Nova aliança
A Nova Aliança é o pacto de graça que Deus estabeleceu através de Jesus Cristo. Diferente da antiga, ela é escrita no coração, mediada pelo sangue de Cristo e acessível a todos.
A profecia da Nova Aliança
Jeremias profetizou uma aliança nova em que Deus escreveria sua lei no coração do povo. Essa promessa se cumpriu em Cristo.
Vuno honi kuya nomu cilimo, Kilistu natambula cipangi cakama cikuma kupulakana ca laja ngue litavasano lije lianemanena linapu liacili, muomu litavasano eli linemanena vikulaheso viacili.
Muomu nga litavasano lia kulivanga kuliakele na mulonga, ngue kukuakele naua litavasano lia mu civali.
Hakuhandeka ha litavasano lialiha akalinga lialaja kupua lia kuhona seho. Kaha cije cikapua ca kuhona seho nakukuluvala vuavuno kucikamoneka naua.
Eci cilingisa Yesu kupua ua vusunga vua litavasano liacili.
Selada com sangue
Jesus instituiu a Nova Aliança na Última Ceia: 'Este cálice é a nova aliança no meu sangue.' Seu sacrifício é definitivo e perfeito.
Mu cifua cimo vene omo vamanusuile kulia ca cinguezi, uambatele nganja uahandekele nguendi, "Eyi nganja inapu litavasano lialiha lia Njambi livanakutu na maninga ange aje ahitilile hali yeni.
Kaha uambatele nganja, kaha omo uamanuisuile kutsantsela uavahanene, nguendi "Nuenimo mu vavoshe, muomu aua akeuo maninga ange a litavasano lialiha, aje anamuaniena hali vavengi mukukonekela vipi.
kaha cikafua vati honi ha maninga a Kilistu, uje kuhitila mu Cimbembesi ua yaye ualilingile nkombelo ikeye vavenia kuakuhona kapenga kuli Njambi, lelesa mana ove ku vipangi via kutsa linga upangele Njambi uakuyoya.
Nankuma Kilistu napu muka kutuimanenako mu litavasano lia liha, linga vaje vavanasana kuli Njambi vatambule cikulaheso cakusuana ca yaye, muomu kutsa cineja ngeci civamene ku vipi vioshe mu litavasano liakulivanga.
Muomu vusuana kuvuasa kukalako, kuvanga uje liavenia ivasuana natsi. Muomu vusuana vukakala lika na nzili ha kutsa, nga uje vavenia aciyoya kaha vusuana kuvuesi na nzili. Ngeci vene cipue litavasano lia laja kuliasele kupanga kuakuhona maninga. Omo kushika coshe ca lishiko vacihandekele kuli Mosesa ku vantu voshe, uambatele maninga a vana va vangombe na a vampembe, na mema na vuanda vua kuvenga na kacishamu ka isope, nakushamuina ha livulu na ku vantu voshe, kaha uahandekele nguendi, "Aua akeuo maninga a litavasano aje Njambi uamishikile."
Muomu lishiko lia Mosesa likelio cimbembe ca viuma viacili vije vili nakuija keti ngue mu cifua ca vusunga cevi viuma, kucikalingiua, ha vinkombelo viakulifua vije vivakakombelela kutualelelaho ha muaka na muaka, ije ikapuisa vusunga vaje vashuena muyehi. Ngue ngoconi, nkuma ngue kuvalikelele ku valinga nkombelo ndi? Nga vaka kulemesa vavalelesele laja, kaha ngue kuvali shoshomuene naua mulonga ua vipi. Vuno honi ha vinkombelo evi hali civulukiso ca vupi ha muaka na muaka. Muomu capua cacikalu maninga a vangombe va vankomba na vampembe kuhumisa vipi.
Reconciliação e vida nova
Pela Nova Aliança somos reconciliados com Deus, trazidos para perto pelo sangue de Cristo e feitos embaixadores da reconciliação.
Nankuma, nga kuli umo uje ali muli Kilistu, kaha napu kutanga ca ciha. Kaha via laja vinahiti, taleni, viavihia vineja. Vioshe evi vihuma kuli Njambi, uje kuhitila muli Kilistu uatukonekelele linga tuije kuli ikeye kaha uatuhanene cipangi ca kulikonekela umo na mukuovo. Kaha kuhitila muli Kilistu, Njambi uakonekelele mavu naku aneha kuli ikeye vavenia cakuhona kutanda milonga yavo ije yakuvaluisa nayo kaha nakundika kuli yetu muzimbu uakulikonekela umo na mukuavo.
Nankuma, yetu tunapu vaka kuimanena Kilistu, Njambi alina kumilania kuhitila muli yetu. Tumilambelela hali Kilistu, likonekeleni kuli Njambi. Kaha muomu yetu, Njambi uamupuisile muka vupi uje kazivukile vupi, linga kuhitila muli ikeye ngeci tupue vaka vusunga kuli Njambi.
Eci cikeco kusimpa cije tuli naco kuhitila muli Kilistu hali Njambi. Keti ngue nguavo yetu vavenia tuasa kulinga cili coshe cije cija kuli yetu vuno honi vioshe vije vituasa kulinga vikahuminina kuli Njambi. Ikeye na tuasesa kupua vangamba valitavasano lia lihia, lije keti liakusoneka, vuno honi lia mu cimbembesi. Muomu liakusoneka lineha kutsa, vuno honi lia Cimbembesi lineha muono.
Nankuma vulukeni ha ntsimbu imo yeni keti Vayunda ku cisemua, vaje vavatumbula nguavo "Vakakuhona kulovoka" kuli Vayunda, vaje valitumbula vakevo vavenia nguavo vaka kulovoka eci cikeco cije civakalingi vamala ku mivila yavo. Ha ntsimbu ije muashondolokele kuli Kilistu. Muapuile muvangenzi ku muakundamene ku vantu Vaisaleli vaje Njambi uahanguile. Kumuakele na mutambela mu matavasano, aje emanene ha vikulaheso via Njambi ku vantu vendi, kaha yeni muayoyele hano ha mavu kua kuhona kutsiliela na kuhona Njambi. Vuno honi kuhitila muli Kilistu Yesu yeni vaje muakele kulahako na Njambi ha ntsimbu imo, vanamineha muyehi na njambi kuhitila mu maninga a Kilistu.
Hali eci cikeco cizango, keti ngue nguavo yetu tuazangele Njambi, vuno honi ikeye uatuzangele kaha uatumine Munendi kupua nkombelo ha vipi vietu.