8 Agba gogo, A̱sulazuva, a̱vu Dada tsu ɗa. A̱tsu olo'o a ɗa, a̱vu ma'in ɗa, suru ntsu a̱tsu ulinga wu ukere wa̱ wu u ɗa.

1 Apa adanshi a na A̱sulazuva a yuwayin Irimiya, ana, 2 <<'Yon vu zura̱ a̱ tyo uba̱ta̱ wu za vu uma'an vu mpondo. Ɗe ɗa maa ca wu ikaka i va̱.>> 3 Reve n ka̱ra̱ a̱ cipa̱, n cina za vu uma'an vu mpondo'o a yuwusan uma'an wu mpondo. 4 Ili i na u ma'asain no olo'o u la̱nga̱ ta̱ e ekere a̱ yi, a̱vu u ma'isan upondo u ro ko'o no olo'o'o ununa u cigai.

5 Reve adanshi a̱ A̱sula̱ a̱ ta̱wa̱ uba̱ta̱ u va̱ ana, 6 <<U'wa wa Isra'ila, ashe ma gura yuwan na̱ ɗu cine za vu uma'an vu mpondo nda yuwain shi? Agba a̱ yi ɗa nda cine olo'o a̱ ri e ekere aza vu uma'an, ne ɗa a̱ɗu fo i ri e ekere a̱ va̱, a̱ɗu ama a Isra'ila.

9 <<A̱tsuma̱lima̱ a ta cina za na aa yuwusan mawasan na̱ za na yuwan niyi, upondo a̱tsuma̱ o pondo vo olo'o! Olo'o a ta damma za na yuwan niyi, <Nye i ɗa vaa yuwusan?> Ko, <Ekere a̱ wu e reve ulinga u le shi?>

16 I vadaluwa ta̱ ili suru. A ta tara za vu uma'an a̱ ka̱mba̱to yi olo'o, a na ili i na a yuwain waa damma za na yuwan niyi, <<U yuwan mu shi>>? Upondo u ta damma za na yuwan niyi, <<U reve ili shi>>?

2 Cine ulobonu u muwun ma̱ Sihiyona n da̱na̱i,

aza a na ulobonu u le u shi tsa zinariya,

gogo a tara le ta̱ tso mpondo mo olo'o,

ulinga we ekere wu ma'in!

8 <<Ekere a̱ wu a ɗa a ma'an numu

a̱vu waru a yuwan mu.

Agba gogo nu ucira wa̱ wu

u nda ɗa voo kototo mu.

9 Cuwan, a na vu ma'an numu no olo'o,

agba gogo vu ta̱

ka̱mba̱to mu ma̱buta̱?

34 <<I yuwan mesun na̱ a̱tsumola̱ngu,

a̱ɗu aza aguɓa,

waru i gandala o okomo,

a̱ɗu azagbain e ikyo i va̱.

Adama a na mantsa ma na

a paɗa ɗu yuwan ta̱.

Waru i ta̱ riya̱

a̱vu i ɓoso tsa aasa'atsu asa'ani.