Não desista!

28 Koto vu reve shi? Koto vu uwwa shi? A̱sulazuva a̱yi ɗa A̱sula̱ a babu ukotu, za na yuwain kosu vu uvaɗi. U tsu kuna̱ shi waru u tsu lamba ucira shi, babu waru za na ee reve a̱ru’un o urevu wa̱ yi. 29 U tsu ca ta̱ za na kuna̱i ucira, za na waru ri ucira uka̱la̱mu a̱vu u da̱shi yi ucira. 30 Ko olobo a̱ ta̱ kuna̱ a̱vu waru a lamba ucira, reve a̱ ta̱ɗa̱tsa̱ a̱ riya̱, 31 agba ele aza a na a zuwayi A̱sulazuva ucira u ta ca le ucira u sa’avu, a ta 'yawan tsa̱ a̱kuru. A ta suma agba a̱a̱ kuna̱ shi, a ta wala agba a̱a̱ ta̱ka̱lyuwa̱ shi.

19 Amayun ama a̱ Sihiyona, aza a na ri a̱tsuma̱ a̱ Urishelima, ya̱a̱ da̱shi shon shi. Na amayun u ta yuwaan ɗu isa’ani a mantsa ma na i 'ya̱wa̱i na̱ mesun ma̱ ɗu uba̱ta̱ wa̱ yi. A̱yi a uwwa ɗu u ta̱ usushi nɗu.

Za vi Iwawi ta̱ goon va Isra’ila

1 Amma gogo, nda ili i na A̱sulazuva a dammai, a̱yi za na ma’an nuwu, a̱vu Yakubu, a̱yi za na yuwan nuwu, a̱vu Isra’ila, <<She vu uwwa wovon wan, adama a na n tsupaa wu ta̱, n ɗe wu ta̱ na ala, waru a̱vu za va̱ ɗa. 2 Mantsa ma na vu kurula̱i a̱ mini ma̱ a̱ru’un n ta̱ da̱na̱ oɓolo na̱ a̱vu, waru na̱ vu kuru o ɗolu a̱ pura̱ wu shi. Na̱ vu kuru e memere ma akina wa̱a̱ kula̱to wu shi, waru elentsu a̱ yi a lyuwa wu shi. 3 Adama a na a̱mu ɗa A̱sulazuva, A̱sula̱ a̱ wu, Za va Akiza va Isra’ila, Za vi Iwawi ya̱ wu. N ca ta̱ Masar o una̱ wa̱ wu, Kush na̱ Seba waru o una̱ wa̱ wu.

1 A̱sula̱ a ɗa uba̱ta̱ wu upa’atan

u tsu nu ucira u tsu,

ufoɓu u ɗa u ri tsa̱ra̱ u kamba tsu

a mantsa ma̱ a̱tsuma̱lima̱ suru.

22 I lyawaa A̱sulazuva ili i na ya̱a̱ ɓa̱la̱ ɗu,

a̱yi waru u ta e idana ɗu,

waa lyawa za va̱ a̱ɓula̱ riya̱ shi ko ke’en.

9 A̱sulazuva a ɗa uba̱ta̱ wu upa’atan,

uba̱ta̱ wu upa’atan wa aza a na o ɓongishi,

a̱yi uba̱ta̱ wu upa’atan u ɗa a mantsa ma addama.

10 Aza a na e revei Aala a̱ wu

a ta zuwusa ucira ule ya̱’a̱ wu,

agba vu tsu vari a̱za̱ e izami ya̱ wu shi.

5 Aza a na a yuwain ca̱’a̱n na̱ mesun

a ta yuwan ugasa ni ishipa i ma̱za̱nga̱!

6 Aza a na o uta̱i a̱ mesun uguzu ni icu’un,

a̱ ta̱ ka̱mba̱ utanuwu na akatalu akatalu,

a canasa ishipa i ma̱za̱nga̱.

24 I da̱na̱ nu ucira no okolo o ugbamu,

a̱ɗu na suru i zuwai okolo a̱ ɗu

uba̱ta̱ wa̱ A̱sulazuva.

Wila̱ wa̱ a̱ A̱sulazuva ekan i ɗa

105 Adanshi a̱ wu fitila ɗa,

na tsu casu ekan

uba̱ta̱ u na n tyo yi biti.

18 A̱sulazuva a̱ ta̱ zuzu,

na aza a na ee ɗesu ya̱’a̱ yi,

na aza a na ee ɗesu yi a̱tsuma̱ a amayun.

19 U tsu shitowon ta̱ aza a na aa uwwusa wovon wa̱ yi

ni ili i na a cigai,

waru u tsu uwwa ta̱ mesun me le,

reve u wawa le.

7 A̱sulazuva za vi isa’ani i ɗa,

uba̱ta̱ wu upa’atan wu ucira

a mantsa ma addama.

Waru u ta aɗa aza a na a zuwai ucira u le ya̱’a̱ yi.

11 N reve ta̱ cu’un vi ifoɓi i na n ri na̱ yi aci ya̱ ɗu. Ifoɓi yi isa’ani, agba yi iwuya shi, adama n ca ɗu uzuwu wo okolo na̱ wuma u sa’ani u na i cigai nda a̱ tyo elime. Ne ɗa A̱sulazuva a dammai.

7 Amma a̱ɗu, i yuwan okolo o ugbamu, she yu uta̱a̱ okolo wan, adama a na i ta ushi atsupu o ulinga u ɗu.>>