A nova jerusalém
A Nova Jerusalém é a cidade de Deus que desce do céu, morada eterna dos redimidos. Nela não haverá mar, morte, choro nem dor — Deus habitará com seu povo para sempre.
A cidade celestial
João viu a santa cidade, a Nova Jerusalém, descendo do céu como noiva adornada para o esposo. Ali Deus morará com seu povo.
Mɛ̃ bvool mwɛn Bviil li Ngel, Yelusalem wu ɔ̃nyiɔɔn ofi ywel ola Nziã, asool. Bviil olɔ éli onge ɔ̃kaal wu amaawal ɔ̃yɛɛl a bal, wu oti ompal me ndɔɔ yi ayemwɛɛn y’ɔ̃lam. Mɛ̃ ngyoo nkii yi nɛn efi ke kiri li okwɛn, yɔ ékeyɛɛn bubu: «Meba mboo yi ekal Nziã eyii onse baal. Ndɛ akieel akal ye bɔ, bvool bɔ akieel akal baal a ndɛ. Nziã ndyam akieel akal ye bɔ, ndɛ akieel akal Nziã a bɔ. Ndɛ akieel akiɔɔn ãnsia mbueel me mviil ã bɔ. Epfu kieel k’ebekal bvool wɛ, ndwɔɔ k’ebekal wɛ, onkyam olel, onkyam mpal, ke ngwel wɛ ãndɔɔ mã tsɔɔn ŋ’ãbwel.»
Ãnzwel omɔ̃ bu ãbiri mɛ̃ m’Ɔ̃fel nkal a nkio yi nɛn bvool yi nda. Mɔ̃ ãsuo mɛ̃ Yelusalem, Bviil li Ngel, wu ofi ywel ola Nziã asool. Bviil olɔ eluul me lweel e Nziã. Lɔ ékengal onge nkɔɔn yi ɔ̃bvɛn, onge nkɔɔn yi ɔ̃bvɛn yi Dzasepe yi kɛɛn onge Kilisital. Lɔ éli y’ebɔɔ ki y’ɔ̃biɔɔn bvool ki y’ɔ̃tɔɔl. Lɔ éli y’ɛ̃nywã kuun ye mviaal. Ɔ̃nywã bwɛn ɔ̃nywã áli y’ãnzwel ngãmɔ̃ m’ã́kekiaal kyɛ. Ákel ãnkuun nkal edzoo obvɛ, ãnkuun omɔ̃ m’ãyam kuun ye mbuaal m’Isalayel. K’etswi ki epal tal, éli y’edzoo etyel, k’etswi ki nkio edzoo etyel, ke nsɛn edzoo etyel, k’etswi ki edziin tal edzoo etyel. Átuu ebɔɔ e bviil olɔ nkal ãnkɔɔn kuun ye mbuaal. Nkal ãnkɔɔn omɔ̃, ákel ãnkuũ m’antam kuun ye buaal a Muaan-emɛmɛɛ̃.
Mɛ̃ ke mwɛn mboo a Nziã yi ɔ̃nsensal wɛ, ke ngwel wɛ mboo a lɔ yi ɔ̃nsensal eli Mfam Nziã wu Nziã-Nga-Waan, ye Muaan-emɛmɛɛ̃. Bviil k’eli ye kɔɔ, ekal li tal, ekal li nswii wɛ, me ndɔɔ yi ayɛɛl lɔ, ke ngwel wɛ mbaa a lweel e Mfam Nziã eyɛɛl lɔ bvool mbunda a lɔ, Muaan-emɛmɛɛ̃.
Ãnzwel ãsuo mɛ̃ hɛ̃ nzal ngamɔ̃ yi elaã, yi kɛɛn onge nkɔɔn yi ɔ̃bvɛn yi Kilisital. Yɔ epal onse kiri li okwɛn e Nziã ye li Muaan-emɛmɛɛ̃, bvool ebwel kal-a-kal a bal-bal a bviil wu ɔ̃nɛn. Nkal ekwel enge-bviaal bvi nzal oyɔ, éli y’ɔ̃ti wu elaã ngɔmɔ̃ wu ákeburu nsia nsa kuun ye yuaal me mvel, nsa ngamɔ̃ me nswii. Ãsɔɔ m’ɔ̃ti ondɛ ãbeboo baal b’ɛ̃kiri. Obwel b’enkɛɛ kieel k’obekal wɛ. Kiri li okwɛn e Nziã ye li Muaan-emɛmɛɛ̃ ekieel ekal onse bviil. Asal a ndɛ akieel alweel ndɛ. Bɔ akieel amwɛn osu o ndɛ, nkuũ a ndɛ ekieel ekal nkal ãmbwii ã bɔ. Tsia kieel k’abekal bvool wɛ, bvool bɔ kieel k’abekal ye kɔɔ, onkyam li oyɔɔl o mbunda, onkyam li oyɔɔl o tal wɛ, ke ngwel wɛ, Mfam Nziã akieel ayɛɛl bɔ. Bɔ akieel akal y’okwɛn ɔ̃bu nkal ɔ̃bu.
A pátria celestial
Os patriarcas aguardavam uma cidade que tem fundamentos, cujo arquiteto e construtor é Deus. Nosso lar eterno está além desta vida.
Kɛn a bɔ ákebii ɔ̃kiri wu onduru obvie, ŋ’ayɛɛn ndiri ɔ̃kiri wa ke ywel. Obɔ otsɛn bɛn, Nziã k’ayoo opfuru okɛɛn baal ata ndɛ me «Nziã a bɔ» wɛ, ke ngwel wɛ, ndɛ ámaayɛɛl bɔ bviil.
Kɛn a byɛ esyel tsotsoo ye nkio yi Siɔ̃, bviil e Nziã wa mwiĩ, Yelusalem wa ywel, y’ɔ̃bobɔ wu ãnzwel ã ndɛ m’ãli onse obvɔɔn bo pfuun. Byɛ esyel tsotsoo y’obvɔɔn bo pfuun bo baan a Nziã b’ɛ̃kwel bɛn ãnkuũ ã bɔ ámaaswɛn ke ywel. Byɛ esyel tsotsoo ye Nziã, Ntwel wu atsiil ãndɔɔ ã baal bueel, y’ɛ̃fel ɛ̃ baal ba dzu b’ayii ɔ̃koo. Byɛ esyel tsotsoo a Yeso wu oli ɔmveel-Ondoo b’alili, bvool tsotsoo y’ãkel ã ndɛ m’ã́tsɔɔn, ãkel m’ãbeyɛɛn ngesɛ ãnduru m’Abɛl.
Kɛn a Yelusalem wa ywel k’ali m’onkyal wɛ, ndɛ wu oli ngoo a bia-byɛ wa taa-taa.
Yeso olieel ndiri: «Yɔɔl kwɛn ɛ̃kwal ɛ̃ byɛ ɛ̃bee obii. Elɔ okiool o byɛ onse Nziã, elɔ okiool o byɛ hɛ̃ onse mɛ̃. Onse nzɔ a tal a mɛ̃, ãngwel m’ãnzɔ ãli bibi. Al’okɛɛn k’obobɔ wɛ, kɛn mɛ̃ ekeeyɛɛn byɛ wɛn mɛ̃ èyefaal byɛ ngwel-a-nzɔ? Ke mbee a ŋe ngyɛn mɛ̃ byɛ mboo oyefaal, mɛ̃ èyebvool, mɛ̃ ewal byɛ eyekal ye myam, kwɛn mboo yi ndi mɛ̃ yam, byɛ hɛ̃, byɛ èkal oŋɔ̃.
A glória da Nova Jerusalém
Deus habitará no meio do seu povo. Sua presença será a luz da cidade, e o rio da vida fluirá do trono de Deus e do Cordeiro.
Mɛ̃ ŋ’esa eya. Sɛn ãnã onse m’eli a yɛ, kwɛn mbuul si ngɔmɔ̃ abee ekɔrɔ e yɛ ki abewa wu obvel mpɛn owal. Wu akieel abvel mpɛn, mɛ̃ èsa kwɛn ndɛ akal kwii onse Nzɔ a Nziã a mɛ̃, ndɛ kieel k’apal onse yɔ bam wɛ. Mɛ̃ èkel nkuũ a Nziã a mɛ̃ ye yi bviil e Nziã a mɛ̃ nkal a ndɛ. Bviil olɔ, eli Yelusalem wu alili, wu ofi ywel ola Nziã a mɛ̃. Mɛ̃ hɛ̃ èkel nkuũ a mɛ̃ yi enyiɔɔn nkal a ndɛ.
Okɛɛn hɛ̃ mbuul ombaal ndɔɔ onse ãndɔɔ m’ãfi ola Nziã, m’akel onse ɔ̃nkaan wu, Nziã àmbaal boo li ndɛ li nsia yi ɔ̃ti wu elaã bvool akii ndɛ nkuul yi asam onse Bviil li Ngel, m’emfa ki akel onse ɔ̃nkaan wu.