Yuhana 1

45 Awa, Filipe ka Natanayɛli yen, ka a fɔ a yɛ ko: «Musa la sariya sɛbɛra, a ni kelalaselailu ka sɛbɛli kɛ mɛn na ko rɔ, an da wo yen. Isa ye Nasarɛtika le ri, Yusufu dencɛ.» 46 Natanayɛli ka a fɔ Filipe yɛ ko: «Nasarɛti ri se fen do labɔla mɛn ka ɲin?» Filipe ka a jabi: «Na, i ri a yen.»

47 Isa ka Natanayɛli natɔla yen a ma ka a fɔ a ma ko: «Isirayɛlika bɛrɛ bɛrɛ le ɲin di, tɔɲɔli si tɛ a la ko rɔ.» 48 Natanayɛli ka Isa maɲininka ko: «I ka a lɔn de ko yon de n di?» Isa ka a jabi: «Yani Filipe ye i kili waati mɛn, n ka i yen toroju le la.» 49 Natanayɛli ka a fɔ a yɛ ko: «Karanmɔɔ, i ye Alla la Den de ri. I ye Isirayɛli mansa le ri!» 50 Isa ka a jabi: «N ka a fɔ i yɛ ko n ka i siini yen toroju kɔrɔ. I ra lemɛniya wo le kosɔn wa? Nba, i ri koilu yen, mɛnilu ka bon wo ri paaɔn.» 51 Isa ka do la kuma wo kan ka a fɔ ko: «Ɔɔn. N ye tuɲa le fɔla ii yɛ: lon do natɔ, ai bɛɛ ri sankolo dalakani yen, ka Alla la mɛlɛkailu yen jiini ka yɛlɛ kɛla Mɔɔ Dencɛ ma.»