Como era a relação de Jesus com pedro: os maiores ensinamentos de Cristo ao seu seguidor

Yesu angumuputsa Petulo

15 Hovavaga kusinda kulya, Yesu akamuputsaje Simoni Petulo, "Simoni mwana va Yohana! Mbe, ungana heni kulutila vayago?" Nayo akamupitulaje, "Ena, Mutwa heve ungulukagula kuta heni ntsingukugana." Yesu akamulonjelaje, "Ulise chipinga changu cha ng’olo." 16 Kaha akamuputsaje lwa kavili, "Simoni mwana va Yohana! Mbe, un’ngana heni kulutila vayago?" Petulo akajibulaje "Ena Mutwa heve un’tsela kuta heni ntsingukugana." Yesu akamulonjelaje, "Wamile chipinga changu cha ng’olo." 17 Akamupuntsaje lwa kadatu kuta, Simoni mwana va Yohana! Mbe, ungana heni kulutila vayago? Ihyo Petulo akasusutalaje ndalahela kwasawuli ya kuputswa lwa kadatu, Simoni mwana va Yohana! Mbe, ungana heni kulutila vayago? Petulo akamulonjelaje Yesu kuta, Mutwa heve un’tsela ndongwa tseka, kaha un’tsela kuta heni ntsingukugana. Yesu akamulonjelaje, ulise chipinga changu cha ng’olo.

28 Petulo akamulonjelaje, "Mutwa, manyi yo heve undajitse ntsitse kwa heve kuno ntsin’jenda mwilanga mwa malenga." 29 Yesu akamulonjelaje, "Ale! Utse." Ihyo Petulo akikaje mu mutumbwi na kujenda mwilanga mwa malenga na kubita kwa Yesu. 30 Lechelelo Petulo hoavaga kuyiwona yila ng’ala ngomi akavaje na muloto, akantsaje kudidimila mu malenga. Akakolaje kuta, "Mutwa ung’uluse!" 31 Luvalalulo Yesu akagololaje liwoko lyake akamubataje na kumulonjela, "Heve munya litumbilo lidodo kwasawuli ya chichi wawene muhwehwe?"

Petulo angumukana Yesu

54 Ihyo vakamubataje Yesu, vakabitaje nayo mbaka ku nyumba ya muvina va vatawula nambiko. Lechelelo Petulo akavaga angumufwata kumbele kwa kutali. 55 Hovavaga vakotsitse moto hidama, nawo vavaga vichite kota moto, Petulo nayo akikalaje hamwe nawo. 56 Mutantsi yumwe muhintsa hoavaga kumuwona Petulo ichite ha moto, akamukangatsilaje miho, na kulonga, "Munu yuno aka hamwe na Yesu."

57 Lechelelo Petulo akalongaje, "Bee mudala, sintsimutsele munu uyo!"

58 Hambele munu yunji akamuwonaje Petulo na kulonga, "Heve nave uli yumwe vawo!"

Lechelelo Petulo akamulonjelaje, "Ndaya be munu heve, si heni!"

59 Ho yavaga kulutila kota lisala limwe hino, munu yunji akalongaje kwa kuhahanitsa kuta, "Wukweli munu yuno aka hamwe na Yesu, kwasawuli na mwene nayo anhumila ku Galilaya."

60 Lechelelo Petulo akamulonjelaje, "Be munu heve, sintsichitsele ndaya icho chounlonga!"

Luvala lulo lo alongaga Petulo ntsogolo yikavikaje. 61 Mutwa akapitukaje na kumulola Petulo, Petulo nayo akiwukaje ndongwa tsila tso alontsile Muntsajila kuta, "Munyi guno ying’acha siyilavikantsogolo, ukung’ana mala kadatu." 62 Iho Petulo akahumaje kwivala na kuvemba kwa wusungu ndalahela.