Perdão e misericórdia
O perdão é o coração do evangelho. Deus nos perdoou em Cristo e nos chama a perdoar uns aos outros, assim como fomos perdoados — sem limites e sem condições.
O perdão de Deus
Deus é rico em misericórdia. Ele apaga nossas transgressões e não se lembra mais dos nossos pecados. Quem confessa, alcança perdão.
"Ami, nwaako ami, nimayɛɛsa,
ɔtanlolaa ɔbla lɛfɔ ta ami omu leyooto oso,
namasinyuma sikple lɛfɔ kafɔɔ diidii.
"Ami, nwaako ami, nimayɛɛsa,
ɔtanlolaa ɔbla lɛfɔ ta ami omu leyooto oso,
namasinyuma sikple lɛfɔ kafɔɔ diidii.
fɛ mmle di kufĩ katunkɔ lekyo ni di kufĩ kamɛɛkɔ yi,
nkpo kafɔɔ atootekete ɔtanlolaa loo ɔbla di suoto loo nɛ.
O Saate, fale ɔyɔ ɔkyɛ, falɛ kafɔɔ,
fakpe lɛbɔmbɔ kpinwu fɛɛta bamuu ba ninlɛɛ fɔ nii.
O Saate, fale ɔyɔ ɔkyɛ, falɛ kafɔɔ,
fakpe lɛbɔmbɔ kpinwu fɛɛta bamuu ba ninlɛɛ fɔ nii.
O Saate, fale ɔyɔ ɔkyɛ, falɛ kafɔɔ,
fakpe lɛbɔmbɔ kpinwu fɛɛta bamuu ba ninlɛɛ fɔ nii.
Perdoar como fomos perdoados
Jesus ensinou que devemos perdoar setenta vezes sete. Se não perdoarmos aos outros, o Pai celestial também não nos perdoará.
A prática do perdão
Perdoar é um ato de obediência e liberdade. A Escritura nos exorta a suportar uns aos outros e perdoar de coração, se alguém tiver algo contra outro.
Misericórdia e graça
Deus é compassivo e tardio em irar-se. A misericórdia triunfa sobre o juízo, e quem se humilha diante de Deus encontra graça abundante.
Kafɔɔ di nyaami lɛfɔ ɔnya kplɛ nwu oso fatalo ma ee fadiɛ ma nnɛɛ, diekye sibualɛ letɛ ku nyaami-nyatɛ Yaa fale.
Mba ninle ni onukwale fandiki onukwale lɛfɔ fantuo ma,
mba suoto di ole nnaa nii, faatuo falɛ banaa ole kuonwii,
nse batii nii ba manlɛɛ ni ku leyooto nii, kamawakosa suoto lɛma kasɔ mampɛ ɔlaa kafɔɔ manwolaa anu nii, mankyi di asiosie sisuku lɛma nwu yi, ni kamanu nkyeko osi, n-yɔ kafɔɔ sikpile lɛma nkyɛ ma, n-yɔɔsa kafɔɔ kasɔ lɛma nwu ofiɛ.
Suoto Ololaa Ɔta Okpi Diisi Ofe Dii Ole
Hesekia lata Israel ku Yuda omuu kanya, ni aakpana akũ kafɔɔ aata Efraim ku Manase, aalɛɛ ma alɛ bawa SAATE nwu olekatakɔ di Yerusalem baabale Okpi Diisi Ofe Dii bata SAATE Israel Yaa nwu nɛ. Ɔka ku banɔɔfotii nɔɔ ku kasikɔ nwu kamuu di Yerusalem latɛ alɛ babale Okpi Diisi Ofe dii nwu di Yuda batii kɔwɛntɛ nyɔɔfa kamɛ. Batafuo dii nwu ole di obe ninwu kamɛ, diekye olebatatɛ ba niakleklesa ni suoto lɛma ditapɔ, batii nwu kafɔɔ ditasi di Yerusalem. Mmle baatitika ni lakyɛkyɛ diata ɔka ku kasikɔ nwu kamuu, akyuu nwu anyɔ. Ni baatɛ alɛ booyie lɛkya manfenko di Israel omuu, diayɔ ni di Beer-Seba dialaadu ni Dan, baatɔɔlɛɛ batii nwu alɛ bawa Yerusalem baabale Okpi Diisi Ofe Dii nwu bata SAATE Israel Yaa nwu nɛ. Badisinle dii nwu di lɛpɔ kplɛ kamɛ di mmle baakpana baatɛ ni kanya.
Ni di batɔkyɛntɛ nwu laklee akũ ya niakye ni ɔka ku banɔɔfotii nɔɔ nfũ baafenko di Israel ku Yuda omuu, di ɔka kufiofa kanya, kuabuɛ alɛ:
"Israel batii, bipɛbikple biwa SAATE nwu nfũ, Abraham, Isak ku Israel Yaa ɔkyɛ, alɛ aapɛankple anwa aye ba niebu ni, biatoso biadie ni di Asiria baka nnɛɛ ɔkyɛ. Bitante fɛ bate lee ku babilee ba nitale onukwale baata ni SAATE nwu, bate lɛma Yaa nwu, diata alɛ aabla ma baate fɛle lɛyɛkɛsaa, fɛ mmle biɔnya nii. Bitanle batokopĩtɛ, fɛ mmle di bate lee late nii; biyɔ suoto lee bita SAATE nwu. Biwa kakleklekɔ ka atookleklesa ni dinaa ni kaloo. Bisumu SAATE Yaa lee nwu, mmle di ɔblɔ yakayaka nɔɔ kamunikĩi kunkyɛ ye ni di suoto. Nse biɛpɛbiekple biɛwa SAATE nwu ɔkyɛ yi, ni babilee-suɔtɔbi ku babi lee bamufũtɛ kamanya ma nyaami mampɛmankple manwa kafɔɔ kasɔ ka mmle, diekye SAATE Yaa lɛfɔ nkpe sifutulɛ, an-nya kafɔɔ nyaami. Ɔlɔbakyisa anu nɔɔ di suoto lee nse biɛpɛbiekple biɛwa ɔkyɛ nɔɔ."
Batɔkyɛntɛ nwu ladie baakyɛ okpoo biala di Efraim ku Manase, dialaadu bia Sebulon. Kafɔɔ batii nwu lama ma baanyu ma kafɔɔ nyakatãa. Kafɔɔ yi, Aser, Manase ku Sebulon batii bawo lawakosa suoto lɛma kasɔ ni baadie baakyɛ Yerusalem nɛ. Di Yuda kafɔɔ yi, Yaa kɔnɛɛ latika di batii nwu suoto diata alɛ disibu lɛma labla ninwii baayɔ baabla ɔkpɛ wɔ di ɔka ku banɔɔfotii nɔɔ lakpee ma ni ɔbla, di SAATE nwu ɔlaa kanya.
Baale Okpi Diisi Ofe Dii Nwu
Batii ɔlambu kplɛkplɛ lasi di Yerusalem alɛ boole Bloblo wɔ Ninantaka ni Dii di Yuda batii kɔwɛntɛ nyɔɔfa kamɛ. Baakpakpaa oleɔta akyikye ya niayila ni di Yerusalem, baalɛ kafɔɔ olufui oleɔta akyikye baalaawii di Kidron Ɔtaata.
Ni baalo Okpi Diisi Ofe lefosobi nwu di lefosi dii naafa di Yuda batii kɔwɛntɛ nyɔɔfa nwu suoto nɛ. Sinunsɔ lakpɛ olebatatɛ ku Lewi batii nwu ni baakleklesa suoto lɛma baayɔ ofiɛ asaaɔta baawako SAATE nwu olekatakɔ nɛ. Ninfɛ baayila di n-yilakɔ lɛma fɛ mmle bɛɛtɛ ni di Yaa otii nwu Mose Kufiofa kamɛ nɛ. Ninfɛ di olebatatɛ lanwanwanyi ntɔ be di Lewi batii layɔ baata ma ni nɛ. Di batii kpinwu di ɔlambu nwu kamɛ diikleklesa ni suoto lɛma oso yi, Lewi batii nialo Okpi Diisi Ofe afosobi baata batii ba bamuu nitaklekle nii, batafuo ni afosobi lɛma okleklesa ɔta ni SAATE nwu. Nu di batii dudu di batii kpinwu ba niakye ni Efraim, Manase, Isakar ku Sebulon baawa ni ditakleklesa ni suoto lɛma, kafɔɔ baale ni Okpi Diisi Ofe Dii nwu yi, baayila di lɛsaa le bɛɛkpana bɛɛtɛ ni suoto. Kafɔɔ Hesekia lapɛ ɔlaa aata ma, aabuɛ alɛ, "SAATE nwu, nnwɔ ninlɛ ni, ayɔ akyɛ otii biala wɔ niɛyɔ ni otu nɔɔ ɛɛtɛ ɛɛta ni Yaa owolaa- SAATE nwu, bate nɔɔ Yaa- bia nse aaklekle di kakleklekɔ nwu afiofa kanya." Ni di SAATE nwu lanu aata Hesekia, ni aayɔɔsa batii nwu ofiɛ nɛ.
Israel batii ba niawɛ ni di Yerusalem lale Bloblo wɔ Ninantaka ni dii ayi akuɛnsĩ ku suoto lɛyɔɔ kplɛ ɔnya, obe wɔ di Lewi batii ku olebatatɛ nwu latɔɔsa ni sinu baatɔɔta ni SAATE nwu dii biala, di SAATE nwu katansa asansaa lakyakaa nii.
Ninfɛ di Hesekia lakakatɛ osie okpee sɛlaa aata Lewi batii bamuu, mba niawɛ ni lɛsɔnu nwaa di SAATE nwu ɔkpɛ ɔbla suoto nɛ. Ayi akuɛnsĩ amu baale nlekɔ lɛma be baata ma nii, baata atoko ɔkyɛ ole asaaɔta, baatansa SAATE, bate lɛma Yaa nwu.
Baakple Baase Dii Ole Lɛnyɔɔfa
Ni di kasikɔ nwu kamuu latuna alɛ boole dii nwu ayi akuɛnsĩ mankyakaa nɛ; nioso baale dii nwu ayi akuɛnsĩ bamba ku suoto lɛyɔɔ. Yuda ɔka Hesekia lata kasikɔ nwu banankyue-suɔtɔ kakpe, bafoso ku batie nkpe nkuɛnsĩ, aata banɔɔfotii nwu kafɔɔ banankyue-suɔtɔ kakpe, bafoso ku batie nkpe lefosi. Olebatatɛ di lɛpɔ kpinwu kamɛ lakleklesa suoto lɛma. Yuda kasikɔ nwu kamuu lanya suoto lɛyɔɔ, diakyakaa ni di olebatatɛ ku Lewi batii ku mba bamuu niakye Israel baabasi ni, dikyakaa ni di bafɔɔ ba niakye ni Israel ku mba niasiɛ ni di Yuda. Suoto lɛyɔɔ kplɛ lawɛ di Yerusalem, diekye diayɔ ni di Israel ɔka Dawid obisuɔtɔbi Solomon obe kamɛ yi, lɛsalɛsaa kuninwii diiwɛ di Yerusalem fɛle nle mmle okle. Ni di Olebatatɛ ku Lewi batii layila baata batii nwu lɛtɔtrɔ, ni di Yaa lanu aata ma nɛ. Diekye ɔlaa ɔpɛ lɛma ladu osi, di kasiɛkɔ klekle nɔɔ.
Arrependimento e perdão
O arrependimento genuíno abre as portas do perdão. Deus convida todos ao arrependimento e promete perdoar completamente quem volta a Ele.
Ni labuɛ sikpile nii latɔkɔ fɔ nɛ,
ntatĩtĩi ɔsaabla kpile nii kafɔɔ.
Labuɛ nlɛ, "Kamadiki ɔtanlolaa ɔbla
nii mbuɛ ntɔkɔ Saate nwu"-
ni faayɔ sikpile nii
lɛpɔɔ okpi faakyɛ mi nɛ. Yila kɛɛkɛ
Ta amumu otii nwu akyi di osuku nɔɔ nwu
di otii kpile nwu kafɔɔ adiɛ disibu nɔɔ.
Ta amumu otii nwu akyi di osuku nɔɔ nwu
di otii kpile nwu kafɔɔ adiɛ disibu nɔɔ.
Perdão nos relacionamentos
Se teu irmão pecar contra ti, repreende-o; se se arrepender, perdoa-lhe. Não guarde ressentimento — liberte-se pelo perdão.
Israel Ditale Onukwale
"Nse osuɔtɔ lesĩ ɔsɔfɔ nɔɔ
di ɔsanko nwu lediɛ nwɔ ɛɛlaayɔ osuɔtɔ bamba,
ni osuɔtɔ nwu kakple ansifi ɔsanko nwu ɔkyɛ?
Diele kasɔ nwu bɔɔtɛ bɛɛlalaasa nɛ?
Kafɔɔ fatoosiɛ nkpa fɛ sɔnɔkpeetɛ ku basɔnɔ kpinwu-
nunua fabapɛfankple fanwa ɔkyɛ nii?"
SAATE nwu niebuɛ.
"Takatɛsa anu faanyu abokote ya niekpi ni.
Lɛba lewo nkpe manaditenko fɔ ni?
Fansiɛ di osuku kotoko fansoko basɔnɔ lɛfɔ,
fansiɛ fɛle otii wɔ nikokyikyii ni di ɔfaafuu kamɛ.
Fatɔɔlalaasa kasɔ nwu
ku lɛsɔnɔkpee ku sikpile ole lɛfɔ.
Nioso kanto dilosin-wiwii,
kabiene kanto kafɔɔ diinɔɔ.
Kafɔɔ anu lɛfɔ nte fɛle sɔnɔkpeetɛ ale;
sinunsɔ dilosinkpɛ fɔ.
Diele kanunua nwu fɛɛlɛɛ mi falɛ:
‘Teete nii, siɛwo nii diayɔ ni di sibisɔ nii obe kamɛ,
fabanya ɔblɔ obe lele?
Fabaklee oklee ɔblɔ yakayaka lɛfɔ nwu dinaa ni kaloo?’
Nkpo kanya fankakatɛ nɛ,
kafɔɔ fambla okpile biala faafuo nii."
Dikpeni Israel Ku Yuda Lekyisa Nkpa
Di Ɔka Yosia sɛka olebee kamɛ yi, SAATE nwu latɔkɔ mi alɛ, "Fatɔɔnya lɛsaa le di Israel onukwale ɔtanle lɛbla ni? Atɔɔkata ɛɛkyɛ kobokote takale biala osi ku kowoso biala niefukuti ni kalɔ ɛɛlaakpee asɔnɔ ninfa. Lanyu nlɛ n-se atɔɔbla n-ya mmle amuu eeloo sɛmaa yi, abapɛankple an-wa ɔnkyɛ nii, kafɔɔ atakple aawa. Onukwale ɔtanle obilɛma-sankobi Yuda kafɔɔ lanya ni. Lata Israel wɔ ninaa ni onukwale kusinkũ nɔɔ, latososa nwɔ aasifi, ta lɛsɔnɔkpee nɔɔ nimuu oso. Lanya kafɔɔ nlɛ lɛyɛkɛ kuninwii diesi di onukwale ɔtanle obilɛma-sankobi Yuda kamɛ; nnwɔɔ kafɔɔ aadie aakyɛ aalaakpee asɔnɔ. Ta lɛsaa biibii di Israel lɛsɔnɔkpee lale diatɔɔ ni oso yi, aakpɔnɔfɔsa kasɔ nwu, aalaasumu afuɔ ku awoso. Di n-ya mmle amuu sɛmaa yi, onwukwale ɔtanle obilɛma-sankobi Yuda ditapɛaakple aawa ɔkyɛ nii ku otu nɔɔ omuu, kafɔɔ okũ ko aakũ aabla nkpo," SAATE nwu niebuɛ.
Ni di SAATE nwu latɔkɔ mi alɛ, "Israel wɔ ninaa ni onukwale lɛbla tinini alenke Yuda onukwale ɔtanle. Tɔɔkyɛ faalaayie ɔlaa wɔ mmle lɛkya di katookasɔ lɛkyɛ falɛ:
"‘Israel wɔ ninaa ni onukwale, pɛfakple fawa,’ SAATE nwu niebuɛ,
‘Namasinnya ɔblɔ di suoto lɛfɔ,
diekye nyaami-nyatɛ nle,’ SAATE nwu niebuɛ,
‘Namanya ɔblɔ dinaa ni kaloo.
Fũ lɛpɔɔ lɛfɔ okpi fakpee-
fɛɛbla otokopĩ di SAATE Yaa lɛfɔ suoto,
feediɛ suoto lɛfɔ fɛɛta bafɔɔ bayaa
di kowoso biala niefukuti ni kalɔ,
ni feesĩ mi kotoko ɔkyɔɔ nɛ,’"
SAATE nwu niebuɛ.
SAATE nwu lebuɛ alɛ, "Batii ba ninaa ni onukwale bipɛbikple biwa, diekye ɔsa lee nle. Kamadiki ye- onwii nkyeko okpoo, banyɔ kafɔɔ nkyeko kafaabi- ninkpaa ye n-wako Sion. N-se ntɔɔta ye batunletɛ ba niekye ni otu nii omu kamɛ, mba nimaleko ye ni katũ ku lɛsaatofo ku lɛsɔnu. Di obe nwu nkpo kamɛ, nse bitɔɔpɔ biɛkpɛ di lɛpɔ kamɛ nwaa di kasɔ nwu suoto," SAATE nwu niebuɛ alɛ, "batii dilɔbasimbuɛ alɛ, ‘SAATE nwu kanya ninii lɛlakaa nwu.’ Dilɔbawa di asibu lɛma kamɛ ee banyuma ni diidii; dilɔbayu ee babla lɛbamba. Di obe nwu kamɛ babalɛɛ Yerusalem alɛ SAATE nwu Lɛkakpomii, nnle nwu mmuu kafɔɔ kamasi di Yerusalem manta SAATE nwu leyooto dibu. Blɔbasintikanko situ lɛma onunsie akpilesaa nwu. Di ayi nwu nkpo kamɛ yi, Yuda leyo kamakyakaa di Israel leyo suoto, mansi mandie di kasɔ nwu di katookasɔ suoto mansifi kasɔ ka lata ni bawa lee fɛ atesaa suoto.
Yaa Batii Nwu Afiɔ Kasumu
"Ami omu niabuɛ nlɛ,
"‘Kamaklee fɔ suoto lɛyɔɔ kanya fɛle babisuɔtɔbi nii,
nta ye kafɔɔ kasɔ ka ninlɛ ni nwaa,
atesaa ya niɛtɛ alɛ alenke ni di kale lele ale suoto.’
Lanyu nlɛ fabalɛɛ mi falɛ, ‘Teete’
alɛ flaamunikĩi fasifi fadiɛ mi otikanko.
Kafɔɔ fɛle ɔsanko wɔ ninanle ni onukwale ata ni ɔsa nɔɔ,
Oo Israel leyo, nkpo fananle onukwale fatɛɛ nɛ,"
SAATE nwu niebuɛ.
Boonu kaku di abokote ya niekpi ni osi,
Israel batii kaku owi ku lekoto otikiti,
diekye batɔɔkyɛlɛnsa ni sisuku lɛma
beeyee ni kafɔɔ SAATE Yaa lɛma.
"Batii ba ninaa ni onukwale, bipɛbikple biwa;
kamabla ye onukwale ɔtanle nwu kɔfa."
"Nwaako, bubawa fɔ ɔkyɛ,
diekye afɔ ninle SAATE Yaa loo.
Nwaako, afiɔ kasumu nwu di akpenkpe
ku abokote nwu suoto nle kakyɔnkyɔ;
nwaako, di SAATE Yaa loo kamɛ
di Israel didiki nsi.
Diayɔ ni di sibisɔ loo obe kamɛ di sinunsɔ afiɔ lalalaasa
bawa loo ɔkpɛ ɔbla lɛsaawɛ-
babɔkɛɛ sele ku banankyue lɛma,
babisuɔtɔbi ku babisankobi lɛma.
Bita buklɛbute di sinunsɔ loo kamɛ,
biɛta anunsɔsaa loo atĩi wo suoto.
Buɔbla okpile di SAATE Yaa loo suoto,
akyuu loo anyɔ, awo ku bawa loo;
diayɔ ni di sibisɔ loo diɛbadu ni miɛ dii le mmle,
butakyɔɔ SAATE Yaa loo ɔlaa kotoko."