Nascimento
O nascimento é obra das mãos de Deus. Cada criança é formada por Ele no ventre materno com propósito e amor. A Bíblia celebra a vida desde a concepção até a eternidade.
O nascimento de Jesus
O maior nascimento da história mudou o curso da humanidade. Jesus nasceu de uma virgem pelo poder do Espírito Santo, conforme as profecias.
Kusemuka ca Yesu Kilistu
Honi kusemuka ca Yesu Kilistu cezile mucifua eci. Omo vaina Maliya vamulamene kuli Yosefa, tele kanda valimoneho vamumuene nguavo akemita lizimo lia nzili yaku Cimbembesi Uakulela. Kaha Yosefa uje uamulamene hakupua ua vusunga, katondele kumuvuisa shuamua kaha uasinganiekele kuviana vulo muvushueke. Vuno honi tele acili nakusinganieka eci, taleni, kangelo ua Muene uasholokele kuli ikeye mu cilota nakuhandeka nguendi, "Yosefa, muna Ndaviti keti uteue kuambata Maliya mpueyove, muomu eci kuimita cali naco cinapu caku Cimbembesi Uakulela. Akasema muana ua yala, kaha ukamuluka lizina liendi Yesu, muomu ikeye akovola vantu vendi ku vipi viavo."
Vioshe evi vialingiuile mukushulisisa vije viahandekele Muene kuhitila muli kananguizi nguendi,
"Taleni, mpuevo uje kanda alimone na yala akemita kaha akasema muana ua yala,
kaha lizina liendi vakamutumbula Manuuele" (kulumbununa Njambi ali netu).
Omo Yosefa uahindukile mutulo, ualingile ngue muje muamushikile kangelo ua Muene. Uambatele mpueyendi, vuno honi kalimuene nendi kuvanga noho hasemenene muana ua yala, kaha uamulukile lizina nguendi Yesu.
Kangelo Ngambiliyele ambulula kusemuka ca Yesu
Omo Elizaveta uakele na vingonde vitanu na imo via lizimo, Njambi uatumine kangelo Ngambiliyele aye ku Nazaleta mu nganda ya Ngalileya. Kangelo uakele na lizi kuli muana mpuevo umo kanda alimone na yala lizina liendi Maliya. Uje uapuile uakulama kuli yala lizina liendi Yosefa, uaku ntanga ya muene Ndaviti.
Kaha kangelo uahandekele kuli ikeye nguendi, "Keti uvue liova Maliya, muomu unauana kavumbi kuli Njambi. Tala, ukemita, kaha ukasema muana ua yala, ukamuluka lizina liendi Yesu. Ou muana akapua uakama, kaha vaka mutumbula Muna Njambi Uahelu Liavioshe. Kaha Muene Njambi akamupuisa muene, ngue muapuile kukuyendi Ndaviti. Kaha akapua muene ua miyati ya Yakomba kumiaka yoshe, na vumuene vuendi kuvukahu!"
Kaha Maliya uahandekele kuli kangelo nguendi, "Nkuma eci cikafua vati? Muomu yange njimuana mpuevo uje kanda alimone na yala." Kaha kangelo uamukumbuluile nguendi, "Cimbembesi Uakulela akeja hali yove, na nzili ya Njambi Uahelu Liavioshe ikakufuika. Nankuma, ha cuma eci uje muana Uakulela vakamutumbula Muna Njambi.
Formados desde o ventre
Deus nos teceu no ventre de nossa mãe. Antes de nascermos, Ele já nos conhecia e nos separou para um propósito sagrado.
Crianças — bênção e promessa
Jesus acolheu as crianças e disse: delas é o Reino dos céus. Os filhos são herança do Senhor e motivo de alegria para os pais.
Vuno honi Yesu uahandekele nguendi, "Eceleni vanike vavandende veje kuli yange, keti muvavindike, muomu Vumuene vua muilu vunapu vuavo."
Uoshe uje alikehesa ikeye vavenia ngue ou muanike, ikeye napu uakama mu Vumuene vua muilu. Uoshe uje atambula muanike ou mu lizina liange na tambula yange.
Kaha uavambatele mu mavoko endi na kuvakuisula nakuvasaleka mavoko endi.
Nascer de novo
Jesus ensinou que é preciso nascer de novo para ver o Reino de Deus. O novo nascimento é espiritual — pelo Espírito e pela Palavra.
Yesu uamukumbuluile nguendi, "Muavusunga njikuleka, naumo uahi asa kumona Vumuene vua Njambi kuakuhona kusemuka luvali."
Nga mpuevo ali ku cihela ca kusemena, akevu kuvavala, muomu ntsimbu yendi yahete. Vuno honi nga muana nasemuka, kekuvuluka naua kuje kuvavala ca nevuile muomu yakuvuahelela cije cakuneha muntu ha mavu.
Naumo uahi uje uasemuka kuli Njambi akalingi vupi, muomu mbuto ya Njambi ili muli ikeye, kaha kalingi vupi muomu uasemuka kuli Njambi.