Namoro e sexo
Namoro e sexo são temas que a Bíblia trata com clareza e sem tabus. Deus criou o sexo como bênção dentro do casamento e nos chama à pureza fora dele.
Pureza sexual
A vontade de Deus é a santificação. Cada um saiba controlar seu próprio corpo em santidade e honra, não na paixão do desejo.
Arrependimento e restauração
Bem-aventurado aquele cujo pecado é perdoado. Deus restaura os que se arrependem e cria neles um coração limpo e renovado.
Za ma̱za̱nga̱ a ɗa vuma na
a yuwayin gafura vu nusu va̱ yi,
za na a tawai nusu va̱ yi.
Za ma̱za̱nga̱ a ɗa vuma na
A̱sulazuva e kecei nusu va̱ yi shi,
waru u cina yi nu ulambu wa amayun shi.
Mantsa ma na koto shi
n dammai nusu va̱ shi,
n kuna̱to ta̱ aciya̱va̱
na̱ a̱bunda̱ e mesun urana ma̱ɓula̱.
Adama a na urana na ayin,
ukere wa̱ wu u ta̱ ume aciya̱va̱.
Ucira u va̱ u koto ta̱ babu usa̱n,
cine vu revei anlya o uta̱nu,
a tsu 'yewe ni irana.
Ɗaɗa n damma nuwu nusu va̱,
waru n soko nusu va̱ shi.
N damma ta̱, <<N ta damma A̱sulazuva nusu va̱.>>
A̱vu gba vu yuwaan mu gafura vu nusu va̱.
Adama o ndolo lyawa aza a na
a̱ ri no okolo a̱ɓula̱
a yuwan avasa a̱ tyo ya̱’a̱ wu,
a mantsa ma addama.
Ko na̱ shi a̱tsuma̱lima̱ a̱ 'yon
cine vu revei mini ma̱ gbain
ma na ma̱ ri a mmalu,
waa rawa uba̱ta̱ ule shi.
Vu za̱’wa̱ nusu va̱ suru,
vu ka̱mba̱to mu cece
diga o unusu u va̱!
Adama a na n tu urevu na̱ nusu va̱,
waru unusu u va̱ u ta̱
a̱ ma̱ka̱ka̱n ma̱ va̱ kuci.
A̱vu ɗa goon n yuwayin unusu,
n yuwan ta̱ iwuya e esu a̱ wu,
na wo o’woi vu tsu yuwan ta̱ mejege o uge’etosu wa̱ wu,
ugana u na vu paɗai wuntsaa ta̱.
Vu za̱’wa̱ mu na̱ hiso,
n to o’wo cece!
Vu za̱’wa̱ mu diga o unusu u va̱,
reve mo o’wo puwu hali n la’a tsikilu.
Vu zuwa mu n yuwan ma̱za̱nga̱ na̱ mere,
vu zuwa etele a na vu kuɗai a yuwan ma̱za̱nga̱.
Vu tawa nusu va̱,
reve vu tasa nusu va̱ suru.
A̱sula̱, vu rumaa mu okolo e cece,
a̱vu vu zuwaa mu wuma u sa’avu u tsutoni.
She vu gba̱ra̱ mu a̱ ma̱ka̱ka̱n ma̱ wu wan,
ko vu tawa Ruhu va Akiza a̱ wu a̱a̱tsuma̱ a̱ va̱.
Vu ka̱mbuwa̱a̱ mu na̱ ma̱za̱nga̱
cine ushi a mantsa ma na vu wawa numu,
a̱vu vu ca mu ruhu tsutoni
na a ɓana mu.