4 I canaa A̱sula̱ ishipa,

i canaa ala a̱ yi ica,

i ciɓala za na tsu katsa e eleshe.

A̱sulazuva a ɗa aala a̱ yi,

waru i yuwan ma̱za̱nga̱ elime a̱ yi!

5 A̱sula̱ a ɗa dada vu mkpa’an

za na tsi idanasa nruna̱,

A̱sula̱ za na ri nden uba̱ta̱ wa Akiza a̱ yi.

9 A̱sulazuva a̱ ta̱ ka̱lyuwusa̱ omocin,

u tsu kamba ta̱ mkpa’an na̱ nruna̱,

agba u tsu lungusa̱ ta̱

ifoɓi ya̱ a̱za̱ e iwuya.

12 Adama a na n wawa ta̱ za vu ulambu

na zamiyi ikambishi,

na̱ makpa’an ma na ma̱ ri

na̱ za na aa kamba yi shi.

13 Vuma na shi o una̱ u ma̱kuwa̱a̱

u zuwaa mu ta̱ aba’un,

n zuwa ta̱ okolo a̱ ma̱runa̱

a cana ishipa i ma̱za̱nga̱.

9 <<Apa ili i na A̱sulazuva o oɓolo a̱ a̱soja a zuva a dammai, <I yuwan uge’etosu wa amayun, i rocoloi isa’ani ni iliyali. 10 She i ɓongi ma̱runa̱ ko makpa’an wan na̱ mocin na̱ za vu ulambu wan. She i yuwunlai majiyan me iwuya o okolo a̱ ɗu wan.>

22 <<She vu tara alaki a̱ ma̱runa̱ ko makpa’an wan. 23 Ni i tara alaki e le, reve e showen mu n ta̱ gba a uwwa mesun me ele. 24 Reve gba upan u va̱ u 'yon nu usuɗuwu a aci a̱ ɗu, reve mu una ɗu na̱ matsun me pe’eni. A̱vu a̱ma̱ci a̱ ɗu o o’wo nruna̱ muwun n ɗu waru mo o’wo mkpa’an.

17 Ritoi mayan me mejege! Zamiyi amayun i kamba aza a na oo ɓongishi. Piriya̱yi mkpa’an, reve yi isawaan nruna̱.