14 बिधाता दैणीं तम्हां लै होरी देशे लोगा का खास्सी बर्गत। तेखअ नां तम्हां मांझ़ै कसरी अत्री हणीं अर नां थारै डागै-चैणैं बांढै हणैं।

7 पर इज़राईले लुआदा रही आजू फुलदी-फल़दी लागी अर तिंयां रहै बलबान हंदै लागी। तिंयां हुऐ एतरै खास्सै कि तिन्‍नां करै भर्हुअ सारअ मिसर देश।✝

2 तेऊए आद-लुआद हणीं देशै बलबान अर

तेऊ भेटणीं परमेशरा का खास्सी बर्गत।

13 तंऐं आसा मेरी देही भितरे सोभै गल्‍ला बणाईं दी,

मेरी आसा आपणैं हाथै मेरी माए ओदरै हुंह बूणअ द।

14 हुंह करा तेरअ शूकर किल्हैकि ताखा लागा डरनअ ई,

ज़ेऊ साबै तंऐं हुंह बणाअं सह आसा बडअ ज़बर अर नोखअ!

ऐहा गल्‍ला समझ़ा हुंह ज़ाथी राम्बल़ै करै।

15 मेरी माए ओदरै ज़ोल़ै तंऐं

मेरै हाडकै-हाडकै बडै राम्बल़ै करै,

हुंह त गुप्त बझ़दअ लागअ द

पर ताखा निं मेरी किछ़ै च़ीज़ गुप्त आथी ती,

16 तूह त मेरै ज़ल्म हणैं का आजी मुंह बझ़दै भाल़अ लागअ द।

मेरै ज़ल्म हणैं का आजी थिऐ तंऐं

मेरी ज़िन्दगीए हर धैल़ै

आपणीं कताबा दी लिखी हेरै दै डाही।

3 असली बर्गत हआ लान्हैं सुन्हैं हणैं,

तिंयां हआ बिधाता हाम्हां लै

आप्पू बाखा दैनी दी भैंट।

9 सियोन, मंऐं कै इहअ लाअ करी कि सूंणें धैल़ै तैणीं बी पजैल़ी अर तेखअ निं मंऐं सूंणैं दैनअ?" अह गल्‍ल डाही बिधाता बोली।

13 मसीहा ज़ुंण मुल्है शगती दैआ तेऊ दी सका हुंह सोभ किछ़ करी।

9 पर तेऊ बोलअ हर बगत इहअ, "ताल्है आसा मेरअ जश ई बतेर्हअ। किल्हैकि मेरी शगती करा कमज़ोरी दी खास्सअ काम।" तैही करनअ मुंह आपणीं कमज़ोरी प्रैंदै बडै नंदा दी घमंड कि ईशू मसीहे शगती लोल़ी मुंह प्रैंदै बणी रही।

2 हे बिधाता, मेरी अरज़ शुण! मुंह बच़ाऊ छ़ेक्‍कै,

तूह बण मुल्है मेरी शरण लणें बडी टोल्ह अर

इहअ गहल़ ज़िधी हुंह बच़ी सका।

2 मुखा निं ऐबै आशा ई शुझदी,

हुंह मांगा ताखा आपणैं देशा का दूर रही लेर-पकार पाई मज़त।

तूह बशैल़ मुंह तैहा बडी टोल्हा पिछ़ू ज़ेथ हुंह शरण लई सके।

11 परमेशरा करनीं आपणीं हेल़्हीए फुआला ज़ेही फाज़त,

तेऊ करनै होछ़ै-होछ़ै मिम्मूं कठा संघा निंणै आपणीं भोसल़ै ढाकी,

तिन्‍नैं माआ नढैऊंणीं तेऊ सुलै-सुलै आजू।✝

3 "याकबे आद-लुआद, ज़ुंण तम्हैं मेरी परज़ा इज़राईली मांझ़ै ज़िऊंदै आसा बच़ै दै,

तम्हैं शूणां कि हुंह बिधाता किज़ै बोला।

हुंह आसा हुऐ ज़ल्मां ओर्ही तम्हां भोसल़ै रगाऊंदअ लागअ द।

4 तम्हैं खास्सै प्रोढै बी होए अर थारै मूंड पल़ू करै शेतै हणैं तैणीं

रहणअ मुंह इहै ई रगाऊंदै लागी।

किल्हैकि थारअ परमेशर आसा हुंह,

तम्हैं आसा मंऐं बणाऐं दै अर धाचणै बी तम्हैं मुंह ई।

तम्हैं डाहणैं मुंह इहै ई ढाकी अर बच़ाऊई।

15 पर परमेशरा करनअ बेटल़ीए शोहरू-माठै पैईदा करनै पिछ़ू उद्धार ज़ेभै तैणीं तिंयां मसीहा दी विश्वास करा, सोभी संघै झ़ूरी डाहा अर आपणीं ज़िन्दगी नर्दोश डाहे।

28 तेसे शोहरू करा तेसे खास्सी सर्राफी

अर तेसो मर्ध करा तेसे इहअ बोली सर्राफी,

1 सह आदमी अर तेऊए बेटल़ी लागै आजू रहंदै बस्सदै संघा हुअ तिन्‍नों एक शोहरू। ज़नानी बोलअ इहअ, "एऊ शोहरू नाअं डाहणअ मुंह कैन किल्हैकि मुंह भेटअ अह शोहरू बिधाता का।"

1 ज़िहअ बिधाता बोलअ त, तेऊ डाहअ तैहा गल्‍लो धैन, संघा दैनी सारा लै बर्गत।

2 एही थिअ आबराम खास्सअ प्रोढअ गअ द हई, तेऊ करै हुई सारा प्रोढी अमरा सुंदी संघा ज़िहअ बिधाता बोलअ त, तेसो हुअ ठीक तेभै ई शोहरू।✝

21 बैह करी गई ती बिह साला हई पर रिबके निं आजू लुआद हुई ती। इसहाकै किई बिधाता सेटा अरज़ कि मेरी लोल़ी आजू लुआद हुई। बिधाता दैनअ तेऊ लै बअर संघा हुई रिबका सुंदी।

20 इहअ करै हुई हन्‍ना सुंदी अर तेसो हुअ एक शोहरू। तैहा डाहअ तेऊ शोहरू नाअं शमूएल, किल्हैकि सह रहा ती इहअ बोल्दी लागी, "अह आसा मेरै बिधाता का मांगी करै हुअ द।"

1 ज़ुंण परम प्रधान बिधाता सेटा शरण लआ,

ज़ुंण परम प्रधान परमेशरे आसरै निहंचै रहा,

2 सह बोला बिधाता लै इहअ,

"तूह आसा मेरी शरण लणें ज़ैगा अर बच़णे ज़ैगा,

तूह आसा मेरअ परमेशर ज़हा दी हुंह भरोस्सअ डाहा।"

7 बिधाता काढणअ तूह आफ़ता का बच़ाऊई,

तेऊ बच़ाऊंणअ तूह मरनै का।

8 बिधाता करनी आझ़ा पोर्ही सारी सदा,

एछदी-नांहंदी तेरी फाज़त।

5 "तूह आसा मंऐं तेरी माए ओदरा का छ़ांटअ द,

तूह आसा मंऐं तेरै ज़ल्म हणैं का आजी छ़ांटी हेरअ द कि

तूह देशा-देशा लै मेरअ गूर होए।"✝

22 "ज़ै कुंण मर्ध सुंदी बेटल़ी इहअ च़िक्‍के कि आप्पू ता बच़ी सह राम्बल़ी पर तेसे ओदरै तेता करै बच्च़अ मरे, तेता लै डेओऐ तैहा बेटल़ीओ मर्ध पांच़ा सेटा अर तेऊ च़िक्‍कणै आल़ै लागणीं तेतरी सांठ भरनीं ज़ेतरी तिंयां पांच़ फैंसलअ करे। 23 पर ज़ै तैहा बेटल़ी खास्सी हान्‍नी होए, तेखअ आसा सज़ा ज़िन्दगीए बदल़ै ज़िन्दगी,

15 "बिधाता दैनअ तिन्‍नां लै ज़बाब,

‘इहअ निं हई सकदअ कि माआ आपणैं दुधा झुटदै शोहरू बिस्सरी पाऐ अर

आपणैं ओदरा का हुऐ दै शोहरू लै झींण निं करे!

माआ ज़ै आपणैं शोहरू बिस्सरी बी पाए,

पर हुंह निं तम्हां कधि बिस्सरदअ आथी।

11 आबरामै किअ विश्वास अर परमेशरै दैनअ तेऊ लै इहअ बल कि तेऊओ हुअ शोहरू तेभै गअ त सह खास्सअ प्रोढअ हई अर तेऊए लाल़ी सारा बी थिई बांढी अर प्रोढी गई दी हई। परमेशरै बोलअ तैहा लै कि तेरअ हणअ एक शोहरू अर आबरामै किअ भरोस्सअ कि परमेशरा करनअ तिहअ ई ज़ेही तेऊ करार आसा किई दी।✝

45 परमेशरा दैणीं ताल्है बर्गत, किल्हैकि तंऐं किअ विश्वास कि ज़ुंण गल्‍ला प्रभू बाखा का ताल्है बोली ती, तिंयां हणीं पूरी।"

46 तेखअ बोलअ मरिअमै,✝

"मेरी आत्मां करा प्रभूए ज़ै-ज़ैकार

47 अर हुंह हुई उद्धार दैणैं आल़ै परमेशरा करै खुश।

48 किल्हैकि तेऊ भाल़ी हुंह ज़ुंण तेऊए दासी अर तैही भाल़ा,

एभा पोर्ही जुगे-जुगे लोगा बोल़णअ इहअ कि परमेशरै दैनी मुल्है बर्गत।

49 किल्हैकि स्वर्गे सारी सैने मालक परमेशरै किऐ मुल्है बडै-बडै काम

अर तेऊओ नाअं आसा पबित्र

9 ज़हा बेटल़ीओ हुअ-ज़ाअ निं आथी, तैहा लै दैआ सह लुआद अर तैहा भेटा खुशी।

बिधाते करा ज़ोरै-ज़ोरै ज़ै-ज़ैकार।

16 मुंह दैणीं तैहा लै बर्गत अर तैहा का हणअ ताल्है एक शोहरू। सह हणीं खास्सै देशे लोगे मूल़ माता अर तैहा का हुई दी आद-लुआदा मांझ़ै हणैं आजू कई राज़ै बी।"

3 तिन्‍नें आपणीं लाल़ी हणीं तिन्‍नें टबरा लै फल़दी दाखे बेला ज़ेही,

तिन्‍नें शोहरू हणैं तिन्‍नां लै जैतूने बूटा ज़िहै।