Proximidade
Deus é próximo dos que o buscam. Ele não é um Deus distante, mas presente, íntimo e acessível a todo o que o invoca com sinceridade de coração.
Buscar a presença de Deus
A Bíblia nos exorta a buscar a face do Senhor continuamente. Quem se aproxima dele encontra plenitude de alegria e delícias perpétuas.
Bitika Saate nwu ku osie nɔɔ disi;
biwolaa anu nɔɔ obe lele.
Biwolaa SAATE nwu ku osie nɔɔ;
biwolaa anu nɔɔ obe lele.
Ta nkpo oso, biwolaa SAATE nwu di obe wɔ bibanyɔɔ ni;
bilɛɛ nwɔ di obe wɔ ɛɛtɛɛtɛɛ ni.
Lɛsaa ninwii kɔkaalɛ Saate nwu,
nni ninle nle komiɛ ni nɛ:
alɛ kasiɛ di Saate nwu leyo kamɛ
di nkpa nii ayi amuu kamɛ,
alɛ kanya Saate nwu sɛlɛ,
alɛ kawolaa nwɔ di olekatakɔ nɔɔ kamɛ.
Leyo lɛfɔ osiɛ dii ninwii nlɛ dilenke
ayi kakpe di kakɔ bamba;
kamale kayoko nyuntɛ di Yaa nii leyo bia,
ninlenkee alɛ kasiɛ di bakpiletɛ akpanta kalɔ.
Fatɔɔtɛɛ letofo nkpa osuku nwu;
fabata suoto lɛyɔɔ n-yii mi kamɛ di anu lɛfɔ,
ku lɛpɔ le ninaa ni kaloo di oletanɛɛkyɛ lɛfɔ.
Deus está perto
O Senhor está perto dos que o invocam, dos quebrantados de coração e dos que clamam por socorro. Sua presença nos sustenta.
Batininitɛ nwi kaku, Saate nwu nnu anta ma kafɔɔ;
andiki ma ankyeko amiina lɛma amuu kamɛ.
Saate nwu lɛtɛɛtɛɛ batii ba di situ lebiɛ ni
anfũ kafɔɔ batii ba di anwuna kodie ni.
Nwaako, dibiene ku lɛbɔmbɔ nimatikanko mi
di nkpa nii ayi amuu kamɛ,
ni masiɛ di Saate nwu leyo kamɛ
obe lele.
A presença que nunca abandona
Deus promete nunca nos deixar. Ele permanece fiel, está conosco em todo tempo e envia o Espírito para habitar em nossos corações.
SAATE, Yaa loo nwu asiɛko wo fɛ mmle aasiɛko ni bate loo; atandiɛ wo aatɛ ee aayee wo diidii.
Kafɔɔ di nyaami lɛfɔ ɔnya kplɛ nwu oso fatalo ma ee fadiɛ ma nnɛɛ, diekye sibualɛ letɛ ku nyaami-nyatɛ Yaa fale.
Nioso Mose lasiɛ ninfa ku SAATE nwu ayi afosi ana ku nkyɛ afosi ana. Atale alesaa ee anyi ntu kafɔɔ. Ni aakpana kanya ninii sɛlaa nwu ninle ni afiofa lefosi nwu di afuɔ nkyɛ nwu suoto nɛ.
Yaa Ninwuna labuo di Oded obisuɔtɔbi Asaria suoto. Ni aadie aakyɛ aalaakyakako Asa aatɔkɔ nwɔ alɛ, "Bikyɔɔ mi atoko, Asa ku Yuda ku Benyamin omuu. SAATE nwu nsiko ye di obe wɔ bisi ni ku nnwɔɔ. Nse biewolaa nwɔ, bibanyɔɔ, kafɔɔ nse biesĩ nwɔ yi, abasĩ ye. Ditɔɔklɛ di Israel ditawɛ ni Yaa omuomu, batawɛ oletatɛ wɔ nikatuo ma ni asaa, batawɛ kufiofa kafɔɔ. Kafɔɔ di nimiina lɛma kamɛ yi, baamunikĩi baawa SAATE nwu nfũ, Israel Yaa nwu, baawolaa nwɔ, ni baanyɔɔ kafɔɔ nɛ. Di obe nwu kamɛ yi, falaafuo osuku ɔkyɛ okyikyii di atoko ɔkyɛ ole kamɛ, diekye batii ba bamuu niasiɛ ni di kasɔ nwu suoto lasiɛ di amumu kplɛ ɔbla kamɛ. Kale kanwii ntaka di kale bamba suoto, okpoo kplɛ kafɔɔ ntaka di okpoo kplɛ bamba suoto, diekye Yaa latookpee ma kubuɛ ku amiina ateate biala. Kafɔɔ aye yi, biwɛ osie, bitanta disi, diekye babata ye letota di ɔkpɛ wɔ biɔbla ni suoto."
Obe wɔ di Asa lanu ni sɛlaa se mmle ku Oded obisuɔtɔbi ɔlabuɛtɛtɛ Aseria ɔlaa obuɛ ɔtɛ nwu yi, aawɛ otu. Aakpakpaa ayududusaa afiɔtii nwu di Yuda ku Benyamin kasɔ kamuu ku sekpoo se aafũ ni di Efraim akpenkpe kamɛ. Asa lalolaa SAATE nwu oleɔta akyikye ya niayila ni di SAATE nwu olekatakɔ lɛkpata sitũ.
Ninfɛ di Asa lasiisa Yuda ku Benyamin omuu ku batii ba niakye ni Efraim, Manase ku Simeon ba nintɔɔwa basi ni kaamɛ lɛma nɛ. Diekye batii kpinwu lakye Israel baawa ɔkyɛ nɔɔ di obe wɔ baanya alɛ SAATE Yaa nsiko nwɔ nii.
Baasi di Yerusalem di Asa sɛka olebee lefosi lɛlɛɛ nɔnle di kɔwɛntɛ tiɛfa kamɛ. Di obe nwu kamɛ baayɔ banankyue nkpe alafa-akuɛnsĩ, bafoso ku batie nkpe-nkuɛnsĩ ba baakyeko kakpɛ kamɛ asaa ya baayɔ baawako ni baata ole baata SAATE nwu. Baabla kanya ninii kanwii alɛ boowolaa SAATE nwu, bate lɛma Yaa nwu, ku otu lɛma ku ɔkla lɛma omuu. Batii bamuu ba ninamawolaa ni SAATE Israel Yaa nwu yi, babalo ma, obisɔ ee ɔnɔɔfo, osuɔtɔ ee ɔsanko. Ni baaka ntam baata SAATE nwu, ku sɛlɔ siene ku kudu oyiisa ku akyukyoo ku babɔkɛɛ akya nɛ. Yuda omuu lanya suoto lɛyɔɔ di ntam nwu ɔka suoto, diekye baaka mi ku otu lɛma omuu. Baawolaa Yaa osie kanya, ni baanyɔɔ nɛ. Nioso SAATE nwu lata ma ɔnyɛɛ ɔtɛ di ɔfankyi biala.
Ɔka Asa latakatɛ ɔwa nɔɔ sanko Maaka di lekpomii nɔɔ fɛ ɔkasanko, ta aabla ni afiɔ-sanko ya bɔɔlɛɛ ni Asera owoso diyududusaa oso. Asa labudi owoso nwu aatɛ kaasɔ, ni aabubudi nwu aakpee di ɔtɔ aafiɛ di Kidron Ɔtaata nɛ. Nu atakpakpaa ntakalekɔ nwu di Israel yi, Asa otu omuu latika di SAATE nwu suoto di nkpa nɔɔ osiɛ mmuu kamɛ. Ni aayɔ koto fututu ku koto sɛɛle ku awansaa ya di nnwɔɔ ku ote ladiki ni kayi aawako di Yaa olekatakɔ nɛ.
Kakpɛ kukanwii ditasinwɛ dialaase di ɔka Asa sɛka olebee alɛɛ afosi-atiɛ-lɛnɔnle kamɛ.