Morte de Jesus
A morte de Jesus é o sacrifício supremo do amor de Deus. Na cruz, o Cordeiro de Deus carregou os pecados do mundo, satisfez a justiça divina e abriu o caminho da salvação para todos.
O sacrifício na cruz
Jesus disse: 'Está consumado!' Na cruz, Ele cumpriu toda a lei, pagou o preço do pecado e reconciliou a humanidade com Deus.
Yesu shina nkye su gama guru mbo, nja de takada Mirikisi e sika, Yesu nkye, <<Na bila de Ni sha riki.>> Anya ni gwala daa de mani riki inebi de musha, se su juku soso a siki yi, su sa soso a siki gwala ntasi, su sa Yesu nshi a baki. De Yesu sha riki inebi de musha mu nkye, <<Eya!>>
Se Yesu sonka nkiya yi e beyi Aworo yi se e muntu.
De shoja gama gidiri Yesu, su la rigye yi laba keshi wuru, kowoni shoja la kunji daa, ni riga daa ni siki de su dunki yi ba dololo dege bisi zo a kisi.
Su gye nkiya su nkye, <<kede mu saga e yi ba,>><<Bila de mu yi kuriya de mu geni nsude yaa ma na yi.>>
Yomu paru na de e sika mbode takada Mirikisi pala nkye,
<<Su laba riga na a sisika asu
Su yi kuriya sobon keyi na.>>
Mbode shoja su yi aka.
A keteri ni gidiri amaa ni Yesu, nja yayiwa ni amaa e yi, Meremu mata ni Kilobas nja Meremu dege Magadaliya. De Yesu geni amaa e yi, nja yayagizi de yaa so sakisi anya ni, Yesu gye amaa e yi nkye, <<Mase, Yaa ke naka,>> Yesu gye yayagizi ni nkye, <<Amaa ke aka.>> Dege kwanki ni, yayagizi Yesu ni la amaa ni Yesu ta a gizi yi.
De su zo anya de sua sukwa yi kwankwa kiya, anya ni su gidiri Yesu, nja nsu lepi bi mu daa ma a nani dama daa ma a nani guni. Se Yesu nkye, <<Adaa na yape su, sobon su shina mbode su ma yi ba.>> Se su laba riga yi ba nkiasu de su kutiri kuriya
Ntani sakisi su ma kone yi, toree geri su yi siya. Su nkye <<E sila worosu; bila de e sila nkiya yi nde e shi na ma kiristi de Mirikisi zabi.>>
shoja ma su zo yi siya. Su ma mika yi riki ni inebi de musha Su ma nkye,<<Nde ki ma seleki Yawudawa, sila kiya ke.>> A bisi kiya yi su rubuta, karatu nkye,<<DAMU NA MA SELEKI YAWUDAWA>>
daa siki nsu lepi de su gidiri yi nja Yesu, yi Yesu beta nene nkye: <<Eke na ki ma kiristi bo? sila kiya ke nja mu maana!>>
Sede nseminji ni bi kwabe yi nkye, <<ka yi womba Mirikisi bo? >> <<Eke de ki sa mu poro lepi kyakya na yi? Omu de kyakya na su yi mu, Sobon mu ma keleba nani wuta mbode mu yi na. Sede yaa minji mu yi lepi mbodaa ba.>>
Se nkye,<<Yesu turunwa ni, nde ki zo kingbolo solota ake.
Yesu keleba yi nkye, <<Mma gye ke gaskye yawumu ka ma nja ni a siki solota gizi bisi.
A kyakya sisika nana dopuwa ripe kesa kpataka ari keripi wuku ni nyema. De keripi wuku yi se Yesu yi kuka ni totolo murinya nkye, <<Eloi, Eloi, lama sabatana?>> woto, <<Mirikisi na, Mirikisi na, mina sa ki moshi ni yomu?>>
Se dandani labile de ma a siki laki Mirikisi laba gizi bi dege bisi ari kisi. Kisi yi mosi dunsi wokye. Su bure kumsha se nki ntani nsuseki nyowa de su muntu su dege nleyi. Su bubutu a siki kumsha asu beyi de Yesu dege a siki kumsha, se su yuru atotolo geri nsuseki, ntani nyowa geni su. a kwanki de tolense shoja ni Roma nja worosu de sua kone Yesu su geni kisi e yi mosi nja guru mbo de e paru, su zi womba, su nkye, <<Gaskye nse mu e ma Yaa ni Mirikisi na!>>
O amor que se entrega
Ninguém tem maior amor do que aquele que dá a vida pelos amigos. Deus prova seu amor em que Cristo morreu por nós quando ainda éramos pecadores.
Totolo so daa de e pi nsum e ma ba, de nsebeki e beyi leyi e yi sobon oboki e yi.
<<Sobon so de Mirikisi yi ntani durinya mu ari e beyi Yaa yi ndandaa, sobon guru nsude yeda nja shi yaa muntu ba sede yaa mani leyi ni gbogbo.
A beyi muma oboki geba Mirikisi, sede kuzukam e samu muma oboki yi te anya muntu ni Yaa yi Yesu. Kuzukam muma oboki Mirikisi, yaa sila mu te anya leyi Kiristi!
Yomuna mu shina yiride so e ma: Yesu Kiristi beyi leyi yi sobon mu. Omu ma e ma dole na mu beyi leyi mu sobon yayuwa amu.
Yesu na muntu a kiya gidiri sobon de su yape lepi amu, ba sobon lepi amu ndandaa ba sede nzun ntani durinya guru.
E bwala kiya yi,
te turiki beyi girima
de keyi te muntu,
Muntu a kiya gidiri!
Morte e ressurreição
Jesus morreu e ressuscitou, e a morte não mais tem domínio sobre Ele. Pelo batismo, participamos de sua morte e ressurreição.
Sobon mu shina nkye tunde Kiristi dege a kumsha, yaa sakye muntu gagaba, muntu yaa mani sori a kiya e yi gagaba. Muntu de Yesu yi, lepi man sori a kiya e yi gagaba; kuzukam e meyi zunwa ni zumunshi nja Mirikisi.
Ku shina nkye guru amu de mu yi tunkwasa a siki Kiristi Yesu, mu yi tunkwasa gabada a siki a muntu yi. Sobon yomuna mu muntu te anya tunkwasa de mu yi, sobon yiride Kiristi dege a kumsha a siki dereja nsori ni Mirikisi Adaa, yomuna omu du mua mani sabuwa leyi te anya muntu yi.
Konse e ma dole na e muntu sen daa, a beyi nsum Mirikisi yaa yi shiriya, Yomuna Mirikisi munka Kiristi sedeka son daa de e la lepi ntani nyowa; Yaa kuma zo ni bi, ba yaa zo de e la lepi na ba, sede e sila ni worede sua pekye yi.
<<Oku ntani ni Izireyila, ku zi beta mu: Yesu ni Nazere e shiya ma nseminji de Mirikisi ba ku ta anya manki, ni ANKI mbo mamanki nja alama, de Mirikisi nana anya yi a siki ku, nta yiri de oku nkiya aku ku shina. Shiri Mirikisi nja yada yi na de e la Yesu ba ku; de ku kisa yi te turiki bila nsu lepi de su gidiri yi. Sede Mirikisi dege yi amuntu ema leyi, butu bila Genbeki ni muntu, sobon Mirikisi yaa taba bila de muntu e man sori keyi a kumsha ba.
Yesu nkye, <<Eni la ni ma nsukone timshiya kyakyawu. Nsukone timshiya kyakyawu nsu e yi leyi yi de muntu sobon de e sila ni timshiya yi.
Guru kwanki de kuma suku buredi mu nja sha a siki koshiya mu, kuma pala manki ni muntu Obagizi naka, ari nana de yaa zo.