Pais

Mageniinxa Oose

1 Mageniinxe oose hiyyemmennexxi ye’emmonaa Aabi dhangalaase duneexxi jaalala hittata lumoxxe kaddeexxa uuddee! Iittanni no’onna isixxe oosen. Butta duuchchi no’oo egendebaachchi isoo ege’na gophpheemmaxxeeten.

Mageniinxa Oose

1 Mageniinxe oose hiyyemmennexxi ye’emmonaa Aabi dhangalaase duneexxi jaalala hittata lumoxxe kaddeexxa uuddee! Iittanni no’onna isixxe oosen. Butta duuchchi no’oo egendebaachchi isoo ege’na gophpheemmaxxeeten.

15 Soda’ati hexxinaasha haaroba ha’no’o garbake assaaka Hufuura adhitine’ebaan; yaane kinni adhdhitineek Hafuur, «Annayyo» hitina’n yexxinaasha assaake beltumatika Hafuuran. 16 Mageniixe oose kandeenexxa iikki Hafuur no’oke irrni welt mitteba higeexxi dhuga kula.

12 Kaddo malee adhdheekeeri’anna summa isike’ni amaneeke duuchchi’a kinni Mageniinxe oose kaddandaashsha baallooma insa’ne’aa uwween.

3 No’oke Anna Mageniiba’ninna Yessuusi Kiristoosi ga’mii’n badhaadhinna nage’i ha’no’aa kadowwaal.

13 Oose ifixxee anni godoba ba’latamma qicishsha

Duuchchi Woddik Goottinna isoo magnoofataakeeri’a ba’lataan.

13 Oose ifixxee anni godoba ba’latamma qicishsha

Duuchchi Woddik Goottinna isoo magnoofataakeeri’a ba’lataan.

14 Duuchchi Woddik Gootti no’oo maayenaa’ni daddemmennexxa ege’nedheen;

no’oxxi buttinake kadanna iso’n barraten.

5 Woyyitte ifixxe bakka’n hedhaak Mageni, annakanna ama affebbaaxxe oose’a annaken;

aro’i reyeexxe mellaalle’aanna dhugaati muraken.

8 Tinni kaddenaa’n Duuchchi Woddike Gootta! Ati Anna no’oken;

no’o faarake kandanno wodda ati faariinke hujallon;

no’o duuchchiingi atixxe angaxxe hujen.

16 Abirihaami no’o ege’nanna gophoole

Isira’eelinna midde no’o qaabbata gophoole midde

atiqa no’oke Anna;

Ee, Duuchchi Woddike Gootta! Ati no’oke Annan;

Olmi’ninni summi atiki no’o wodaan.

6 Anno no’aa ilendeen!

Labbaki belti no’aa uwwemeen!

Isinna akekisanjo no’oke kadaan!

Summi iskinna «Mambe’iinke gorsallo,

lumoke Mageno,

Duuchchi Woddike Anna, Nage’iinke Sooressa» hiyyemaan.

6 Anno no’aa ilendeen!

Labbaki belti no’aa uwwemeen!

Isinna akekisanjo no’oke kadaan!

Summi iskinna «Mambe’iinke gorsallo,

lumoke Mageno,

Duuchchi Woddike Anna, Nage’iinke Sooressa» hiyyemaan.

26 Amme iimatixxa ci’a uude! Facaalsitaba, haa’mitaba’a gootarake’n tuu’litaba’a, kaddoo malee’e iimik Anni ha’nook isee itisaan. Ha’noota ci’atenaa’n lumosha saxxinabaata?

29 Lame diillise mitte sanite’n gurgurenda’neexxebaata? Kaddo malee’e iimike ha’nooke annike fedhi belo diillise mitte midde butta ibbe gattabaan. 30 Ha’nooke umik ordichchi midde laako’eemedheeken. 31 Yoona mee sodaatte! Heddo diillisuwwanaa’n ha’note saxxinaan.

6 Ha’no kinni soodattinaa wodda ifixxe kuta giddi’a e’yitineexxi leella’nebaake ha’nooke Annibaa soodatte; Sho’ik assendeexxa afaak Anni ha’nookinna hira ha’no’a uwwaan.

17 Ati kinni agabo goddo hossatoo wodda alba atika anshedhi; umo atike’ninna issati. 18 Tennenni agabo goddo hosa atixxa ege’neddaaki leellabaake atike Anna’nite malee’e wele manna’ni kinni sho’endeexxe kadda; sho’iki assendaaxxa afaaki atik Anninna atika hira ati’a uwwaan.»

11 «Ha’noo giddii’n annake kadeek belti ifik (Daabo kadhatoole kinjo uwwaak ayyete?)* qulxu’me kadhatoole, bofa isi’a uwwaaki hedheeta? 12 Yookaan qulxu’me kadhatoole is’a gaaddo uwwaata? 13 Ha’noo fuggaaleryyende kaddineen hexxineexxi oose ha’nooxxe eloxxa uwwa, uwwa egendinoole iimate’n hedheek ha’nook anni isoo kadhataakeeri’a hittatta Woyyichcha Hafuura caala bira sa’isseexxi uwwa gopha?»

Buttate’ni Karra Tuu’la Hasissabaaxxa

32 «Ha’noo shiixxooke hore kaddine’eek mootumma ha’no’aa uwwatee ha’noke annixxe fedhi kaddeemmaxxe’e mee sodaatte.

17 Eloxxi uwwanna wo’ma eeba duuchcha iimii’n ifuwwiinke Annanaa’ni dirritaan; tininna daggaak gaadiddo jijjirendammashsha yookaan jijjiirensh aafebaake ifiinke Anna kadeeke Magenokenaa’niten.

32 Ifike mitte belti’a mararebaang no’o duuchchinge iso’o sa’ise uwweexxenni hitata belto ifiken welt duuchinxa yaane no’o’a tola uwwagophata?

6 Yessuusinna iso’n, «Orii, dhugaatinna hedho Anten. Ani darre’nite malee Aabiba’a dagaaki hedhebaan» hiyye hiise haaso’e.

2 Anke annike mine’ni heddi hedhati mini hedheen; sila iitta kada gophpheele, ‹Ani ha’no’a booncho giissonaa me’annoni› hiyyannabaan.

13 Beltokenaa’ni kexxeexxa Aabi ulfaataashsha ha’no Anke summi kadhattinaaxxa yaane duuchcha Ani ha’no’a assannon.

21 Anee eeyyaaki ajaja anka adhdheexxi heqqedhaakeni; anee eeyyaakanna Anni anki isoo eeyyaan: Aninna isoo eeyyaannoni; iso’ninna ifi leellshannon.»

23 Yessuusinna iso’n hiyyee qici, «Anee eeyyaaki hedhoole hiyyichcho anka heqqedhaan: Anni ankinna isoo eeyyaan: no’o isibaa dangannon; isinni weltinna he’nannoni.

18 Ijenda Mageno uudek mittikinna hedhebaan: yaane kinn Mageni Aabinni welti hedheek iikki Mitteelcho isike Belto kadeek Mageni isi ifise.

28 Ani duuchchi woddixxa hedho insa’ne’aa uwwannon; haranga ba’nabaan; anga anxenaa’n insa’nee dandeexxi bute adhdhaaki ayyinna hedhebaan. 29 Insa’nee ani’aa uwweek Ank Anni duuchchingenaa’n sa’aken; anke Annixxe anganaa’ni ayyinna insa’nee buteexxi adhdha dande’abaan. 30 Aninna Aabi mitteken.»

24 «Ee, Annayyoo! Kunni Ani’a uutettekiiri ani hedhenneba insa’ne he’naashsha, butta dadendebaang anee eeteettaxxee ati ani’a uutetteka ulfinna insa’ne uundaashsha hasaannen.

27 «Anki anni duuchchiinxa yaane ani’a uwwe’een; Annake kadoole malee’e Belto ege’naak hedhebaan; ittanni Beltoke kaddoole malee Anna ege’naak hedhebaan; Belti eeyyeexxi leellisheke kadoole malee’e Anna ege’naak hedhabaan.✝

48 Tennexxee iimik ha’nook Anni wo’make kaddeemmashshanni ha’nonna wo’make kadde!»✝

8 «Ha’no kinni barachchiisalli ha’nook mitte calla kadeemmaxxeenna ha’no duuchchiing dayyuwwake kaddineemmaxxee ‹Barachchiisallo!› hiyyendine ye’endinoqqe’e. 9 Iittanni iimate’n hedheeka ha’noo mitte anna afineemmaxxee buttate’n ayyeenna ‹Annayyo› hitineexi yexxinoqqe’e.

53 Anna anka ye’edhennele iikki woddi heddo kumi caala laakko’emaaka erganatika sannachcha ani’a erga dande’abaachcho ate’n labbe?

36 Ha’nook Anni mararalloke kademmashshanni ha’noonna marartinaake kadde.

20 Anna no’okenna Mageno no’okee duuchchi woddinaa’n duuchchin woddi’a ulfinni isi’a kaddowwaal. Ameen.

7 Magen ha’noo ifixxe ooseshsha uude’een isike xixichchika gorsa ossitine adhdhe. Isinni anni xixabaak belti ayyete? 8 Oosse kadeek duuchchi adhdhitaaka xixichcho ha’noo adhdha gophphinoole ha’noo baanake malee’e seeriixxe oosebaan. 9 Konne irra no’oo duuchchiing xixaaka maaliinka annuwwa anfeennan; insa’neenna ulfeessina’ennan. Eega hedhoti hedhaatee hafuuruwwiinke anna no’okee hittaa caala ajajemati gonphannota? 10 No’ok annuwwi insa’ne’ni eloxxe fakkaatexxi leelitee qicinni heenoxxe yanna’aa no’oo xinxa’nemman; yaane kinni Mageni no’oo isixxa woyyumma qoodemmannoke kandannoshsha no’oxxe la’o’aa no’oo mura woxisaan.

11 Anke beltoo! Duuchchi Woddike Goottixxa cabba tuffattoxxe’e,

atee xixaa woddanna dingi dingi hittoxxe’e,

12 Anni eeyyaaka belto cabbammashshanni,

Duuchchi Woddiki Goottinna eeyyaakaaranna cabbaan.✝

11 Anke beltoo! Duuchchi Woddike Goottixxa cabba tuffattoxxe’e,

atee xixaa woddanna dingi dingi hittoxxe’e,

12 Anni eeyyaaka belto cabbammashshanni,

Duuchchi Woddiki Goottinna eeyyaakaaranna cabbaan.✝

Oosetanna Oosetika Hado

1 Ha’no oosee! Goottiinke kaddineemmaxxe hado ha’nokee ajajemme! Tinni hasissaaxxe yaanen. 2 «Anna atikanna ama atixxa ulfeessi!» hiyyaak ajaji addachchiisatika hiyyichcho afeeke siretike ajaajan. 3 Tenneenna assittotole «Duuchchiinxi yaane ati’a qajeeldaan; tenne butta’ninna atixxi wogga qeerrexxaani.»

4 Ha’no annuwwaa! Oose ha’nooxxa Gootta Yessuusike seera’n akeekina’ninna barachchiisina’n nosse, malee’e insa’nee jinnissinoqqe’e!

4 Ha’no annuwwaa! Oose ha’nooxxa Gootta Yessuusike seera’n akeekina’ninna barachchiisina’n nosse, malee’e insa’nee jinnissinoqqe’e!

12 «Duuchchi Woddik Gootti atik Magen ati’a uwwaake boga’n wogga atixxi qeerrexxo’a anna atikanna ama atixxa ulfees.✝

8 Anke beltoo! Atike annika gorsa caqasi;

ama atixxi uuttaaxxa barachchiisanna gibboxxe’e.

9 Isenna ati’a ulfinna lebammake umiinke kallachchishshanna,

gooba atika danchoossitammaxxe ellellashshaten.

24 Qajeel beltik anni yo’oshsha gammadaan;

beeka belto i’leekinna kijibaan.

5 Oossoommataaki manji anna ifikika gorsa tuffataani;

gorsa adhdhaaki kinni qalbaameessake kadeexxa ege’nishshaani.

6 Oosetixxi oose akka’watee kallachaken,

annikinna ama oosetee’e hirreti hirboora.

20 Anna yookaan ama ifixxa yowwaak belti,

lubbo isixxi dimma dukkana’ni ba’ammake ifishsha baxxaan.

20 Ha’no oose! Tinni Gootta gammachchissaaxxe kaddeemmaxxee duuchchiinxe yaanenni hado ha’nookee ajajemme!

21 Ha’noo oosetiki hadi! Oose ha’nooxxi godoba kultitabaashsha insa’nee hifachchiissinoqqe’e.

3 Oosse Duuchchi Woddike Goottixxe uwwan;

tinni godobiinxi gumma isixxe eebban.

4 Dargageessummati i’linaaxxi labbaxxi oose

loliinke manjixxe anga’ni hedheeke gabetike mogidishshaten.

5 Konne Gabetike mogiduwwishsha hexxeexxa heddo labbaxxa oose

afeeke manijchchixxa wodo;

ifike naaphinni qachchiinke dalla’ixxe hula’n falamaa wodda isi shookabaan.

19 Ani atee assaanelsha

hedhoti hedheekiir atee galatefataan;

atixxe addatenshaxxenna

anuwwi oose ifixxe kulaan.

16 Hadiinxe ballessa’a oose insa’neexxi shiyendoqqe’e, oosetinna hujjeexxe ballessaxxe’e hadi shiyemoqqe’e: mitti mittinig ifi ifixxe cubbonni shiyemowaal.✝

19 Dada duuchcha Mageniixxe oosexxe leella lumoxxe halchanni heqqexxa’nen.

13 Koo annuwwa

edi wodda hedhemmaka isoo egendineemmaxxee ha’no’a borreessannen;

Tee dargaggeeyye! Ookkone fuggichcha injifatinemmaxxee ha’no’a borreessanneni;

tee oose Mageno Aabi egendine’een ha’no’a borreessannen.

14 Oose!

Sirende’ni hedhemmaka isoo egendine’en

Ha’no’a borreessannen;

dargaggeeyye

Ha’no worboolete kaddineemmaxxenna

Mageniink hiyyichchi ha’no’ni hedheemmaxxee,

ookkone fuggichchanna injiffatineemmaxxee

ha’no’a borreessannen.

Butta Duuchcha Eetinnoqe

15 Butta duuchcha yookaan butta duuchcha’n hedheechcho heene yaanuwwanna eetinoqqee; ayyinna butta duuchcha eeyyole Magenniinxi jaalala isi giddo hexxebaan.