As 10 parábolas mais importantes de Jesus

3 Adovanyepa zvinhu zvidowanda nomifananidzo.

Adoti kwavari, "Mujari adoenda kojara mbeu. 4 Paanga achijara, dzimwe mbeu dzidombwerera munzira, tushiri tudouya ndokudzija. 5 Dzimwe mbeu dzidombwerera pamabhwe, padzidosaya ivhu ridowanda. Dzidobva dzamera nokamangu, nokuti ivhu ranga riri rishoma. 6 Asi zuva paridobirika, dzidotsva, futi nondava yokuti mudzi yadzene yanga isinai kudzika pasi, dzidouna ndokuoma. 7 Dzimwe mbeu dzidombwerera panomwinza, mwinza idokura ndokudzivhinga. 8 Dzimwe mbeu dzidombwerera paivhu ridonaka, ndokubereka zvibereko, zvimwe zvidopetewa kazana, zvimwe zvidopetewa makumi matanhatu, zvimwewo zvidopetewa makumi matatu.

9 Anonzeve, mbaatetekere anzve!"

Mufananidzo womuSamariya Adonaka

25 Zvino gweta, ridosumuka richimuedza richiti, "Mudzidzisi, chii chandingaite kuti ndigare nhaka youpenyu husingapere?"

26 Adoti kwaari, "Chii chidonyohwa mumutemo? Unoverenga tini?"

27 Futi adopindura achiti, "‘Unofanira kuda Ishe Mwari wako nomwoyo wako wese, nomweya wako wese, nosimba rako rese, nokufunga kwako kwese, nokuda muvakhidzani wako sekuda kwaunozviita.’"

28 Futi adoti kwaari, "Wapindura zvidokohoroka, enda woita zvakarezvi, urarame."

29 Asi iye, achida kuzviita munatsi, adoti kuna Jesu, "Mabiyangu wacho mbani?" 30 Jesu adopindura achiti, "Murume waiburuka kubva kuJerusarema achienda kuJeriko, adobatiwa nomakororo, yadomusunhura nokumurova, nokumukuwadza vachibva vaenda vachimusiya wakomoka. 31 Zvino muphirisita waitekairawo nonzira yakareyo, paadoona murume wakareyo adotsambuka achimutsemba. 32 MuRevhiwo, paadosvika pakarepo achiona, adotsambuka achimutsemba kamu. 33 Asi muSamariya, wanga ari pahwendo, paadosvika paanga ari, paadomuona, adomunzvira tsitsi, 34 adoenda paari, ndokudira mapfuta nowaini pazvironda zvache, achizvipomberera, achibva wamukwidza paburu rache, achimuendesa kuimba yovarendo, kwaadomuchengetera. 35 Mangwana yacho adobiritsa madhinari yake mairi achiyapasa muchengeti woimba yovarendo, achiti, ‘Muchengetei, pandinodzoka ndinodzoripa zvimwe zvese zvamunenge mashandisa.’"

36 "Mbani pavatatu vakarevo, waunofunga, kuti ndiye adoratidza kuva mabiyake kumurume wokubatiwa nomakororo?"

37 Ridoti, "Nyakumunzvira tsitsi."

Jesu adoti kwaari, "Endawo woita zvakarezvo."

4 Adoti. "Mbani pakati penyu kana anozana romahwai, anoti kana ribodzi rataika angareke kusiya makumi mapfemba nomapfemba musango, woenda koritsvaga kusvikira wariwana? 5 Kana wariwana anoriisa, papfudzi pache achifara. 6 Paanosvika kumba anokokera shamwari dzache novavakhidzani, achiti kwavari, ‘Farai nainini, nokuti ndawana hwai rangu ranga rataika.’ 7 Nokudaro ndinokuudzai kuti kudenga kunenge kuno mufaro mukuru pamusoro pomutadzi mubodzi anotendeuka, kukunda vanhu makumi mapfemba novapfemba vadorurama vasingade kupinduka."

Mwanakomana Adotaika

11 Iye adoti, "Panga pano murume anga ano vana vakomana vairi. 12 Mudiki wacho adoti kuna baba vache, ‘Baba, ndipasei chikamu chopfuma yangu yonhaka.’ Baba vadokovanisa pfuma yavo pakati pavo. 13 Pasinai nonhambwe yese, mwanakomana mudiki adounganidza pfuma yache yese ndokuenda kuimwe nyika kurefurefu. Adocheneka pfuma yese nomagariro yadoipa. 14 Paadopedza kuja pfuma yakareyo yese, nzara idokungudza idovapo kunyika yakareyo, iye adosara asinai chinhu. 15 Nokudaro adoenda kogarawo nonzvahwa yomunyika yakareyo, adodzomutuma kumaminda yache kochengeta humba. 16 Wanga achitoda kugutsiwa nochikafu chomashanga yaijiwa nohumba, pasinai waimupasa. 17 Asi paadozopengenuka adoti, ‘Vashandi vababa vangu vangani vanotoja vachisiya zvimwe, asi pano ini ndaakutopfa nonzara! 18 Ndichasumuka ndiende kuna baba vangu, futi ndoti, Baba, ndidotadzira denga, nopamberi penyu, 19 Ndichakodzeraba kuitiwa mwanakomana wenyu, ndibatei kunge umwe wovashandi venyu.’" 20 Adosumuka ndokuenda kuna baba vache. Asi baba vache pavadomuona achiri kurefu, vadomunzvira mutsa, ndokumhanyira komuzvembetera nokumutsvoda.

21 "Mwanakomana adobva wati kwavari, ‘Baba, ndidotadzira denga, nopamberi penyu, ndichakodzeraba kuitiwa mwanakomana wenyu.’ 22 Asi baba vadoti kuvashandi vavo, ‘Uyai kamangu nohembe idonakitsa, mupfekedzei, moisa ringi pakakumo kache, noshangu patsoka dzache. 23 Muuye nochimhuru chidokora mubaye tije, tifare. 24 Nokuti mwanakomana wanguyu wanga wapfa, asi waamupuma pakamu, wanga wataika, asi wawanika.’ Vadothanga kufara."

25 "Zvino mukoma wache anga ari kumunda, paadosvika papfupi nopamumba, adonzva kuimba nokutamba. 26 Iye adodaidza umwe wovashandi ndokumubvunza kuti chii changa chichiitika. 27 Iye adoti kwaari, ‘Munin’ina wako wauya, saka baba vako vamubaira chimhuru chidokora, nokuti vamuona achiri mupenyu, futi adosimba.’ 28 Asi iye adokaripa nazvo, ndokuramba kupinda mukati. Baba vache vadobirika panze ndokumupenzverera. 29 Asi adopindura baba vache achiti, ‘Onai, makore aya yese ndidokushandirai, handinai kureka kuteerera kuraira kwenyu, asi hamunai kundipasa kana kashere chaiko kuti ndije ndichifara noshamwari dzangu! 30 Asi paandodzoka wakareyu mwanakomana wenyu, wokupedzera upfumi hwenyu kupfambi, mamubaira chimhuru chidokora.’ 31 Baba vache vadoti kwaari, ‘Mwanakomana, iwewe uneni nguwa dzese futi zvese zvangu nzvako. 32 Zvagara zvidokodzera kupembera nokufara, nokuti munin’ina wako uyu wanga wapfa, apa wararama. Wanga wataika asi wawanika.’"

Mufananidzo woParera

45 "Pakare umambo hwokudenga hudoita kunge munhu womaronda ari kutsvaga usanga hudonakitsitsahwo, 46 iye adoti wawana usanga hudokoshetsa, adoenda ndokutengesa zvese zvaanga anazvo achibva wahutenga."

Mufananidzo woMufarisi noMuteresi

9 Adonyairawo mufananidzo kuno vamwe vaizvivimba kuti vadorurama vachishora vamwe ndokuti, 10 "Vanhu vairi vadoenda konamata muimba yaMwari, umwe wanga ari muFarisi, umwe ari muteresi. 11 MuFarisi adomira achinamata ari pache wega achiti, ‘Mwari, ndinokutendai kuti handinai kufanana novamwe vanhu, vanonhafu, vasinai kururama, mhombo, kana kunge muteresi uyu. 12 Ndinotsanya kairi pasondo, ndinopereka chogumi chozvese zvandinowana.’ 13 Asi muteresi, adomira kurefu asingasumudze kana chiso yache kudenga asi adozvidukupisa achiti, ‘Mwari, ndinzvireiwo tsitsi inini mutadzi!’ 14 Ndinokunyepai kuti, "Murume wakareyu, adoenda kumba kwache waruramisiwa kukunda muFarisi. Ndava wese anozvikwiridzira achaninipisiwa, asi uyo anozvininipisa achakwiridzihwa."

Mufananidzo woVaranda Vatatu

14 "Umambo hwaMwari hudofanana pakare nomurume adoenda hwendo, adodaidza varanda vache vaadovimba navo kusiira pfuma yache, 15 umwe adomupasa masaga mashano yondarama, umwe mairi, umwe ribodzi, umwe noumwe adopasiwa maererano nomagonero yache. Saka tenzi adobva waenda zvache. 16 Uyeuye adotambira masaga yondarama mashano adoenderafuti koita maronda nayo, achibva wawana yamwe mashano pamusoro. 17 Ndomwenze kamu nouye wanga anomasaga yondarama mairi adowana yamwe mairi. 18 Asi uye adotambira ribodzi adoenda koricherera pasi achivikha mari yatenzi wache.

19 Zvino kwapera nguwa irefu tenzi wovaranda vakarevo adouya kudzovabvunza zvavanga vaita nomari yache. 20 Iyeuye adotambira masaga yondarama mashano adouya achipereka yamwe mashano achiti, ‘Tenzi mudonditambidza masaga yondarama mashano, ndino yamwe yandidoingidzira mashano.’ 21 Tenzi wache adoti kwaari, ‘Hekani, muranda adonaka adotendeka, udova adotendeka pazvishoma, ndichakuita mukuru pazvizinji. Pinda mumufaro watenzi wako.’ 22 Nouye wanga ano masaga yondarama mairi adouyawo achiti, ‘Tenzi, mudondipasa masaga yondarama mairi, ndaingidzira yamwe mairi pamusoro poyamudondipasa.’ 23 Tenzi wache adoti kwaari, ‘Inde, muranda adonaka adotendeka, wanga udotendeka pazvishoma, ndichakuisa pamusoro pozvizinji. Pinda mumufaro watenzi wako.’ 24 Nyakupasiwa saga rondarama ribodzi adouyawo achiti, ‘Tenzi ndidokuzivai kuti muri munhu adooma, munokohwa pamusinai kujara, nokuunganidza pamusinai kuwaza mbeu. 25 Saka ndidocha, ndokubva ndaenda kovikha muivhu saga renyu rondarama. Onai, ndiri saga renyu rondarama.’ 26 Asi tenzi wache adomupindura achiti, ‘Naiwe muranda adoipa nyanungo, handiti waiziva kuti ndinokohwa pandisinai kujara, nokuunganidza pandisinai kuwaza mbeu? 27 Saka dai udoisaka mari yangu kubhengi, kuti pakuuya kwangu ndidzoitambira yabereka. 28 Saka mutorerei saga rondarama raanaro, muripase ano masaga gumi. 29 Ndava wese anozvaanazvo, achapasiwa zvimwe zvidowanda, wova nozvizinji. Asi uyo asinai chinhu achatorehwa nochaanacho peno. 30 Khandirai muranda wakareyo asinai nokabonyo kese murima rokunze, kwakareko vanhu vacharira nokurumanisa meno yavo nondava nokudzimbiwa.’

Murume Mupfumi NaRazaro

19 "Kwanga kuno umwe murume wanga adopfuma, waipfeka nguwo dzitsvuku dzidonaka nokuja zvidonaka mazuva yese. 20 Pasuwo pache paigara murume murombo waiitiwa Razaro, wanga adozara zvironda, 21 waida kuposhewa nozvaimbwera kubva pathafura yomupfumi, noimbwawo dzaiuya dzichinanzva zvironda zvache. 22 Murombo adopfa ndokutakuhwa nongirozi dzichimuisa pachipfuwa chaAbhurahamu. Mupfumi adodzopfawo ndokuvigiwa, 23 ari muHadhesi, achiyaura, adosumudza meso yache, ndokuona Abhurahamu ari kurefu naRazaro ari pachipfuwa chache. 24 Adodaidzira, ‘Baba Abhurahamu, ndinzvirei tsitsi, tumai Razaro anyike kumhera kwokakumo kache mumvura atonhodze chirimi changu, ndava ndiri kudzimbiwa murimi rino romoto.’ 25 Asi Abhurahamu adoti, ‘Mwanakomana, yeuka kuti panguwa youpenyu hwako udotambira zvidonaka zvako, zvidodaro Razaro adotambira zvidoipa, asi zvino ari kunyaradziwa pano, iwepa uri mundondo. 26 Pamusoro pozvakarezvo zvese, pakati pedu naimimi padoisiwa gomba ridonoketsa, kuitira kuti vaye vanoda kubva kuno vachiuya kwakareko vatadzirire, uyewo kuti pasaye vangayambukire kuno vachibva kwakareko.’ 27 Zvino adoti, ‘Saka ndinokukumbirai baba, kuti mumutume kumba kwababa vangu, 28 ndava ndino vanin’ina vashano, kuti avachenjedze, kuti vareke kudzouyawo munzvimbo ino yokuyaura.’ 29 Asi Abhurahamu adoti, ‘Mozisi novaporofiti vanavo, mbavavanzve vakarevo.’ 30 Asi adoti, ‘Neye, baba Abhurahamu, asi kana pakaita anoenda kwavari achibva kuvadopfa, vachapinduka.’ 31 Adoti kwaari, ‘Kana vasinganzvi Mozisi novaporofiti, vanopindukarini kana pakatomuka umwe kubva kuvadopfa.’"

Mufananidzo woSora

24 Jesu adoisa umwe mufananidzo pamberi pavo achiti, "Umambo hwokudenga hungafananidziwe nomunhu adojara mbeu idonaka mumunda wache, 25 asi vanhu pavanga vadoenzera, mhandu yache idouya ndokujara sora mukati mogorosi, ndokuenda. 26 Saka zvirimwa pazvidomera zvichibereka zvibereko, sora ridoonekawo. 27 Vashandi vomwenekachiro woimba vadouya kwaari vachiti, ‘Tenzi, handiti mudojara mbeu idonaka mumunda menyu, ko sei madzomera sora?’ 28 Iye adoti kwavari, ‘Mhandu ndiyo idoita izvozvi.’ Vashandi vadoti kwaari, ‘Saka munoda chere kuti tiende koridzura?’ 29 Asi iye adoti, ‘Neye, pamunenge muchidzura sora mungadzuririre kubodzi nogorosi. 30 Zvirekei zvikurire pabodzi kusvikira pakukohwa. Panguwa yokukohwa ndichaudza vakohwi kuti vathange kuunganidza sora, vorisunga mumisumbu kuti ripisiwe, vodzounganidza gorosi vachiriisa muchitura changu.’"

Mufananidzo woVasikana Gumi

1 Umambo hwokudenga hungafananidziwe novasikana gumi vadotora mwenje yavo vachienda kochingura murume. 2 vashano vacho vanga vadozungaira, vashano vanga vadochenjera. 3 Nokuti vadozungaira pavadotora marambe yavo, havanai kutora mafuta, 4 asi vadochenjera vadotora tudende tomafuta pabodzi nomarambe yavo. 5 Murume paadochehwa, vese vadokotsira ndokuenzera.

6 Asi pakati pousiku padodaidzihwa, ‘Onai murume! Birikai momuchingura.’ 7 Ipopo vasikana vaye vese vadomuka vachibatidza marambe yavo. 8 Vadozungaira vadoti kuno vadochenjera, ‘Tipaseiwo yamwe mafuta yenyu, ndava marambe yedu yaakudzimwa.’ 9 Asi vadochenjera vadopindura, ‘Pamwe yanodzokwanaba isisu naimipa, endai kuvatengesi mozvitengera.’ 10 Pavadoenda kotenga, murume adosvika, vanga vadogadzirira vadopinda naye mumabiko yomuchato, sasa richibva ravhariwa.

11 "Mumasure mozvakarezvo vamwe vasikana vadodzouya vachiti, ‘Ishe, Ishe tizururireiwo!’ 12 Asi adovapindura achiti, ‘Chokwadi, ndinoti kwamuri, ndinokuzivaiba.’"

13 Garirirai ndipo, ndava munozivaba zuva kana awa.