Trabalho
O trabalho é uma ordenança divina desde a criação. Deus colocou o homem no jardim para cultivar e guardar, revelando que o labor é parte do propósito humano e um meio de glorificá-lo.
Trabalho como vocação divina
Deus nos criou para trabalhar com propósito. O trabalho é expressão da imagem divina em nós e deve ser feito como para o Senhor.
Chila chomdita, mdite kwa nhumbula yeng’ha, kota vila mwangumditila Mkulu Yesu na haiwele munhu.
Chila chomdita, mdite kwa nhumbula yeng’ha, kota vila mwangumditila Mkulu Yesu na haiwele munhu. Mvizele kota mobochela chonolo kulawa kwa Mkulu Yesu choyawawichile wanhu wa heye, kwa vila mwangumkolela mijito Mkulu Yesu Kilistu!
Na chila chomdita kwa ulonzi ama madito, mdite mweng’ha kwa itagwa lya Mkulu Yesu na kulonga malumbo kwa Nguluwi Mhaza kwa kukolela heye.
Mkole mijito kwa usangalalo kota mwangumkolela mijito Mkulu, haiwele kota mwanguwakolela mijito wanhu. Mkumbuchile kota chila munhu yalingudita ganojile, yawe chitumagwa ama munhu yelejehe, kobochela chonolo kulawa kwa Mkulu.
Lelo, choneche chomlingudita chiwe kulya ama kunwa, mdite vyeng’ha kwa welile wa Nguluwi.
Lelo wang’holozangu wondiwaganile, mwime nzinzili na mikangaze. Mazuwa gose mlutilile kukola mijito ja Mkulu kuno mvizele kota mijito jomlingujikola kuli utumagwa wa Mkulu hajikwaga hihi hela.
Chila chinhu mdite kwa igano.
Diligência e recompensa
A mão diligente enriquece, mas a preguiça traz pobreza. A Bíblia valoriza o esforço honesto, dedicado e perseverante em toda obra.
Ugata wangwambuza uzunwa,
ila moko ga munhu ga kikangaza gangigalaga lufufu.
Kikangaza kwangumhaga munhu ludali,
ila ugata womdita yawe mpogozi.
Kikangaza kwangumhaga munhu ludali,
ila ugata womdita yawe mpogozi.
Kikangaza kuli chila mijito kwangigalaga chinhu cha mzidi,
ila ulonzi hela wangigalaga uzunwa.
Hegwe mgata! Ulute ukalilole isisina,
wijese vyolilinguganigwa kikala leka uwe na luhala.
Isisina lyahela chilongozi ne mkulu ne yalingulongoza,
ila lyangiwichila chilyo mhela wa chipalangule,
lyangukungajizaga na kuwika kuli ng’hano, mhela wa kubeta.
Hegwe mgata, kowasa aho mbaka nili?
Kolilimka nili kuli usinjizi wa hegwe?
Kwangilonjela, "Uwase hado hela,
usinzile hado.
Uswinize moko ga hegwe wesele hado."
Mhela awo uzunwa wokuvaba kota yalinguboka,
kupunguchilwa kokuwinza kota muhizi.
Munhu mgata kuli mijito ja heye,
mng’holoze ndo yalinguwifya.
Uleche kugana kuwasa hela leka uleche kuwa mzunwa,
uwe meho nagwe kowa na chilyo chinji.
Lufufu lwa himahima lwangwajililaga,
ila yalingukungajiza hadohado kolwonjeza.
Utambichizo wa Mkulu Nguluwi ndo ulingigala lufufu,
kikangaza kwa munhu hambe konjeze choneche.
Planejamento e excelência
A excelência no trabalho honra a Deus. Devemos nos dedicar com competência, entregar nossos planos ao Senhor e buscar o melhor em cada tarefa.
Umhe Mkulu Nguluwi choneche choulingudita,
na mbuli za hegwe zokulutila goya.
Umhe Mkulu Nguluwi choneche choulingudita,
na mbuli za hegwe zokulutila goya.
Ndaze, hana munhu yawele na uwanzi kuli mijito ja heye?
Ayo kowakolela mijito wandewa,
howakolela mijito wanhu wa hihi hela.
Wikangaze kudita galingumnojeza Nguluwi uwe chitumagwa yohambe yone soni kuli mijito ja heye na yawele kulangusa ulonzi wa kukomya wa Nguluwi kota vyoilinguganigwa.
Wikangaze kudita galingumnojeza Nguluwi uwe chitumagwa yohambe yone soni kuli mijito ja heye na yawele kulangusa ulonzi wa kukomya wa Nguluwi kota vyoilinguganigwa.
Maandiko Matakatifu gandichigwa kwa kuwichigwa Muhe wa Nguluwi na ganoga kwa kulangusa kukomya na kukanya wanhu kuli wihe wa hewo na kuwika goya wihe wowaditile na kuwalongoza wanhu wekale kuli ukomu wa kumnojeza Nguluwi, leka munhu yalingumkunda Nguluwi yawe yanojile ng’hatu na yawe yewichile goya kudita mijito jinojile.
Ukole mijito kwa mong’ho wa hegwe weng’ha kuli chila chinhu choulingudita. Kuli mhela uchefu hela koluta kuli isi ya wabagame, kuwele kwahela mijito ne kiwika goya ne uwanzi ne luhala.
Mdite chila chinhu ne kung’ung’uta na kuwa hela kitwanza, leka muwe welile na mleche kung’hung’utilwa, kota wana walingumhulichiza Nguluwi walingikala kuli isi yihile yajilile. Mopulika hali hewo kota nhondwe vyozilingumwemwesa kuli ulanga
O contentamento no trabalho
Deus nos dá a capacidade de desfrutar do nosso trabalho. Poder comer, beber e encontrar satisfação em nosso labor é um dom divino.
Nandivizela kota haduhu chiwele chinojile ng’hatu kwa wanhu kusinda kuwa na usangalalo na kudita ganojile mhela howowa wochikala. Tweng’ha twanguganigwa kunwa na kusangalala kwa chiwalo cha mijito ja hetwe, kwa vila awo ndo utambichizo wa Nguluwi.
Nandivizela kota inoga kwa munhu kulya na kunwa na kusangalala kwa chiwalo cha mijito ja heye jing’ang’ale joyalingujikola muisi, kuli mazuwa mado ga ukomu wa heye goyapegwe na Nguluwi, kwa vila ndo hachi yake.
Mzidi wa geng’ha, Nguluwi hoyomha munhu yoneche lufufu na kusangalala kwa chiwalo cha kutumiya vinhu avyo na kusangalala kwa chiwalo cha mijito ja heye, vinhu avi ndo ndolendole kulawa kwa Nguluwi.
Fola kuwa wanhu weli kusinda yumwe, kwa vila howowa hamwe wokola mijito goya kwa kitanza.
Nakwali na munhu yawele nayali yaliyeka, hawele na mwana ne mng’holoze yoneche, ila halechile kukola mijito na halingiguta kwa lufufu lwa heye ne kwesela na kiwuza, "Ndangitunya ahi kwa chiwalo cha whaani? Lekachoni nani ndangibunza kusangalala?" Ali kahi ndo iyosi, ndo mijito jiwele na magazo!
Nandivizela chiwalo cha wanhu kukola mijito kwa kikangaza leka mijito ja hewo jiwe minji lukami, ndo kwa chiwalo cha kuwonela maya walingikalasa habehi na hewo. Ila ali nalyo ndo iyosi, ndo kota kubilimisa mbeho.
A responsabilidade cristã
O cristão deve trabalhar com suas próprias mãos, viver dignamente e ser exemplo de dedicação. Quem não trabalha, não coma.
Lotuwele hamwe na hemwe natwali tuwalonjela, "Munhu yoneche yawele halingugana kukola mijito, yaleche kulya chilyo."
Twangulonga mbuli ayo kwa vila natuhulika kota wabaho wamwe wa hemwe wagata na hawalingudita choneche, ila wanguwa videlenya kwa mbuli za wanhu wanji. Kwa itagwa lya Mkulu wa hetwe Yesu Kilistu twanguwalajiza hemwe na kuwakanya wanhu awo kota wekale vyoilinguganigwa na wakole mijito leka wawe na vinhu vya kuwatanza hewo wawo.
Mikangaze kikala goya ng’hatu ne kubilima aku na aku, chila yumwe yetunye kwa chiwalo cha mbuli za heye yuye na yakole mijito kwa moko ga heye yuye kota vyotuwalajize hala hamwande. Kwa mbuli ayo, mopegwa lutogo kulawa kwa wala wohambe wamkunde Kilistu na hamuwa na mbuli ya kugana kitumbila wanji kwa gala gomlingugana.
Mhizi yaleche kuhiza kahi ila yakole mijito jinojile kwa moko ga heye leka yapate chinhu cha kuwapa wazunwa.
Nguluwi kanguweza kuwapa hemwe mzidi wa gala gomlingugana, mazuwa gose mopata chila chinhu chomlingugana. Ahyo mlutilile kutanza kuli chila mijito jinojile.
Ahyo, lelo, kung’hali baho Zuwa ya Kwesela kwa wanhu wa Nguluwi, kota vila Nguluwi vyoyeselile kuli zuwa lya saba. Mina, chila yokwinjila honhu ha kwesela ha Nguluwi, kokwesela kuli mijito ja heye kota vila Nguluwi vyoyalechile mijito ja heye na kwesela.
Uganililo wa hegwe, gwa Mkulu, Nguluwi wa hetwe,
chotulingudita uchiwiche chiwe goya,
ena, uchiwiche goya chila chotulingudita.
Mvilole videje, havilingunyala nyhadikwa, havilingubeta nyhadikwa, kahi vyahela ng’hano. Leka ahyo Mhaza wa hemwe kilanga kanguwahombela. Lelo hemwe mnoga kusinda awo.
Yalihi yoweza kuwalumiza hemwe wone mibatilila kudita ganojile?
Ndikomya ndanguwalonjela, yalingung’hunda kodita mbuli zondilingudita heni, ena, kodita mbaka mbuli ng’hulu ng’hatu, kwa vila ndanguluta kwa Mhaza.
Ila hambe ndiwone ukomu wa heni kota ndo chinhu ng’hatu, ila sinde wula utumagwa wa heni na jila mijito joyamhele Mkulu Yesu ndijikole, jiwele ndo kudamla Mbuli Inojile ya isungu lya Nguluwi.
Lelo, milolele hemwe leka mleche kwajiliza chila chomchigongomanyile mijito, ila mpegwe chonolo cha hemwe chenele.