1 Reve A̱sulazuva a damma mu, <<'Ya̱wa̱ vu rocowiso ka va̱ wu icigi, ko na wo o'woi u to tono ali o ro a yuwusan tsipere. Vu ciga yi cine A̱sulazuva a cigai aza a Isra'ila, ko na a vadalai a̱ kuruyi musula̱ n ro a̱vu waru a ciga akala a̱ a̱kwisa̱ e le.>>

2 <<N tsupa ta̱ ikebe i azurufa gendu oɓolo na̱ kilo ukpaku na̱ kupoton (150) u yitabo adama a̱ yi. 3 Reve n damma yi, <Vu ta̱ da̱na̱ oɓolo na̱ a̱mu hali rana a̱bunda̱. She vu uta̱ tsushakala wan, ko vu von na̱ vali ro wan, waru a̱mu fo mo von na̱ a̱vu shi.> >>

4 Adama a na aza a Isra'ila a̱ ta̱ da̱na̱ babu mogono ko zagbain hali rana a̱bunda̱, waru babu kucci, babu ijigo, ko epo ko gba a̱a̱ma̱li. 5 Na̱ a̱yi ndolo koto a̱ ta̱ ka̱mba̱ a zami A̱sulazuva A̱sula̱ e le oɓolo na̱ mogono me le Da̱wuda. A rana vu ukosu a̱ ta̱ ka̱mba̱ uba̱ta̱ wa̱ A̱sulazuva na̱ wovon, adama a̱ tsura̱ isa'ani ya̱ yi.