Gênesis 47

7 Yusufu ka a fa Yakuba lana ka a yiraka mansa la. Yakuba duwara mansa yɛ. 8 Ferawuna ka Yakuba maɲininka ko: «N fa, i sɔrɔn da san yɛli bɔ?» 9 Yakuba ka a fɔ ko: «N da san kɛmɛ ni san bisawa (130) sɔrɔn n na dunuɲaratɛɛ bɛɛ rɔ, wo bɛɛ rɔ, n si ma siya a ni n da tɔrɔya siyaman sɔrɔn. N si ma siyaya ikomin n failu ka si sɔrɔn ii la dunuɲaratɛɛ rɔ ɲa mɛn ma.»

10 Yakuba duwara Ferawuna yɛ ikɔ ka wa.

11 Yusufu ka duu di a fa ni a badenmailu ma ka ii lasii Misiran jamana rɔ ikomin mansa ka a fɔ a yɛ ɲa mɛn ma. Duu wo tɛrɛ ye Ramɛsisi le. Yɔrɔ wo ka ɲin jamana yɔrɔ tɔ bɛɛ ri. 12 Yusufu ka a fa ni a badenmailu ni a fa la mɔɔ balo, bɛɛ ni a la denbaya.