A nova jerusalém
A Nova Jerusalém é a cidade de Deus que desce do céu, morada eterna dos redimidos. Nela não haverá mar, morte, choro nem dor — Deus habitará com seu povo para sempre.
A cidade celestial
João viu a santa cidade, a Nova Jerusalém, descendo do céu como noiva adornada para o esposo. Ali Deus morará com seu povo.
Kaha njamuene nganda yakulela, Yelusalema yaiha, ije ili nakuija kuhuma muilu kuli Njambi, ije inalivuahesela ngue shombolua uje nalipesa pesela yaliendi. Kaha njevuile lizi litambeka kuhuma ha litanda ngualio, "Taleni, mbalaka ya Njambi ili hamo na vantu. Akakala hamo navo, kaha vakapua vantu vendi, na Njambi vavenia akakala hamo navo. Akahunda masozi oshe ku mesho avo, kaha kutsa kucikakalako naua, cipue vusiua, cipue kulila, cipue kuvua kuvavala, muomu viuma vioshe via laja vinahiti."
Kaha uanjambatele mu cimbembesi na kunjituala ku munkinda uakama ualaha, uanjimuesele Yelusalema, Nganda Yakulela, ije yahumine muilu kuli Njambi, kaha yakele na vumpau vua Njambi. Nganda ije ya viazimine ngue livue lia seho cikuma, ngue livue lia Njasipa, lia kutungukua ngue kilisitale. Yakele na civumbe cakama calaha, na vikolo likumi na vivali, kaha tungelo likumi na vavali vaniungile kuje kuvikolo. Kaha haje ha vikolo vasonekeleho mazina likumi na avali a miyati ya vantu Vaisaleli. Kumutambela umo na umo kuakele vikolo vitatu, ku ngangela vikolo vitatu, na mu kunto vikolo vitatu, namu mbuela vikolo vitatu, na mu kangombe kayambi vikolo vitatu. Kaha civumbe ca nganda cakele na mavula likumi na avali, na ha mavula hakele mazina likumi na avali a tunganda va Muna Mpanga.
Kaha kunjamuene cipue imo njivo ya Njambi mu nganda, muomu njivo ya Njambi yayo yapua Muene Njambi uanzili yoshe na Muna Mpanga. Muje mu nganda kumuatondekele kutua ca litangua cipue ngonde, muomu vumpau vua Njambi vukevuo ceke cayo, na Muna Mpanga ikeye ndeya yamuo.
Ambahoni uanjimuesele ndonga ya mema a muono, yakuviakuma ngue kilisitale, yahumine ku litanda lia Njambi na kuli Muna Mpanga yahitile mukati ka tapalo ya nganda. Kaha sinia na sinia lia ndonga kuakele muti ua muono uje uakele na vushuka likumi na vuvali, uakele na kuima ku ngonde na ngonde, kaha na maputa auo apuile vumbanda vuakukanguisa mafuti. Kukukakala naua cimo cakusinga, vuno honi litanda lia Njambi na lia Muna Mpanga likakala mu likelio, na vangamba vendi vakamulemesa. Vakamona cihanga cendi, kaha na lizina liendi likakala ha maholo avo. Kukukakala naua vutsiki, kuvakatondoho naua ceke ca ndeya cipue litangua muomu Muene Njambi akapua ceke cavo kaha vakayula ya yaye.
A pátria celestial
Os patriarcas aguardavam uma cidade que tem fundamentos, cujo arquiteto e construtor é Deus. Nosso lar eterno está além desta vida.
Vuno honi omu mucilimo, vakashunguiya cifuti cacili, cikeco cije ca muilu. Nankuma Njambi kevu shuamua mukumutumbula nguavo Njambi yavo, muomu navavuahesela laja nganda.
Vuno honi muneja ku Munkinda ua Siyone na ku nganda ya Njambi ua kuyoya, Yelusalema ya muilu, na tungelo vavengi cikuma vanakunguluka hamo, kaha ku cikungulukilo ca muana ua ntuatua vaje mazina avo vana asoneka muilu, na kuli Njambi uje muka kusompa ua viuma vioshe, na vimbembesi via vantu va vusunga vanavipuisa kupua vusunga, kaha kuli Yesu, uje muka kuimanena litavasano lialiha, kaha naku maninga aje akushamuina aje akahandeka cikuma via kavumbi kupulakana maninga a Avele.
Vuno honi Yelusalema ije ili muilu ikeyo yakupatuka, kaha ikeye nanetu.
"Keti mulinienge mu mitima yeni, tsilieleni muli Njambi kaha tsilieleni muli yange naua. Mu njivo ya Tate muakala milili yaingi, nga keti mukemo, nga njamileke nguange njiya nakumivuahesela cihela ndi? Honi nga njiya nakumivuahesela cihela, njikeja naua nakumiambata yange vavenia, linga kuje kunjakala neni mukakaleko.
A glória da Nova Jerusalém
Deus habitará no meio do seu povo. Sua presença será a luz da cidade, e o rio da vida fluirá do trono de Deus e do Cordeiro.
Njilinakuija vuasi vuasi. Kaha kakateya kuli vije ulinavio, linga keti kukale umo akunieke cilongo cove. Uoshe uje akahiana njikamupuisa cisimi ca seho mu njivo ya Njambi yange, kaha ka katuhukamo naua. Njikasoneka hali ikeye lizina lia Njambi yange na lizina lia nganda ya Njambi yange, Yelusalema yaiha ije ihuma kuli Njambi yange muilu kaha naua njikasoneka hali ikeye lizina liange lia liha.
nga kukakala umo a kahumisa ku mezi a mu livulu eli lia vunanguizi, Njambi a kamunieka mbazuvuila yendi ya ku muti ua muono na ya mu nganda ya kulela vije vivanasoneka mu livulu eli.