2 A ka Yuhana kɔrɔcɛ Yakuba faa fanmuru la. 5 Wo rɔ, Piyɛri lamarara kaso la ye. Kɔni lemɛniya jama mɔɔilu ka ii raja Alla matarala a yɛ kosɛbɛ.
12 Piyɛri ka wo ɲayen tuma mɛn na, a wara Yuhana na Mariyamu wara. Mɔɔilu ye a fɔla Yuhana mɛn ma ko Marika. Mɔɔ siyaman nadɛnnin tɛrɛ Mariyamu wara ye ka Alla matara. 13 Piyɛri sera ye ka lu da makɔnkɔn. Baaraden muso mɛn tɔɔ ko Roda, wo nara da la, ka lakɔrɔsili kɛ. 14 A ka Piyɛri kan mɛn tuma mɛn na, a sɛwara kojuuya, a ɲinara da laka ko rɔ. A ka i bori ka wa a fɔ mɔɔ bɛɛ yɛ ko Piyɛri lɔni da la kɛnɛ ma. 15 Roda ka Piyɛri na ko fɔ tuma mɛn na, ye mɔɔilu ka a jabi: «Fatɔ le i ri wa?» Kɔni Roda ka a fɔ ka a magbɛlɛnya ko: «Ale le jɔ!» Ii ka a fɔ ko: «Ale tɛ. A la mɛlɛka le.» 16 Kɔni Piyɛri tɛrɛ ye da makɔnkɔnna kosɛbɛ. Ii wara da laka tuma mɛn na, ii ka Piyɛri yen ka kabannakoya kojuuya.