1 Reve A̱sulazuva a damma,

<<Ana Isra'ila da̱na̱i mawun,

n ciga yi ta̱,

waru, n ɗe ta̱ mawun ma̱ va̱ mo uta̱ Masar.✝

2 Amma a̱mu e ɗesu aza a Isra'ila,

e le a̱ da̱shi ka̱ra̱sa̱.

A lyuwa ta̱ elime a casu kucci a̱ tyo ya Ba'al

oɓolo na̱ a̱tsuka̱ o ukula̱tosu va̱ a̱ma̱li.

3 Na̱ ne suru a̱mu ɗa n ritoi Ifiramu mmalu,

m ɓa̱na̱ ta̱ ekere e le.

Agba e reve a na a̱mu ɗa n ka̱mba̱to nle gbaga shi.

4 N rono le ta̱ na amunga e isa'ani,

a̱vu mu nla̱ le ni icigi.

Reve mo o'wo le

cine vu revei za na tsu ka̱mba̱to a̱a̱gba̱la̱ e inan va̱n a̱ yinlu i le,

reve n ka̱ɗa̱to n lyuwato le.

5 <<A̱a̱ ka̱mba̱ e iɗa ya Masar shi,

agba Asuriya to o'wo le mogono,

adama a na a 'yuwain a̱ ka̱mba̱ uba̱ta̱ u va̱.

6 Matsun me pe'eni ma ta paɗala e ilyuci i le,

a̱vu u lungusa̱ akpata a̱ na̱ntsu n le,

a̱vu u kototo le adama e ifoɓi i le.

7 Ama a̱ va̱ a zuwa ta̱ okolo a na aa vadalaa mu ucina̱.

Agba ko ne e ɗe Mogono ma̱ A̱sula̱,

wa̱a̱ 'ya̱sa̱n le shi ko ke'en.

8 <<Cine tsa ɗa maa lyawa wu, a̱vu Ifiramu?

Cine tsa ɗa maa kasa na̱ a̱vu Isra'ila?

Cine maa yuwan na̱ a̱ɗu cine n yuwain na̱ Aduma?

Cine maa yuwan na̱ a̱ɗu cine n yuwain na̱ Zeboyim?✝

U ɓa̱li mu ta̱ lon,

waru icigi i va̱ i ta̱ da̱shishi.

9 Maa yuwan na̱ a̱ɗu a̱tsuma̱ o upan wa̱ a̱bunda̱ a̱ va̱ shi,

ma̱a̱ da̱shi kototo Ifiramu shi.

Adama a na a̱mu A̱sula̱ a ɗa, agba vuma shi,

a̱mu za va Akiza ɗa na ri a̱tsuma̱ a̱ ɗu.

Ma̱a̱ ta̱wa̱ ya̱'a̱ ɗu a̱tsuma̱ o upan wu usuɗuwu shi.

10 <<O to toni A̱sulazuva.

U ta saala tsa kamu,

reve nu u saala,

muwun ma̱ yi n ta̱wa̱ e meje'en ma̱ lipu diga a̱livu.

11 Reve A̱sulazuva a damma,

a̱ ta̱ ta̱wa̱ e meje'en ma̱ lipu

tsu nnunu diga Masar,

tsa muɗa diga e iɗa ya Asuriya.

A̱vu n ka̱mbuwa̱ le a 'wa le.

12 Ifiramu ka̱nda̱ruwa̱ mu ta̱

ne epen a̱bunda̱,

u'wa wa Isra'ila u ka̱nda̱ruwa̱ mu ta̱

na̱ wulumu.

Amma Yahuda guza̱ ta̱ A̱sula̱,

waru u ta̱ na amayun e ekere a Za va Akiza.>>