1 Aza a Isra'ila she i yuwan ma̱za̱nga̱ wan!

She i yuwan mere tsa akapi a nɗa wan!

Adama a na i yuwan ta̱ ulambu wa̱ a̱ɓula̱ uba̱ta̱ wa̱ A̱sula̱ a̱ ɗu.

I ciga ta̱ atsupu a aashakala diga uba̱ta̱ wo osoroto suru.

2 Ishina yo osoroto na̱ masayan ma na o kpokoi uba̱ta̱ u mokpoko u masayan waa lyuwato ama'a shi.

Masayan ma sa'avu maa rawa le shi.

3 Aa buwa e iɗa ya̱ A̱sulazuva shi.

Amma Ifiramu ta̱ ka̱mba̱ Masar,

reve a lyuwa ilyalya yi idaba a̱tsuma̱ a Asuriya.

4 A̱a̱ tsun kucci masayan uba̱ta̱ wa̱ A̱sulazuva shi,

waru kucci le o yo'onoto yi okolo shi.

Cu'un kucci ndolo to o'wo tso opopofu va̱ a̱za̱ a̱ mesun a̱ a̱tsumola̱ngu,

aza a na a tama nle suru o to o'wo ili yi idaba.

A ta lyuwa ilyalya i nda na aciyele,

amma a̱ ta̱wa̱ na̱ yi o U'wa wa̱ A̱sulazuva shi.

5 Ili i ne i ɗa yaa yuwan o urana wa̱ a̱buki a na a zuwai?

Cine tsa ɗa yaa yuwan a̱buki a̱ A̱sulazuva?

6 Ka̱lyuwa̱i, ko na a la'a diga o kototosu,

Masar to ɓoloto le,

Memfi ta̱ ciɗo le.

Ma̱lyo ma ta usa ili i sa'ani i azurufa i le,

awanda a̱ ta̱ da̱na̱ o ogodo e le.

7 Rana vo oforo ta̱ lo a̱ ta̱wa̱,

urana wa atsupu u ta̱wa̱ ta̱,

lyawa Isra'ila reve na̱ yi.

Adama a na nusu ɗu ta̱ a̱bunda̱

waru i'ima̱ i ɗu i ta̱ kpara,

hali na ya tarasa vumava̱sula̱ ulo u ɗa,

vuma na ri na̱ ruhu u jaara ta̱.✝

8 Vumava̱sula̱, oɓolo na̱ A̱sula̱ a̱ va̱,

a̱yi ɗa za vu uka̱lyuwusa̱ wa Ifiramu.

Na̱ ne suru yakuru ta pura e re va̱ yi suru,

ni i'ima̱ a̱tsuma̱ o U'wa wa̱ A̱sula̱ a̱ yi.

9 A yuwan ta̱ a̱ru'un a̱tsuma̱ o ulambu wa̱ a̱ɓula̱,

cine vu revei rana va Gibiya.✝

A̱sula̱ a ta cuwan ni iwuya i le

a̱vu u ca le a̱tsuma̱lima̱ adama a̱ nusu le.

10 <<Cine vu revei ataci a̱tsuma̱ o una,

ne ɗa n cinai Isra'ila.

Cine vu revei umatsun wu ufaru wu uɗanga wu ubiri a yashi yu ufaru,

me ene ta̱ nkaya n ɗu.

Agba a na a̱ ta̱wa̱i Ba'al Peyo,

a̱vu a ca aciyele e ekere a̱ma̱li o wono o ndolo

reve wo o'wo ili yi idaba cine vu revei ili i na a cigai.

11 Tsugbain tsa Ifiramu tsu ta 'yawan she damma manunu,

babu limatan, babu a̱a̱tsuma̱, waa tara a̱a̱tsuma̱ shi.

12 Ko na a kungwato muwun,

suru na̱ ne n ta̱ da̱na̱ a̱ mona me le.

Addama a ta cina le

n na̱ n kakasa ne ele!

13 Me ene ta̱ Ifiramu, she damma Taya,

na a̱ cu'wa̱in uba̱ta̱ u sa'ani.

Amma Ifiramu ta̱ uta̱a̱

na̱ muwun ma̱ yi a paɗasa le.>>

14 Ca le, A̱sulazuva,

ili i ne i ɗa vaa ca le?

Ca le umatsutsun u na wa̱a̱ ɓa̱na̱ a̱a̱tsuma̱ shi

oɓolo na̱ maani ma na ma̱ ri na̱ mini shi.

15 Reve A̱sulazuva a damma,

<<Adama e iwuya i le a̱tsuma̱ a Gilga,

n 'yuwan le ta̱ ɗe.

Adama a linga vi iwuya i le,

n to lo le o U'wa u va̱.

M buwa a ciga le shi.

Azagbain e le suru a̱za̱ o u'ya̱susa̱n wu ugbozu u ɗa.

16 A lapa ta̱ Ifiramu,

aralu e le e 'yewe ta̱,

aa matsan muwun shi.

Ko na a matsan,

n to una muwun n na a cigai.>>

17 A̱sula̱ a̱ va̱ a ta 'yuwan le

adama a na a zuwaa niyi atsuvu shi.

O to o'wo a̱za̱ a̱ a̱ka̱nda̱riya̱ a̱tsuma̱ a nɗa.