1 Reve ama a damma,

<<Ta̱wa̱i tsu ka̱mba̱i uba̱ta̱ wa̱ A̱sulazuva!

Wu kara tsu ta̱ akari akari

agba u ta̱ ka̱mba̱to tsu gbaga.

Wu uwwato tsu ta̱ usa̱n,

amma u ta̱ nla̱ antsu a̱tsu.

2 Na a yuwan ayin e re u ta̱ ka̱mba̱to tsu gbaga.

O urana wa ta'atsu u ta̱ 'ya̱sa̱n tsu,

adama tsu yuwain nden a̱ ma̱ka̱ka̱n ma̱ yi.

3 Lyawa tsu revei A̱sulazuva,

tsu lyuwai elime na̱ mereve ma̱ yi.

Na amayun nu usana u tawa,

u ta̱ ta̱wa̱ ya̱'a̱ tsu.

U ta̱ ta̱wa̱ tsu cine mini mo ufaru ma̱ ri,

cine vu revei mini ma̱ ca̱'a̱n ma̱ tsu re'weto iɗa.>>

4 A̱vu A̱sulazuva a damma,

<<Nye maa yuwan na̱ a̱ɗu, aza a Ifiramu?

Nye maa yuwan na̱ a̱ɗu, aza a Yahuda?

A̱yi ɗa nda icigi i ɗu

cine vu revei megeve mo usana,

cine waru vu revei a'iza a na a̱ tsu za̱ka̱tsa̱ nu usana.

5 Adama o ndolo n lyungu ta̱ ama̱sula̱ a̱ va̱ a̱ ta̱wa̱ o koɗo ɗu okoɗi okoɗi.

Mu una ɗu na adanshi o una̱ a̱ va̱.

Uge'etosu u va̱ u ta̱wa̱ ɗu ta̱

cine vu revei imaɗatsu.

6 N ciga ta̱ icigi i na i tsu vadala shi, amma kucci shi,

urevu wa̱ A̱sula̱ u la'a kucci vu ukula̱tosu.✝

7 Amma tsa Ada̱mu,

e le fo a kuɗa ta̱ akucunu a̱ va̱'a̱,

a yuwaan mu ta̱ ulambu wa̱ a̱ɓula̱.

8 Giliyadu lyuci va ama a vama a ɗa,

udasu wa ana e le ulakatu na̱ mpasa.

9 Cine vu revei a̱za̱ a̱ nga̱la̱la̱i

a tsu vawan vuma o una,

ne ɗa nan ganu a tsu yuwan.

A tsu una ta̱ o ure wa Shekem*,✝

a yuwusan ili i wuya icu'un icu'un.

10 Me ene ta̱ ili i vama o u'wa wa Isra'ila,

ugundo wa Ifiramu u ta yuwusan tsushakala

uba̱ta̱ u mayan ma̱ a̱ga̱nda̱ e ekere a̱ musula̱,

na amayun Isra'ila o'wo ta̱ idaba.>>

11 <<Adama a̱ wu fo, Yahuda,

o foɓoo ɗu ta̱

urana u na yaa gasa ili i na i cu'wa̱in.

a mantsa ma na ma̱a̱ ka̱mbuwa̱ ama a̱ va̱

a na a̱ pura̱i a̱ tyo tsugbashi,

waru n ka̱mbuwa̱a̱ le na aba'un e le.>>