Isaya 40

28 Hauzivi here?

Hauna kunzwa here?

Jehovha ndiye Mwari nokusingaperi,

Musiki wamagumo enyika.

Haaneti kana kuziya,

uye hakuna angayera kunzwisisa kwake.

29 Anopa simba kuna vakarukutika,

uye anowedzera simba kuna vasina simba.

30 Kunyange majaya anoneta uye anorukutika,

uye majaya anogumburwa agowa;

31 asi avo vane tariro muna Jehovha

vachavandudza simba ravo.

Vachabhururuka namapapiro samakondo;

vachamhanya vasinganeti;

vachafamba vasingaziyi.