb yesuwε g tefluwkθ nsemεan buTrus yennes: «aδef ywemmes niylel.» welbeεδ yeqqiym f elHerf ntefluwkθ yebδe yetseqre g leεbaδdiyn diyn. 4 max i ykemmel s edwiys yennayes ysemεan: «erni aδef yelγriyq niylel. teHδfem eccebkeθewwem bac e θeSθaδem.» 5 yerrayes semεan yennes: «ha imuεellem, rahu δeggiyδ elkul unečin netjaheδ yemenni wenneSθeδ cey f elxaĎer ntufleyθex taye δage max i θenniyδ.» 6 max i δuwγin s erreyes eSθaδen elHuwθ elmi tebδe eccebkeθensen δetemmenkeδ.» 7 elweqθes uman yiSHibnensen g tefluwkθ tissent bac e ddasen usinc entεawnen. esδen εebben tiflak lessentiyn elmi bδaneθ δeγreqneθ. 8 max i yezre semεan buTrus elxiyrdiyn elkul yerkeε f ifednes ezzaθ nyesuwε yennes: «ebεeδ felle ha siydiy, lexaTer eγleĎe egget.» 9 eqqiymen imewnensen miyren nette delli iyδes, 10 zade idrari nzebedi yeεquwb dyuwHenna icriyxen nsemεan lexaTer eSθaδen elHuwθ egget. elweqθes yenne yesuwε ysemεan: «eθukδec, seg ture δeθeδewleδ etteγδeδ leεbaδ yrebbi max i tteγδeδ g elHuwθ s iylel.» 11 max i δiweDneθ tiflak lessentiyn yelber, edjin kul cey δefrensen eθbεen yesuwε.

yesuwε eyhedde elεaSfeθ

22 yelle as yini yesuwε g elfluwkeθ wiyδes etlemδas, yennasen: «heyyeθ, eneqDeε yeccafeθ tisent.» ebδen δeqeĎεen. 23 yenεes yesuwε uθuyuwr essisen tefluwkθ. yenfex aDu yeqwe yebδe amen εuddi δeεebben elfluwkeθ, eδwlen g elxTer. 24 eqerben etlamδe yyesuwε sikrent ennanes: «eyimuεellem! eyimuεellem! εuddi δenjaf!» yekker yenzer f waDu dlemwaj esegren teδwel eddunyeθ siyn tesger. 25 yennasen yesuwε: «mani emmanenum?» ukδen esθeγrben, ennen ibeεDhum: «δ wiyn wahen? yetweSSe Hette g waDu delmuwj usellen g edwiys.»

yesuwε eyhedde elεaSfeθ

22 yelle as yini yesuwε g elfluwkeθ wiyδes etlemδas, yennasen: «heyyeθ, eneqDeε yeccafeθ tisent.» ebδen δeqeĎεen. 23 yenεes yesuwε uθuyuwr essisen tefluwkθ. yenfex aDu yeqwe yebδe amen εuddi δeεebben elfluwkeθ, eδwlen g elxTer. 24 eqerben etlamδe yyesuwε sikrent ennanes: «eyimuεellem! eyimuεellem! εuddi δenjaf!» yekker yenzer f waDu dlemwaj esegren teδwel eddunyeθ siyn tesger. 25 yennasen yesuwε: «mani emmanenum?» ukδen esθeγrben, ennen ibeεDhum: «δ wiyn wahen? yetweSSe Hette g waDu delmuwj usellen g edwiys.»

egelleb necyaĎen dweγraq nixenziyren

26 ewDen yetwali ecciyreθ nijerrasiyyen, δimqabel ecceT neljliyl.

12 tebδe tefuwθ etteggez, eqrebnes etlamδe leθnac ennanes: «azen leεbaδe bac e xeDmen ytimuwre dijiyman elli qreben, eneεsen diyn efen δmette δečen, εlexaTer nečin g elxle.» 13 yer fellasen: «ucmasen xenyum bac e čen.» ennen: «γenne kan xemse ettineεne dsent ettiHwiyθin, ukan texseδ enexDem nesγ eče yleεbaδe elkul.» 14 kanen εuddi xemse laf rajel. yen yesuwε yetlemδas: «esgeεmzenten ettikučaθin ettikučaθin, kul icθ δiys xemsiyn.» 15 esgeεmzenten emmax i senyenne. 16 yeTTef tineεnediyn dsentediyn ntiHwiyθin yqam tiTTewines lennej ibarex δiysen ikesserθen yuwcin yetlemδas bac e nferqen f leεbaδ elkul. 17 ečen elkulhum elδecebεen, laymen etlamδe eθnac ettisiyfes seg elli yefDel.

23 elweqθes ykan g elmejmeε eryaz δiys erruwH temenzuwsθ, yebδe yetzeεweg: 24 «ac ihemmek δiyne, eyesuwε ennaSriy? endre tuseδeδ bac e xentehlxeδ? neč essene δ wiyn cex, eqedduws nrebbi!» 25 yenzer felles yesuwε yennes: «esger, tefγeδ seg weryaz!» 26 tessender erruwH temenzuwsθ eryazdiyn. izeεweg etzeεwiygeθ temeqqarθ teffeγ essis.

egelleb nlerwaH imenzas dweγraq nixenziyren

1 ewDen yeccafeθ tissent niylel neljliyl, g ecciyreθ nijerrasiyyen. 2 max i yeggez seg elfluwkeθ yeεreDt eryaz yeffeγ seg tejebbent, weθkan δiys erruwH temenzuwsθ. 3 w ykan iεemmer diyn weliged Hed eθyeqqen Hette s esselsleθ. 4 menyeθ nmerre eθeqnen g imne deslasel yemenni ykan diyme inekkeD g imne uyetkesser g eslasel weliged Hed eθyeTTef. 5 w ykan δeggiyδ ddugges g tijebbanin dedhari, yetzeεweg uyečelleH yečeθ g imenes s elkurδ. 6 max i yezre yesuwε seg lebεiyδ, yuzzel yetweliys yesjδes, 7 izeεweg: «ecihemmek δiyye yesuwε memmis nrebbi elεali? eθjul eyetεeδbec.» 8 εlexaTer yesuwε yennayes: «eyerruwH temenzuwsθ effeγ seg weryaze!» 9 yenceδt yesuwε: «max ellesmex?» yer felles: «ellesmiyw eljiyc, εlexaTer nečin egget.» 10 imelges egget yyesuwε bac yetgellebc essis lerwaH timenzas elberre necciyrettin. 11 w ykan yelle eccebεeθ δixenziyren retεen yetwali eddehreθ. 12 mellegneθ lerwaH timenzas yyesuwε ennentes: «eznane yixenziyrendiyn bac e naδef δiysen.» 13 yedjiyneθ. effeγneθ lerwaH timenzas eδefneθ g ixenziyren. exeDmen ettezlen seg tiwni yiylel, w ykan elεδeδensen εuddi elfiyn, eγerqen δiys.

14 erwlen iniylten encren elxber g temuwreθ dijiyman, efγen leεbaδ bac e reqben δme iyejre.

11 emme xenyum teqqarem, <iδekan iyjen γer-s mat eyεawen essis daddes dyemmes, yemenni esenyen wah δelqurban (meεnahe yrebbi)> 12 yemεafe seg eεawen ndaddes dyemmes, 13 usahen eθkesrem edwi nrebbi s elεaδeθ elli twerθem δiysneθ, wellaneθ elHajeθ egget xlaf emtah ettegem δiysneθ.»

mat eyenjes bnaδem

14 inabe etweliys leεbaδ elmerreθ xlaf yennasen: «eslmiyδ elkul tefhemmiyδ: 15 leHebbe Hette cey eyaδef g elεebδ s berre usiyn eθyenjes. emme elli eyeffeγ seg elεebδ ennette elli δeθyenjes.

eliman ntemeTTuwθ θekenεaniθ

24 yexDem esyiyn yetwali ecciyreθ nSuwr. yaδef elHuwc, w ykan eliγic eyesl essis Hette Hed, yaxi eligeddec eyeHrez imenes. 25 eθkan telle temeTTuwθ γer-s yelliys δiys erruwH ettemenzuwsθ. max i θesle essis texDmes ettezzel tneggez f ikreεn-es, 26 tennes eyessuwfeγ ecciyĎan seg yelliys. weθkan temeTTuwθe muc ettuδayθ, ettesuwriθ ettefiniyqiθ. 27 yer felles yesuwε: «edj idrari ecebεen qebl, mayjiyc eθekseδ eγrum yidrari tuwcet yeyDan.» 28 ter felles: «SHiyH ya, siydiy, Hette δeyDan tetten seg elεqab nidrari seddu eTTawleθ!» 29 yennes: «berre, f elxaĎer nedwiym wahen yeffeγ ecciyĎan seg yelliym.» 30 teδwel temeTTuwtdiyn yelHuces, taf yelliys f esriyr wecciyĎan yeffeγ essis.

17 yer felles eryaz essisen: «ya siydiy, uγeδγex memmi εlexaTer δiys erruwH ettemenzuwsθ ettedjaθ δebekkuwc, 18 umax etteTTef, ettessender, yeg tixecxac yreSSe isennuqnes yemmekbes. mellegγasen yetlemδax eθgelben yaxi elgeddenc.» 19 yer fellasen: «eyeljiyl elli liθemmenc, ellemmi δeqqiyme iyδwem? ellemmi δexenneHmle? eγeδmiyδ efruwx.» 20 eγeδnesθ yyesuwε. max i ttezre erruwH temenzuwsθ elweqθes tessenderθ f elqeεεeθ, yetmerreγ utixecxac etteffeγneθ seg imiys. 21 yenceδ yesuwε daddes nwefruwx: «seg lemmi elHeltes sahen?» yennes: «seg max δemezyen. 22 umenyeθ nmerre etlewweH g elεafyeθ ziyγ uggamen bac e ttenγ. kan eθgeddeδ eθegeδ Haje esxef fellane tεewendane.» 23 yennes yesuwε: «imat teqqarδiyδ kan eθgeddeδ. emmen εlexaTer rebbi yetged eyeg kul cey yimuwmnen.» 24 elweqθes izeεweg daddes nwefruwx: «ettemne, εawniyδ bac e rniyye!» 25 yezer yesuwε elli leεbaδ ettemleyamen, yenzer f erruwH temenzuwsθ yennes: «eyerruwH tileĎrecθ tebekkuwcθ! enniyγem effeγ seg wefruwx umeεεač esθeδwleδ xlaf.» 26 θzeεweg erruwH temenzuwsθ texbeĎ efruwx elxebĎeθ teqwe teffeγ essis, yeδwel efruwxdiyn eminemmitte, elennen leεbaδ egget: «yjaf.» 27 yeTTefθ yesuwε seg wefuses yessikkerθ, yekker ibed.

ebre ntewessarθ nbuTrus

38 max i yekker s ezzaθ nleεbaδdiyn, yemreq yelHuwc nsemεan. elweqθes eĎlben essis δeysebre yemmes nliwec nsemεan lexaTer netteθ eθkan etmaDunt egget s esxaneθ. 39 ibed ezzaθ numeTreHes, yeg sah <ibeεεeδ felles esxenetdiyn>. yemreq eTTen felles, tekker netteθ eθxeddem δiysen.

27 max i yeggez yesuwε yelqeεεeθ yeεreDti eryaz seg θemuwreθ δiys ecyaĎen w ykan elyiriyDc edbac seg bekri, weliεemmerc g elHuwc, emme mabiyn iniylen. 28 max i yezre yesuwε, izeεweg yemmeHδef f ikreεnes yen s elquwweθ neSSuθes: «ac ihemmek δiyye eyesuwε emmiys nrebbi eεellay! exmelge eyeθεeδbec.» 29 yenne wahen εlexaTer yesuwε yennayes yerruwH temenzuwsθ eθeffeγ seg eryaz. w ykan diyme etteθmellaxi erruwH temenzuwsθ usiyn ebδen leεbaδ δeθeTfen bac e θeqnen s eslasel dimne, emme ykan diyme inekkeD g imne usiyn eθisuq ecciyĎan yelxle. 30 yenceδt yesuwε: «max ellesmex?» yer felles: «eljiyc.» εlexaTer uδefen δiys ecyaĎen egget. 31 mellegnes yyesuwε bac e nyetgellebc yiddar. 32 elweqθes kanen ellan eccebεeθ δiHellef retεen g eddehreθ, cawrent bac e θeδfen δiysen, yedjiyn. 33 efγen ecyaĎen seg eryaz eδfen g iHellaf, erwlen iHellaf ettezlen seg iddar yelγδiyr eγerqen diyn. 34 max i zriyn iniylten elli ySar, erwelen encren elxber g lemden ettimuwre. 35 efγen leεbaδ bac e reqben δmette iySar. esδen yyesuwε, efen eryaz elli effeγen essis ecyaĎen ygeεmez yetwali ikraεεen nyesuwε, yireD, δelεaqel, ukδen.

27 exennenne elHeq: yelle essiywem δ wiyn elyetjafc kan eyzer elmemlxeθ nrebbi.»

eθjelle

28 beεεeδ edwiye s eθmenye eyyam yesuwε yiwi iyδes buTrus dyuwHenna dyeεquwb yali yeddehreθ bac e yezzal. 29 unette yetzalle yembeddel uδmes eδwlen edbeces δimellalen lemεen. 30 ebδen sen δiryazen dukken yyesuwε, muwse diliyya, 31 elli effeγen g elmejδ ebδen dukken max yelzem eyjaf yesuwε g uwrceliym bac e θekmel elquδreθ nrebbi.

32 buTrus deSSuHHabes yeγlebθen enuddem, emme faqen ezren elmejδes diryazen elli bedden iyδes. 33 qebl eθedjen exeDmen yennayes buTrus: «imuεellem, mesmeH eqqiymi iyδex. edj eneg tlaθe ettiĎelliylin, icθ icex wicθ ymuwse wicθ yiliyya.» ykan elyessiync δmette iyeqqar.

38 izeεweg eryaz essisen: «imuεellem, erqeb memmi elli γeri kan ennette, 39 etteθmellaxi erruwH ettemenzuwsθ s etzeεwiygeθ teεle, usiyn ettessender elδayeg tixecxuwcin, wettetseyyeb kan ettesseεye tedji δimreDreD. 40 enγasen yetlemδax eθgelben yaxi elgeddenc ettessuwfγen.» 41 yer fellasen yesuwε: «melle δeljiyl δelfaseδ elyettemmenc! ellemmi δeqqiyme iyδwem? usinc eSebre fellawem? eγeδ memmiyx eldahen.» 42 max i yebδe efruwxdiyn yqerreb yyesuwε, yeSreεθ ecciyĎan yessenderθ. yenzer felles yesuwε, teffeγ erruwH temenzuwsθ yebre efruwxdiyn yuwci ydaddes. 43 esθeγerben elli HeDren elkul seg elquδreθ nrebbi temeqqarθ. unihnin δimesθeγerben seg elli yegi yesuwε, elweqθes yenne yetlemδas:

yesuwε δbeεlzbuwl

14 w ykan yetgelleb g ecciyĎan δebekkuwc. max i yeffeγ ecciyĎan yuθley eryaz, esθeγerben leεbaδ.

50 yewweθ iyjen essisen exeddam nerrayes nelkuhhan yquS θemedjiyθ nelimiyn. 51 yemenni yer yesuwε: «meεεač eθerniyyem!» ilemses θemedjiθes tebre.

24 max i xeDmen imersal nyuwHenna, yeHkeyasen yesuwε yleεbaδ felles, yen: «δmette iθefγem treqbem g elxle? γeniym yettawi δiys aDu? 25 δmette iθefγem δeθerqbem? eryaz yireD edbac e rĎeben? emme elli raDen edbac bhan ettedren g leqSuwr nlemluwk! 26 enmiyδ: δmette iθefγem treqbem? enbi? exennenne: mbelHeq, uxiyr nenbi. 27 nette δemersal elli yemmari g elxθab: tay δeθezne emerseliyw ezzeθex bac e xyged ebriδex. 28 exennenne: elwacun elliriwnec maxiyr nyuwHenna, emme emezyen nelli g elmelx nrebbi xires. 29 welli sliyn yuwHenna elkul Hette δelli etleyamen g lefluws s leεbaδ y elHakem, Sedqen rebbi, eqeblen temeεmuwdiyyeθ nyuwHenna. 30 emme elHezb nifarisiyyen dimuεelmen necceriyεeθ elleqbilenc elli yexsesent rebbi, welleθεemdenc f ifesnes.»