28 Ɔzhizɔsi e yitu te a mbwa apula lɛɛbi ma-a, akwɛyi kwuwongu kaa iso iyi Ukpo li nyɔlɔma, Ɔzhizɔsi a zɔ te, <<Ugbembi u wo mi mo.>> 29 Ogya uwu embyi umba iwuma ba e shi kɛlɛ mɔmɔ, akwɛyi o lo amegbere mɛmi mba, o lo ngwu mu kwuwɛyi ungwu amegbere, akwɛyi o yi ngwu mo o ka ngwa kɛlɛ mbaa kenzu unga Ɔzhizɔsi. 30 Kwuye ngwu bɔkɔ a na embyi mbamba ma, akwɛyi Ɔzhizɔsi a zɔ te, <<I bo mo-o.>> Tabɔkɔ e so tayi, akwɛyi e le reshi mo akwɛyi a ta kwunyɔ ma.

23 Kwuye ungwu asozha ba o kpa Ɔzhizɔsi mu kwuwɛyi awu, o lu wu ɛriga ma, o ka yi ma yɛyɛ ikpendo, onzonzu mbo e to kwuko kwukpɛnyi. O to ɔmu wu ma tete, ekpayi ɛlɛ o gbɔ yi ma mo, o yi kwuko kwukpɛnyi ma wɔ mu kadu nzhii ba mɛzhi.

24 O so mbala esu te, <<La ki tara yi ma mo>> <<La ki fu ovotu kaa la ki ma onzu uwu bɔkɔ a fya kaa lakwu iyawu.>>

Ɛlɛ i wo te kaa iso iyi Ukpo li nyɔlɔma iyi bi zɔ te,

<<O ka ekpayi mi ma laa esu

akwɛyi o wo ovotu iyi ekpayi mi.>>

Ɛlɛ gba akwu kiya ingyi asozha o wo le.

25 Anyi uwu Ɔzhizɔsi a rima kɛlɛ mba kwuwɛyi ungwu lukwu, mbala ɔtumanyi uwu Ɔzhizɔsi, Omeri oko uwu Okilopasi mbala Omeri Omagadali. 26 Kwuye ungwu bɔkɔ Ɔzhizɔsi a ma anyi wu mɔmɔ mbala u vɔngɔ kiya wu uwu bɔkɔ e pwu idɛnyi wu awu a rima kɛlɛ mɔmɔ, akwɛyi a za la anyi wu te, <<Okokpayi, yese, umɛ ŋɔ a ŋɔ le>> 27 akwɛyi a za la u vɔngɔ kiya awu te, <<Ɛnɛ ŋɔ a ŋɔ le.>> I na mu kwuye kwɔngu ishekeyi, u vɔngɔ kiya awu e to wu mo a ka wa mogba wu.

33 Kwuye ungwu o bo mu kizɛ ingyi o ya ngyi tee <<Kwukɔgɔ ungwu reshi,>> mɔmɔ gba o kpa Ɔzhizɔsi iba mu kwuwɛyi le, mbala enzu umbira wepo mbamba, ukpɛnyi mu kwuwo ungwungyi wu, uwufo ba mu kwuwo ungwɔzu wu. 34 Akwɛyi Ɔzhizɔsi a zɔ tee, <<Ada, gbayi kaa kpa mba! Moo o yitu iyi kiya ingyi bɔkɔ o yi mu iwomo mo.>>

O kwɛpa akwɛyi o ka ɛriga wu ma mbala esu. 35 Enzu o rima mu iyesemo, watokeyi umba Azhu ba o wo wu ɛnɛ, o zɔ tee, <<A sa enzu umbafo ma; la sa ɛnwu ma ŋanɛ kaa la ki ma gba akwu Omezaya ngboro uwu bɔkɔ Ukpo a ŋa!>>

36 Asozha tete o wo wu ɛnɛ: o bo munyi wu akwɛyi o shi wu owanyi uwu iwuma, 37 akwɛyi o za wu tee, <<Gba ŋɔ kwu ɔsu uwu Azhu ngboro, de ba sa ɛŋɔ ma ŋanɛ!>>

38 O ka ɛzu o kpa mu kadu wu tee: <<Ele gba akwu ɔsu uwu Azhu le.>>

39 Ukpenyi meka iyi enzu umbira umba bɔkɔ o kpa mba mu kwuwɛyi ungwu lukwu awu a kpa wu ari a za wu tee: <<Akwu ŋɔ gba ŋɔ kwu Omezaya le mo re? Sa ɛŋɔ ma nɛ kaa sa nzu ma tete!>>

40 Onzu uwopo wu ba a kpa wu ɛyi, a za wu tee, <<Ŋɔ riyi iyi Ukpo moo?>> Kwuwongwu rinye ŋɔ ri yi kya mbala ingya wu le gba ŋɔ kpawu ari le? 41 O lo nzu inyashi kwuwongu kiya ingyira ingyi ki wo. Onzu ele ba e wo kiya ingyira kikpikpɛnyi mo.>>

42 Akwɛyi a za laa <<Ɔzhizɔsi tee, <<Lolo mbaa mi kwuyengwu bɔkɔ ŋɔ bi ŋɔma mu ɛsu irimo ŋɔ!>>

43 Ɔzhizɔsi a gba wu opwu tee, <<Ongbulolo gba mi so ŋɔ le tee, ɔnɛnɛ ŋɔ yi mbala mi mu Oparadasi.>>

33 Kwuye ungwu ɔnɔnda ipu i kpo mɛzhi munamuna nzhii so mu kwuyengwu ekerepe ela. 34 Akwɛyi kwuye ugu ekerepe ela Ɔzhizɔsi e lo oga mu opwu uwɔkuu te, <<Ɛlɔyi, Ɛlɔyi, lama sabatani?>> iyi bɔkɔ o lu yi te, <<Ukpo mi, Ukpo mi, I wo te ŋɔ lu mi afyima te?>>

51 Mu kwotota kwɔngu okpayi uwu bɔkɔ e se kenzugwu unga Ɔtɛpu ma a tarama epo i wɔ mu kadu nzhii ba mu undu. Ɛzhi i wo akpa, ekyi i tarama, 52 agariwu i wuma akwɛyi enzu umba Ukpo riba umba bɔkɔ o kpomo, o yi mbo laa reyi. 53 O wɔ kwudu mu agariwu, akwɛyi mizhikembo iyi iyimo iyi Ɔzhizɔsi, o fye mu Kwuse kwɔ Kɛrikɛri, enzu riba o ma mba.

54 Kwuye ungwu bɔkɔ u to keyi uwu asozha mbala umba bɔkɔ o yi mbala wu mu Ɔzhizɔsi igboshimo o ma te ɛzhi i wo akpa mbala ingyi ri wo lɛɛbi, o wiyi akwɛyi o zɔ tee, <<Ele akwu Umɛ uwu Ukpo kego!>>

13 Idɛnyi iyi i ka ɛlɛ ma i yi mo, tee onzu ee shi kwunyɔ wu kwuwongu umɛza wu.

16 Moo Ukpo e pwu idɛnyi iyi kwudu kwɔlɛ gyɔɔ akwɛyi e shi Umɛ wu ɛnyi te kaa onzu uwunawuna uwu akwu idu wu e fulo ma wu e kpɛdɔma mo, uwu ba aa fya kwunyɔ ungwu ɔkpɔɔ.

10 Kinzu ki kwu agewa umba Ukpo mekyi, tetete e wo nzu ki kwu enzu ɛmɛza wu kwuwongu lukwu undu Umɛ wu. Kekelele bɔkɔ ki kwu ɛmɛza umba Ukpo ŋa le, uwu a sa nzu ma mu Okrasi!

16 Okrasi e kpomo kwuwo nzu, mu ɛlɛ gba ki yitu iyi idɛnyi le. Kinzu ba i fa te kaa la ki kpomo kwuwongu ɛmanyi nzu tete.

2 Okrasi awu mafyi wu gba akwu ɔgwuzɛ uwu bɔkɔ ingbomo nzu o gba yi o kpa nzu le, akwu ingbomo nzu kɛɛkyi mo, ingbomo iyi uwewe tete.

8 Tabɔkɔ e yi mu ɛnwu iyi onzu awu, a gyi ɛnwu ma akwɛyi e lomo nzhii ba lukwu wu,

E kpomo mu kwuwɛyi ungwu lukwu.

9 Moo ki yitu te Ukpo e yi Okrasi mo mu lukwu-o, a gba e kpomo fo - lukwu lu yi ekpasu ma wu fo. 10 Lukwu undu Okrasi e kpomo le, e kpomo kwuwongu ka la mu ekpasu iyi ingbomo izhi ikpɛnyi. Iyimo wu kekelele ba e yi laa Ukpo kɛɛkyi.

3 Naa lu yitu tee kinzu umba bɔkɔ o wo nzu obatisima mu Okrasi Ɔzhizɔsi awu, o wo nzu obatisima ikyo mu lukwu wu tete mo re? 4 O pwu nzu mo mbala wu i zɛ mu obatisima akwɛyi ki kyo mu lukwu wu, kyamate bɔkɔ o yi Okrasi moo mu lukwu i zɛ mu inzumbɛku iyi Ada awu, kaa la ki zɛ luzɛ undepo.

27 Onzu uwunawuna e kpomo izhɛnyi, mizhikembo iyi ɛnyi akwɛyi Ukpo ee fu wu ombu. 28 Tatayi Okrasi tete a ra lɛnwu wu e wo isabɔ izhɛnyi kaa le to ingbomo iyi enzu gyɔɔ ma le. Aa gba a nyɔ ungwopo, akwu tee kaa le to ingbomo ma mo, ba a nyɔ kaa la sa enzu umba bɔkɔ o rigbo wu awu ma.

22 <<Enzu umba Izirɛ, la lu ngbɛ alu kaa lu pwa iso ɛlɛ: Ɔzhizɔsi uwu Ɔnazarɛti akwu onzu uwu Ukpo a nyama la wu, uwu a lɔ wu la amɛ mbala apula iyi kenzu iyama mbala lɔzɔ iyi Ukpo e wo meka yi, iyi i zɛ mu kwuwo wu mate bɔkɔ lu yitu awu. 23 Ɔzhizɔsi ele Ukpo a lu wu afyima e shi yi mu iyitu iyi keyi wu mbala inyama wu; akwɛyi lu kpakyaa mbala enzu umba ira lu bɔ wu iba lu ngbɛ wu ma. 24 Ukpo ba a gba la Ɔzhizɔsi iyimo mu kwuvɔ, a wawu ma mu inyashi iyi lukwu, kwongwu lukwu lu do wu irima mo.

11 Ɔzhizɔsi a zɔ te<<Imi gba mi kwu u gbo ilɔ shɛ le. U gbo ilɔ aa nyama ka le kpomo kwuwongu ilɔ wu.

26 Moo kwuyengwunanguna ungwu bɔkɔ lu ri kwoburedi kwɔlɛ lu gba lu wo embyi umba ago mbɔlɛ, i zɔ tee lu yi mu anu itama iyi lukwu undu Ɔkwu nzhii ba a gbama.