Recompensa

6 Kenlum si mene pe suiyi tei gailak. Kedanemene Tinggwang da kegwangme pa lunghla lie kecu nah pa au pecu peei kelame ziehi teibeu kelabe lie kecu nlumlu maisia.

12 Mdakkepie liakelube samlam pungtu. Kedanemene pa cikenzwa kedei kecu kah gwang lucai, pa Tinggwang pecu ku kelame dage sampet kai kebeu kering peurwa de ngau luzie.

5 Cu nnui keheibe de maci gahcai, peu pecu Tinggwang, mbang süt eh nah kesiu mene pelane de pwapeu kelabe dade kie lulo, iciude pecu cide pwapeu zie.

29 Dede cikade nnui RAMPAUBE nnui Tinggwang de peei zie, nah nnui pecu ngau luzie, nnui nnui mlung nah nnui rabe pekiene le pwa pecu peei kecudau.

Kie, peei, ketung

7 Kielu, ciciude nnuide pwapeu zie. Peeilo, iciude nnui ngau luzie. Ketunglu, iciude nnuide ngkei beuzie.

24 Cine Ih nnui dage rangla: Maleune de nnui kekie be nah peikelabe, cide nnui ngaulu delie kecu nlum siakte lulo, iciu cai cide nnui gu tei luzie.

21 Pe mpaube pe dage ranggai, ‘Tei dau da, kila keyi kesamsangbo! Nang makecam nage gade de samsang kelune. Ih ncu ma kekiee ge reu keteube tei beuzie. Gwang n mpaube suiyi mzi lulo.’

23 Nnui makeheibe ketei gade de mina ziemne mene, Rampaube ziemne ketei nzwa lungsang gade teilu, 24 nnui Rampaube dade mapwa ziehi ngaulu kera ci eh. Nnui Rampaube Khrista gwa tei bam.

58 Ciziemne, kehung sinamedung, ntip bamlu nah nlai diso, Rampaube gade nnui ta tei kegaide kemta dila kemak ci eh Rampaube ta teinaang bammui lulo.✝

9 Nah anui makeyi ketei ga leudi kerabe ma, kedanemene anui pütdi mene bam lucai peting siakdau rum zielu.

30 Dede mi kekiee ge rai kelame kam dizie, nah kam kelame rai dizie."

6 Mi keheibe dede pe bata tei kegai rehi nzwa Tinggwang peucaili daizie:✝

38 Peulo, iciude ncu de peu zie: mdet kehemi, nimkemtip, hecung kehekwa, nah pui kenlim, cidung de n pi gage ruigai beu zie. Kedanemene nang mdet kebeu dene, ncu de mdet caili daibeu zielu."

33 Kedanemene kesang magade nang n dage keyi teigai kelame dage rünne keyi tei gaila cai, n ziemne cide dai gie ge no? Kemaume de cinzwa tei lalu.

8 Keteeikeneime de teingkei lu, ketsaime de kwakcuh lu, kempame de teimci lu, herakesiabe de gwa dilu. Nnui mta ngau kelunzwa mta peu lulo.

8 Nah Tinggwang ngaugia pelane pwa ncu peulu kebui bam, ciu eh ma pelane gade, kehei daude, nang teu maikesia leune bam eh, heta keyi leune ga nda kepui bamlu kerane.

18 Mina kesiame ge pe ziehi ngaulu kerane nretla,

dede makesangbe ling kegaibe kesangbe ziehi ngau lula.

4 Kehenah nah RAMPAUBE kerüt ziehi au

mahei, ketwa nah ringketie.

3 Peu madaude samkakkelu samsang nah nlumlukebui de ncu püt diso,

cidungde n ngwang gage kang ncütlu,

cidungde n mlung gage raulu.

4 Ciu lucai nang Tinggwang nah mina

suiyi teilu zie nah hezi keyi ngau luzie. *

16 Mige mtamapeu kepeu de ziemne

mina kenlangme de redaulu kera lampui ngkeibeu lubui.

9 Dede Kesanglaisiu ga raupwa kela nzwa,

"Mimiak gede ngau kemak de,*

nah mikwen gade siu kemak,

nah mina lung gade cetla kemakde,

ma aidungde Tinggwang pecu ku kelame ziemne mtei teula."✝

18 Ih kekie au nnui mlung ngkei pwa pe kebaa ngaulu kera deda, iciu eh nnuide qugai kelu keregui de daibi kecu nah peu kemcimedung de gum zielie kebeu pe mapwa kendu keyi de daidung ge bi kecu,

Qukelu nah kedet kelude cisiak kelu

3 Tinggwang pe rabe kengkieng gade ma pelane anuide peu dida nah kemci teilung lunghlu kera Tinggwang maci gade anuide pe kendu nah keyi gage qu gailu.

5 nah keregui cide mide tei nghetdi lama kedanemene Tinggwang keku de anuide kepeube Kemci Rabe gade anui mlung gage ruigai beu dida.

32 Pa pekatei pe na de de kaizeudi kemakbe de de anui pelane ding gade pecu kai kebeube, dainzwa eh pa ma pelane pecu desi eh anuide mta peu mene talai?*

14 dede keheibe de Ih pecu dui pwapeu zielie kela gade saklu cai madau gede hereu dailak. Meliene, Ih pecu pwapeu zielie kela dui cide au peda duilet ge tei dizie, cide lwapwa kelungta kering duilet ge dizie."

24 Cu kecang nnui a zi gade mage de kie mereu. Kielu, nah nnui ngaulu zie, ciu eh nnui suiyibe cangsiaklu kerane.

7 Dede kesangbe Ih nnui dage rangla, Ih tetkedi au nnui ziemne yiki. Kedanemene Ih tet kemakcai, Helungtaukemlabe nnuida gwanglak kecune, dede Ih tet dicai, Ih pecu nnui dage langgai beuzie.

14 Ih kakegai de gage tet gaila, iciu eh Khrista Jisu gade Tinggwang nreule ge qukegai ziehi de ngaulu kerane.

6 Makesangbe ziemne nzeu nah hereu kelame samlam pungtu,

kedanemene penui nggeilu zielu.

2 Cine nnui mide ma kepeu dau, telui kwa ncu tei ndu so, hezai keteime synagoguedung nah puididung ga ketei nzwa, iciu eh penui mina hetwa ngaulu kerane. Ih nnui dage rangsiakte gaila, penui au penui ziehi ngau luda.

6 Dede nnui, nnui kekie ketei dau, n kibung helungle nlütlu, nah n kikam ngkui dilu, n Pei ngkim eh kebam be dade kie lu. Pecai n Pei ngkim eh pie kebam be ncu ziehi peu zie.

14 Kesiabe mene keyibe peeilu,

iciu eh nang ringlu kerane.

Cine RAMPAUBE, reugwame reu Tinggwang, nnuide ngngwa lazie,

nnui kerang nzwa eh.

6 Ih n dage kekie gade a ba hwa gaila;

kideu kecang ga n ziemne a rabe hereu bam dida. Selah

12 Mi keheibe de pesui yi kebam nah ringkebam dau ge makeyi tah teibam kecude swa keyi bam si kemak Ih cibam, 13 nah iciu eh mileune de tyei nah sak maisia, nah pe batadung leune gade makeyi gwang kelu teu kehega lu kera cilu maisia. Aide au Tinggwang dade mapeu ge.

18 Pielo, Ih makeyi nah kezeu tube ci kelu au, nang n bata pelane gade gie kelube teu tyei nah sak eh kehega kelude da, anuide Tinggwang ne peu kebeu teilung tingbaziedung ga tingnaimiak kangga hetah tei kecudau. Kedanemene aide ziemne mina de het keluda.

19 Keheibe de Tinggwang ne pecu mabam mahei nah pe qwa luulu kebui kepeu nah pe bata ketei ga pe sui yisüt kebam, aide Tinggwang dade mta mapeu da.

33 Nnui RAMPAUBE nnui Tinggwang ne nnuide rang kebeu leune lampui ga tetzie, iciu lucai nnui ring luzie, iciu eh n ziemne yi luzie, nah nnui gumlu kera deu dega nnui nnui kelungh ting tie luzie.✝

16 Cine anui lung siadi lama. Meliene, anui pumteih siala liede, anui rabe de tingba ramsang ne teiheci beula.

6 Cine Tinggwang ba kengkiengbe kang gade nnuide teihenah lu iciude peting siak dau pa nnuide teucuh beuzie.

10 Rampaube dwade nnuide tei henah lu, iciude pa nnuide teucuh beuzie.✝

23 Kedanemene kemau ziehidung au ketsai, dede Tinggwang mta mapeu au anui Rampaube Khrista Jisu gade kelungta kering.

27 Nnui ziemne au, pe dade keniakkelu nnui ngau kelude nnuida la, nah nnuide peu mikeheide ledeu mede yi da. Dede pa keniak kelude ne nnuide ma pelane ledeu beula, nah cide au kesang nah kenret ma, nah nnuide ledeu kebeu nzwa, peda bamlu.✝

32 Nah anui au ma aidungde zierangme da, nah cide nzwa Kemci Rabe deda, pa au Tinggwang pe sam mzaikelume de kepeu mapeu delie."

12 RAMPAUBE Moses dage rangdi, "Lamlwatu ga a da nghanglu nah cika bamlu. Ih tangtsukwak de nah hezai nah ajadung Ih raupwa kebamde ncu peuzie, iciude nang penuide ledeulu kerane."